បញ្ហាកូនកើតមានភាពខុសប្រក្រតី អាណាព្យាបាលត្រូវតែសង្កេត និងតាមដានការវិវត្តន៍របស់កូនឲ្យបានដិតដល់។ ក្នុងនោះដែរ លោកស្រីវេជ្ជបណ្ឌិត ហួរ ដានេ អនុប្រធាននាយកដ្ឋានអាហារូបត្ថម្ភ នៃមន្ទីរពេទ្យកុមារជាតិ បានណែនាំឲ្យសង្កេតមើលកូនតូចប៉ុន្មានចំណុចដូចខាងក្រោម។

– ទម្រង់មុខ ក្បាលវៀច ក្រពឹត ឬមិនស្មើគ្នា

– ស្មាខ្ពស់ ទាប មិនស្មើគ្នា

– ដេក ងាក បៅតែម្ខាង ឬបៅឧស្សាហ៍ឈ្លក់ ក្អួត

– លើកដៃ ជើង បានតែម្ខាងៗ

– ជើងកោងចូលគ្នាខ្លាំង

– គ្មានកាយវិការឆ្លើយតប ពេលហៅ

– ពងស្វាសតូចធំមួយចំហៀង

– ជាប់គល់អណ្ដាត

– ភ្នែកសើម ឬហៀរទឹកភ្នែករហូត។

អនុប្រធាននាយកដ្ឋានអាហារូបត្ថម្ភ នៃមន្ទីរពេទ្យកុមារជាតិ បានបន្ថែមទៀតថា ប្រសិនបើកូនយើងមានសញ្ញាដូចបានរៀបរាប់ខាងលើនេះ សូមប្រញាប់នាំកូនទៅជួបជាមួយគ្រូពេទ្យជំនាញ ដើម្បីពិគ្រោះ និងស្វែងរកការព្យាបាលឲ្យទាន់ពេលវេលា។

វេជ្ជបណ្ឌិត ហួរ ដានេ បានបន្តទៀតថា ភាពខុសប្រក្រតីខាងលើខ្លះអាចកើតឡើងអំឡុងពេលសម្រាល ឬមកពីកំណើតតែម្ដង ដូចនេះហើយទាមទារម៉ាក់ប៉ាយកចិត្តទុកដាក់ និងសង្កេតកូនឲ្យបានដិតដល់ពីការវិវត្តន៍ប្រចាំថ្ងៃ។

អត្ថបទពាក់ព័ន្ធ៖

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

កូនទើបកើត ម៉ាក់ប៉ាគួរសង្កេតមើលប៉ុន្មានចំណុចនេះ