​គេងច្រើនជាង ៩ ម៉ោង​ក្នុង​មួយ​ថ្ងៃ អាចជាសញ្ញាមួយនៃបញ្ហាសុខភាព

ត្រួតពិនិត្យដោយ | ដោយ

កែសម្រួលចុងក្រោយនៅថ្ងៃទី 01/07/2020 . 3 បានអាន​ចំនួន
Share now

ប្រសិនជា​យើង​សង្កេត​ឃើញ​ថា​យើង​ត្រូវការ​រយៈពេល​គេង​ច្រើន​ជាង​ ៩ ម៉ោង​ក្នុង​មួយ​ថ្ងៃ គិត​ទាំងពេលថ្ងៃ និងពេលយប់ ដើម្បី​ជាការ​​សម្រាកស្រួលខ្លួន​ ​នោះ​អាច​ជា​សញ្ញា​បង្ហាញ​ថា​យើង​កំពុង​មាន​បញ្ហា​សុខភាព ជាពិសេស​សម្រាប់​គ្នាយើង​ដែល​អាច​គេង​លក់​នៅ​កន្លែងណា និង​ពេល​ណា​ក៏​បាន​។ ​ភាគច្រើន​យើង​តែង​មើល​រំលង​បញ្ហា​គេង​ច្រើន​នេះ​ដោយ​គិត​ថា​មក​ពី​យើង​ហត់​ពី​ការងារ ប៉ុន្តែ​ការ​មិន​យក​ចិត្ត​ទុក​អាច​បណ្ដាល​​ឲ្យ​មាន​ប៉ះពាល់​ច្រើន។ តើ​គេង​ច្រើន​ពេក​អាច​បណ្ដាល​មក​ពី​កត្តា​អ្វី​ខ្លះ?

. ជំងឺ​គេង​ច្រើន (Hypersomnia)

ជំងឺ​គេង​ច្រើន​ (Hypersomnia) សំដៅ​លើ​ស្ថានភាព​ដែល​រយៈពេល​នៃ​ការ​គេង​មាន​ការ​កើន​ឡើង​មិន​ថា​ពេល​យប់ ឬ​ពេល​ថ្ងៃ។ តាមពិតទៅ​ អ្នក​ដែល​មាន​ជំងឺ​គេង​ច្រើន​នេះ​អាច​នឹង​ងងុយ​គេង​អំឡុង​ពេល​ថ្ងៃ។ ក្នុង​ករណី​នេះ​យើង​អាច​នឹង​គេង​លក់មិនថា​​យើង​កំពុង​បើក​បរ​ ឬ​នៅ​កន្លែង​ធ្វើ​ការ​ក៏​ដោយ​។ ទោះបី​យើង​គេង​ច្រើន​ម៉ោង​ក៏​ដោយ យើង​នៅ​តែអាច​មាន​អារម្មណ៍​ថា​ហត់ ឬ​អស់កម្លាំង​។

. ជំងឺ​បាក់​ទឹកចិត្ត

មនុស្ស​ពេញ​វ័យ​មួយ​ចំនួន​អាច​មាន​ជំងឺ​គេង​មិន​លក់​ជា​សញ្ញា​នៃ​ជំងឺ​បាក់ទឹកចិត្ត ខណៈ​មនុស្ស​ពេញ​វ័យ​មួយ​ចំនួន​ទៀត​ក៏​ដូច​ជា​កូន​ក្មេង​អាច​នឹង​មាន​ជំងឺ​គេង​ច្រើនដែល​​បង្ក​ដោយ​ជំងឺ​បាក់ទឹកចិត្ត។ ប្រសិនជា​យើង​មិន​យក​ចិត្ត​ទុក​ដាក់ ឬ​មិន​ដឹង​ថា​យើង​​មាន​ជំងឺ​បាក់ទឹកចិត្ត ការ​គេង​លក់​ច្រើន​អាច​ជា​សញ្ញា​មួយ​ដែល​យើង​មិន​គួរ​មើល​រំលង។

. សុខភាព​បេះដូង

រោគសញ្ញា​មួយ​ក្នុង​ចំណោម​រោគសញ្ញា​ដែល​យើង​អាច​មាន​ដោយសារ​ជំងឺ​ទាក់ទង​នឹង​បេះដូង​អាច​ជា​ការ​គេង​ច្រើន។ នេះ​រួម​បញ្ចូល​ការ​ងងុយគេង​អំឡុង​ពេល​ថ្ងៃ​ដែរ។ យើង​អាច​មាន​អារម្មណ៍​ថា​ហត់ និង​អស់កម្លាំង តែ​នេះ​អាច​មិន​មែន​មក​ពី​ធ្វើ​ការ​ច្រើន​ទេ។ ហេតុ​នេះ​ហើយ​ទើប​មាន​ការ​ពិបាក​ក្នុង​បែង​ចែក​ថា​បញ្ហា​គេង​ច្រើន​ជាង​៩​ម៉ោង​របស់​យើង​អាច​ទាក់ទង​ទៅ​នឹង​ជំងឺ​បេះដូង​ឬ​យ៉ាង​ណា​។

. ជំងឺក្រពេញ​ទីរ៉ូអ៊ីត

បញ្ហា​ក្រពេញ​ទីរ៉ូអ៊ីត​អាច​ធ្វើ​ឲ្យ​យើង​មាន​ជំងឺ​គេង​មិន​លក់ និង​មួយប្រភេទ​ទៀត​អាច​ជា​ជំងឺ​គេង​ច្រើន​ដែល​យើង​គេង​ច្រើន​ ឬ​មាន​អារម្មណ៍​ថា​ហត់​គ្រប់​ពេល។ ជំងឺ​ខ្សោយ​មុខងារ​ក្រពេញ​ទីរ៉ូអ៊ីត​ (Hypothyroidism) គឺ ទាក់ទង​ទៅ​នឹង​ការ​គេង​ច្រើន​ ១០ ​ម៉ោង​ក្នុង​មួយ​ថ្ងៃ ហើយ​ក៏​​អាច​បង្ក​ឲ្យ​អស់កម្លាំង​ និង​គេង​នៅ​ពេល​ថ្ងៃ។ ប្រសិនជា​យើង​មិន​មាន​បញ្ហា​សុខភាព​ផ្សេង​ទៀត​តែ​យើង​នៅ​តែ​គេង​ច្រើន​ម៉ោង យក​ល្អ​គួរ​ទៅ​ពិនិត្យ​ក្រពេញ​ទីរ៉ូអ៊ីត​របស់​យើង។

. គេង​យប់​តិច​ជាង ​៦ ម៉ោង

ការ​គេង​មិន​គ្រប់គ្រាន់​អាច​បង្ក​ឲ្យ​មាន​បញ្ហា​គេង​ច្រើន​ធ្ងន់ធ្ងរ។ មិន​ថា​មក​ពី​កត្តា​អ្វី​ក៏​ដោយ ការ​គេង​មិន​គ្រប់គ្រាន់​អាច​ធ្វើ​ឲ្យ​យើង​គេង​ច្រើន​ជាង​ធម្មតា។ អំឡុង​ពេល​គេង​របស់​យើង​គួរ​ស្ងប់ស្ងាត់ និង​មិន​មាន​អ្វី​រំខាន។ បើ​មិន​ដូច្នោះ​ទេ យើង​អាច​នឹង​គេង​ច្រើន​ម៉ោង​រួម​ទាំង​គេង​ថ្ងៃ​ផង​ដែរ។

. បញ្ហា​ស្ទះដង្ហើម​ពេល​គេង (Obstructive Sleep Apnea)

បញ្ហា​ស្ទះ​ដង្ហើម​ពេល​គេង ( Obstructive Sleep Apnea) អាច​កើត​ឡើង​នៅ​ពេល​ដែល​ស្ទះ​ផ្លូវ​ដង្ហើម ហើយ​ផ្លូវដង្ហើម​ខាង​លើ​មិន​ដំណើរការ​រយៈពេល​ ១០ វិនាទី​ដែល​នេះ​អាច​កើត​ឡើង​ច្រើន​ដង​ក្នុង​មួយ​យប់។ ហេតុ​នេះ​ហើយ​ទើប​ការ​គេង​របស់​យើង​ត្រូវ​បាន​រំខាន​ច្រើន​ដង​ក្នុង​មួយ​យប់ ហើយ​យើង​ត្រូវការ​គេង​បន្ថែមដើម្បី​​ឲ្យ​មាន​អារម្មណ៍​ថា​សម្រាក​បាន​គ្រប់គ្រាន់​។ នៅ​ពេល​យើង​មិន​បាន​គេង​បន្ថែម ការ​ងងុយគេង​អំឡុង​ពេល​ថ្ងៃ​នឹង​​កើត​​មាន​​ដែល​​យើង​​ហាក់ដូចជា​អាច​គេង​លក់​នៅ​គ្រប់​កន្លែង​ និង​គ្រប់ពេល។

ក្នុង​ករណី​មាន​សំណួរ ឬ​មន្ទិលសង្ស័យ​ជុំវិញ​សុខភាព​អ្នក ជម្រើស​ល្អ​បំផុត សូម​ពិគ្រោះ និង​ប្រឹក្សា​យោបល់​ផ្ទាល់​ជាមួយ​ពេទ្យ​ជំនាញ។ Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

អត្ថបទពាក់ព័ន្ធ:

អត្ថបទនេះមានប្រយោជន៍ចំពោះអ្នកដែរទេ?
happy unhappy"
ប្រភព

អ្នកអាចចូលចិត្ត

ទារកទើបកើតអាចមានគ្រោះថ្នាក់ បើម៉ាក់ៗមិនប្រយ័ត្នលើឥរិយាបថនៃការគេង

ទម្លាប់គេង - បេប៊ី​ទើប​កើត អ្នកជំនាញ​ណែនាំ​ម៉ាក់ៗ​ ចាំ​បាច់​ត្រូវ​ឲ្យ​កូន​គេងផ្ងារ​ជា​ប្រចាំ ព្រោះ​នៅពេលបេប៊ី​គេងផ្កាប់ ឬផ្អៀង សុទ្ធតែ​អាចបង្កហានិភ័យ...

ត្រួតពិនិត្យដោយ គឹម កាណែល
ដោយ សន សុភា
ថែទាំកូន, ចិញ្ចឹមកូន 22/06/2020 . 3 បានអាន​ចំនួន

គេងហៀរទឹកមាត់ អាចជាបញ្ហាសុខភាពត្រូវការការព្យាបាល

គេងហៀរទឹកមាត់ - គ្នាយើងអ្នកណាខ្លះមាន​បញ្ហានេះ ឆាប់ចេញមុខមក គេងហៀរទឹកមាត់មិនមែនទម្លាប់ទេ ប៉ុន្តែវា​អាចដោយ​សារបញ្ហាសុខភាព​ជាច្រើន...

ត្រួតពិនិត្យដោយ គឹម កាណែល
ដោយ សន សុភា
ដំណេក, ជីវិត និងសុខភាព 15/06/2020 . 3 បានអាន​ចំនួន

គេង​ផ្អៀងខ្លួន​ទៅ​ខាងឆ្វេង មានទាំងគុណសម្បត្តិ និង​គុណវិបត្តិ​

គេង - ​បាន​ដឹង​រួច​មក​ហើយ​ អំពី​សារៈសំខាន់​នៃ​ការ​ទទួល​ទាន​ដំណេក​គ្រប់​គ្រាន់​ ស្កប់​ស្កល់ និង​តិចនិក​មួយ​ចំនួន​ ក្នុង​ការ​បង្កើន​គុណភាព​ដល់​​...

ត្រួតពិនិត្យដោយ គឹម កាណែល
ដោយ មាន រតនា
ដំណេក, ជីវិត និងសុខភាព 15/06/2020 . 2 បានអាន​ចំនួន

ផឹកទឹកដោះគោមួយកែវមុនចូលគេង ផ្ដល់អត្ថប្រយោជន៍ច្រើនដល់សុខភាព

ផឹកទឹកដោះគោ - ទឹកដោះគោ​គឺ​មាន​ប្រយោជន៍​ច្រើន​ដល់​សុខភាព​ដោយសារ​ទឹកដោះគោ​សម្បូរ​ដោយ​វីតាមីន និង​ជាតិរ៉ែ​។ អ្នក​ជំនាញ​ជឿ​ថា​ការ​ផឹក​ទឹកដោះគោ...

ត្រួតពិនិត្យដោយ ទូច សុខា
ដោយ ថាត់ រ័ត្នមូនីតា

អត្ថបទគួរអាន

ស្រោមជើង

គេងពាក់ស្រោមជើងមានផល​ល្អសម្រាប់សុខភាព ពិសេសអ្នកមានបញ្ហាប្រេះកែងជើង​

ត្រួតពិនិត្យដោយ គឹម កាណែល
ដោយ ថាត់ រ័ត្នមូនីតា
ចេញផ្សាយថ្ងៃទី 01/07/2020 . 2 បានអាន​ចំនួន
ពោះវៀន

រឿង ៥​ យ៉ាងគួរធ្វើមុនពេលចូលគេង ជួយឲ្យពោះវៀនមានសុខភាពល្អ

ត្រួតពិនិត្យដោយ គឹម កាណែល
ដោយ ថាត់ រ័ត្នមូនីតា
ចេញផ្សាយថ្ងៃទី 24/06/2020 . 2 បានអាន​ចំនួន
គេងស្រមុក

ជួប​បញ្ហាគេងស្រមុក សាក​ដោះស្រាយ​តាមតិចនិក​ប៉ុន្មានយ៉ាងនេះ

ត្រួតពិនិត្យដោយ គឹម កាណែល
ដោយ ថាត់ រ័ត្នមូនីតា
ចេញផ្សាយថ្ងៃទី 23/06/2020 . 3 បានអាន​ចំនួន
គេងមិនលក់

វិធី ៨ ​យ៉ាង​ ជួយ​សម្រួល​ដល់អ្នក​មាន​បញ្ហាគេងមិនលក់​

ត្រួតពិនិត្យដោយ គឹម កាណែល
ដោយ ថាត់ រ័ត្នមូនីតា
ចេញផ្សាយថ្ងៃទី 23/06/2020 . 3 បានអាន​ចំនួន