ការចាប់ផ្តើមឲ្យទារកញ៉ាំអាហារបន្ថែម ដែលពេលខ្លះត្រូវបានគេហៅថាការផ្តាច់ដោះឬការផ្តល់អាហារបន្ថែម ជាការសំខាន់និងមិនអាចរំលងបានក្នុងការលូតលាស់របស់អូនៗ។ ក្នុងអំឡុងពេលនេះ ម៉ាក់ៗអាចនឹងធូរស្រាលខ្លួនជាងមុនដោយសារមិនបាច់បំបៅកូនទៀតទេ តែវាក៏ស្មុគស្មាញផងដែរ ដោយសារមិនដឹងថាត្រូវឲ្យកូនញ៉ាំអី ហើយចៀសវាងអីនោះ។ យ៉ាងណាបន្លែនិងផ្លែឈើដ៏ស័ក្កិសមបំផុតចំនួន ៤ នេះគឺល្អក្នុងការចាប់ផ្តើមញ៉ាំដំបូងរបស់អូនៗ។
បន្លែ ផ្លែឈើទាំងនេះល្អខ្លាំងសម្រាប់អូនៗ ពិសេសពេលម៉ាក់ៗចាប់ផ្ដើមផ្ដាច់ដោះ
១- ផ្លែប៊ឺរ
មានពាក្យដំណាលតៗគ្នាថា មិនគួរឲ្យកូនញ៉ាំអាហារសំបូរខ្លាញ់ឡើយ ទោះបីអាហារនោះល្អសម្រាប់សុខភាពក៏ដោយ។ តែការពិតទៅ ខ្លាញ់គឺជាចំណែកមួយដែលមិនអាចខ្វះបានក្នុងរបបអាហាររបស់ក្មេង ជាពិសេសអូនតូចក្រោមមួយឆ្នាំនេះតែម្តង។ ដោយសារខ្លាញ់នេះឯង ជួយឲ្យរាងកាយយើងស្រូបយកពពួកសារធាតុចិញ្ចឹម ដែលរលាយក្នុងខ្លាញ់បាន (វីតាមីនA វីតាមីនC វីតាមីនD និងវីតាមីនE ដែលជួយដល់សុខភាពស្បែកនិងមុខងារខួរក្បាល)។ ចំណុចនេះហើយដែលធ្វើឲ្យផ្លែប៊ឺរស្ថិតក្នុងចំណៅមផ្លែឈើល្អបំផុតសម្រាប់ក្មេងនោះ។ មិនតែប៉ុណ្ណោះផ្លែប៊ឺរក៏មានពពួកខ្លាញ់ល្អសម្រាប់សុខភាពដូចជា monounsaturated fats និងវីតាមីនE។ បន្ថែមពីលើនេះ វាក៏ផ្តល់ឲ្យយើងនូវសារធាតុចិញ្ចឹមមួយចំនួនទៀតដូចជា folate ប៉ូតាស្យ៉ូមនិងពពួកវីតាមីនជាច្រើនទៀត។
ដោយសារសាច់ប៊ឺរមានសភាពម៉ដ្ឋល្អនៅពេលក្រឡុកឬកិន វាងាយក្នុងការញ៉ាំសម្រាប់ក្មេងដែលចាប់ផ្តើមផ្តាច់ដោះដំបូងៗ។ ម៉ាក់ៗក៏អាចក្រឡុកលាយជាមួយផ្លែឈើផ្សេងទៀតដើម្បីបង្កើនរសជាតិក៏ដូចជាសារធាតុចិញ្ចឹមដល់ក្មេងបានផងដែរ។
អត្ថបទពាក់ព័ន្ធ៖
- វិធី ៥ យ៉ាង អ្នកជំនាញចែករំលែកដល់ម៉ាក់ប៉ាគួរអនុវត្តឲ្យបានក្នុងការចិញ្ចឹមកូន
- តិចនិក ៥ យ៉ាងប៉ាម៉ាក់គួរដឹង ដើម្បីចៀសវាងស្រែកគំហកដាក់កូនពេលធ្វើខុសអ្វីមួយ
- មកពីបែបនេះ ទើបកូនយើងអាយុស្របាលក្មេងដទៃដែរ តែកម្លាំង បញ្ញា ចាញ់គេដាច់
- ម៉ាក់ៗសម័យថ្មី ចិញ្ចឹមកូនបែបណាទើបកូនមានប្រព័ន្ធការពាររឹងមាំ និងមិនសូវឈឺ?
២- ផ្លែចេក
ផ្លែចេកមិនត្រឹមតែល្អសម្រាប់សុខភាព ឆ្ញាញ់ និងស្រួលយកតាមខ្លួននោះទេ ថែមទាំងជាជម្រើសល្អសម្រាប់ក្មេងតូចៗទៀតផង។ ចេកសំបូរទៅដោយសារធាតុសរសៃ វីតាមីនB និងពពួកកាបូអ៊ីដ្រាតដែលល្អសម្រាប់សុខភាពទៀតផង។ ចេកផ្តល់ថាមពលដល់ក្មេងបានយូរ ហើយមិនធ្វើឲ្យហើមពោះ ឬមិនស្រួលពោះអ្វីនោះឡើយ។ ផ្នែកនេះក៏ប្រើជាមធ្យោបាយក្នុងការការពារនិងព្យាបាលពេលរាករូស និងទល់លាមកផងដែរ។
៣- មើមដំឡូងជ្វា
ក្មេងរឹតតែចូលចិត្តដំឡូងជ្វាទៅទៀតដោយសាររសជាតិឆ្ញាញ់ និងសំបូរសារធាតុចិញ្ចឹមច្រើន។ មើមដំឡូងជ្វាមានច្រើនប្រភេទដែលមានពណ៌ផ្សេងៗគ្នាតាំងពីស ដល់ផ្កាឈូក។ ជាទូទៅដំឡូងផ្តល់វីតាមីនC វីតាមីនB និងផូស្វ័រ បន្ថែមពីលើនេះដំឡូងពណ៌ទឹកក្រូចមានបែតាការ៉ូទែន (Beta carotene ) ឯពណ៌ស្វាយសំបូរទៅដោយសារធាតុប្រឆាំងអុកស៊ីតកម្មទៀត។ ចំណុចល្អមួយទៀតនោះ គឺដំឡូងជ្វាមានរសជាតិផ្អែមឆ្ញាញ់ពីធម្មជាតិ ដែលនេះហើយក្មេងៗចូលចិត្តជាងបន្លែផ្សេងៗ។ ដំឡូងមិនពិបាកចម្អិននោះទេ និងមិនប្រើពេលយូរដែរ។ ពេលចម្អិនដំឡូនកិនឲ្យក្មេងញ៉ាំ ម៉ាក់ៗកុំភ្លេចបន្ថែមប្រេងបន្តិចដើម្បីស្រូបបានសារធាតុចិញ្ចឹមទាំងអស់របស់ដំឡូង។
៤- ផ្កាខាត់ណាខៀវ
ផ្កាខាត់ណាខៀវរក្សាដំណែងក្នុងក្រុមអាហារល្អសម្រាប់ក្មេងបានជារៀងរាល់ឆ្នាំ។ មិនត្រឹមតែសំបូរវីតាមីន និងសារធាតុរ៉ែទេ វាក៏មានសារធាតុប្រឆាំងអុកស៊ីតកម្ម និងសារធាតុចិញ្ចឹមជាច្រើនផ្សេងទៀតផងដែរ។ ផ្កាខាត់ណាខៀវជួយបន្សាបជាតិពុលនិងបន្ថយជាតិអាស៊ីតក្នុងខ្លួនក្មេងបានយ៉ាងច្រើន។
ខណៈដែលផ្កាខាត់ណាខៀវចាំបាច់ត្រូវតែមានក្នុងអាហារក្មេង តែវាមិនមែនជាជម្រើសល្អសម្រាប់ក្មេងទើបផ្តាច់ដោះដំបូងៗដែរ។ នេះគឺដោយសារសារធាតុនីត្រាត និងសារធាតុសរសៃដែលអាចធ្វើឲ្យក្មេងហើមពោះ និងមិនស្រួលក្នុងពោះបានសម្រាប់ក្មេងតូចៗ។ ដោយសារគុណប្រយោជន៍វាច្រើនជាងគុណវិបត្តិ ម៉ាក់ៗគួរឲ្យក្មេងញ៉ាំបន្លែនេះនៅពេលក្មេងគ្រប់អាយុ ៨ខែឡើង។
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម