backup og meta
មាតិកា
ឧបករណ៍សុខភាព
រក្សាទុក

Thalassemia ជាជំងឺតំណពូជ កូនឆ្លងពីម្តាយឪពុក តែកើតហើយត្រូវព្យាបាល ១ ជីវិត

ត្រួតពិនិត្យដោយ វេជ្ជ. ចាន់ ស៊ីណេត · ឯកទេសសម្ភព និងរោគស្ត្រី · ម​ន្ទីរពេទ្យបង្អែកមិត្តភាពកម្ពុជា-ចិន សែនសុខ


អត្ថបទ​ដោយ ដេត ធន្នី · កែ Oct 19, 2020

Thalassemia ជាជំងឺតំណពូជ កូនឆ្លងពីម្តាយឪពុក តែកើតហើយត្រូវព្យាបាល ១ ជីវិត

Thalassemia ជាជំងឺគ្រាប់ឈាមក្រហមពីកំណើត ឬហៅម្យ៉ាងទៀតថា ជាជំងឺតំណពូជពីឪពុក ឬម្តាយ ឬអាចទាំងម្តាយទាំងឪពុកដែលមានជំងឺនេះ រួចបន្តទៅកូន ដែលធ្វើឲ្យរាងកាយមានអេម៉ូក្លូប៊ីនតិចជាងធម្មតា ដែលមិនអាចដឹកជញ្ជូនអុកស៊ីសែនទៅចិញ្ចឹមរាងកាយបាន។

លោកសាស្ត្រាចារ្យវេជ្ជបណ្ឌិត ជាន សុផល ប្រធានផ្នែកជំងឺឈាមកុមារ នៃមន្ទីរពេទ្យកុមារជាតិបានពន្យល់ថា ជំងឺ Thalassemia ស្ថិតនៅលើក្រូម៉ូសូមរបស់ម្តាយឪពុកដែលបង្កកំណើតផ្តល់ទៅកូន បើទាំង២នាក់ (ឪពុក និងម្តាយ) មានជំងឺ Thalassemia នោះកូននឹងមានឱកាសកើតជំងឺនេះដែរ។ ផ្ទុយទៅវិញ បើក្នុងចំណោម ២នាក់ (ម្តាយ និងឪពុក) មានតែម្នាក់មានផ្ទុកជំងឺ Thalassemia នេះ នោះកូននឹងមានឱកាសឆ្លងជំងឺនេះ ៥០% តែប៉ុណ្ណោះ (៥០% អាចអត់អី ឯ ៥០% ទៀតអាចកើតជំងឺនេះដូចឪពុក ឬម្តាយ)។

លោក​វេជ្ជបណ្ឌិត​ថា នៅ​ប្រទេស​ជា​ច្រើន​នៅ​លើ​ពិភពលោក​នេះ​ដែល​ពី​មុន​មាន​អត្រា​កើត Thalassemia  ច្រើន តែ​បច្ចុប្បន្ន​បាន​ធ្លាក់​ចុះវិញ ដោយសារ​តែ​មានគោល​នយោបាយ​ជាតិ គឺ​រាល់​ពេល​​ដែល​​ស្ត្រី និង​​បុរស​​រៀបការ ឬ​​មាន​​គម្រោង​​យក​​កូន គឺ​តម្រូវ​ឲ្យធ្វើ​តេស្ត​ទាំង ២នាក់ រក​ជំងឺ Thalassemia។ “ការ​​ដែល​​អ្នក​​ទាំង ២  មាន​​ផ្ទុក​​ជំងឺ Thalassemia មិន​​មែន​​មាន​ន័យ​ថា អ្នក​ទាំង​២ មិន​អាច​រៀបការ​ជាមួយគ្នា​បាន​នោះ​ទេ គ្រាន់​តែ​ឲ្យ​អ្នក​ទាំង២ មាន​ផែនការ​មាន​កូន ដោយ​រាល់​ពេល​មាន​ផ្ទៃពោះ ត្រូវ​ធ្វើ​តេស្ត​កូន​ក្នុង​ផ្ទៃ បើ​កូន​មាន​ជំងឺ​នេះ​ដែរ តម្រូវ​ឲ្យ​យក​ចេញ ផ្ទុយទៅ​វិញ បើ​កូន​ល្អ មិន​មាន​ជំងឺ Thalassemia ទេ អាច​ទុក​បាន​ធម្មតា”។​

មានវិធីដឹងថាកូនក្នុងផ្ទៃមានជំងឺ Thalassemia ឬអត់ទេ? លោកវេជ្ជបណ្ឌិតឆ្លើយតបថា យើងអាចដឹងថា ក្នុងផ្ទៃមានជំងឺ Thalassemia នេះ ឬអត់ ដោយការបូមទឹកភ្លោះយកទៅពិនិត្យ នៅក្នុងអំឡុងត្រីមាសទី ១២-១៥ សប្តាហ៍។ បើសិនជាពិនិត្យឃើញថា កូនក្នុងផ្ទៃកើតជំងឺ Thalassemia ក្នុងកម្រិតធ្ងន់ នោះក្រុមគ្រូពេទ្យមិនឲ្យឪពុកម្តាយបន្តទុកកូននោះក្នុងផ្ទៃនោះទេ ព្រោះពេលកូនកើតមកឈឺវេទនាណាស់ ត្រូវការព្យាបាល ១ ជីវិត ហើយចំណាយថវិកាក៏ច្រើន។

រោគសញ្ញាជំងឺ Thalassemia រួមមាន៖

– ស្លេកស្លាំង

– អស់កម្លាំង

– ខ្សោយ

– ស្បែកលឿង

– លូតលាស់យឺត

– បាត់បង់ចំណង់អាហារ។

បដិសេធ

Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

ត្រួតពិនិត្យដោយ

វេជ្ជ. ចាន់ ស៊ីណេត

ឯកទេសសម្ភព និងរោគស្ត្រី · ម​ន្ទីរពេទ្យបង្អែកមិត្តភាពកម្ពុជា-ចិន សែនសុខ


អត្ថបទ​ដោយ ដេត ធន្នី · កែ Oct 19, 2020

ad iconផ្សព្វផ្សាយពាណិជ្ជកម្ម

តើអត្ថបទនេះមានប្រយោជន៍ដែរទេ?

ad iconផ្សព្វផ្សាយពាណិជ្ជកម្ម
ad iconផ្សព្វផ្សាយពាណិជ្ជកម្ម