ជ័រប្លាស្ទិក៖​ ការសិក្សាថ្មីនិយាយថាជ័រប្លាស្ទិកទោះគ្មានជាតិ BPA ក៏មិនមានសុវត្ថិភាពដែរ

ដោយ ត្រួតពិនិត្យដោយ ចាន់ ស៊ីណេត

ការសិក្សានានាបានបញ្ជាក់ថាសារធាតុ bisphenol-A (BPA) នៅក្នុងដបទឹក និងប្រអប់​សម្រាប់ដាក់អាហារ​ ធ្វើពីជ័រប្លាស្ទិកបានបញ្ចេញនិងជ្រាបចូលទៅក្នុងអាហារនិងភេសជ្ជៈ ហើយក៏ចូលទៅក្នុងរាងកាយមនុស្ស។ ដោយសារវាមានឥទ្ធិ​ពល​ស្រដៀងគ្នាទៅនឹងអ័រម៉ូនមនុស្ស វាអាចបង្កឲ្យមានបញ្ហាសុខភាពយ៉ាងច្រើន។ ព្រោះតែកង្វល់នេះ ក្រុមហ៊ុន​ផលិត​ជ័រប្លាស្ទិកភាគច្រើនបានប្តូរទៅកាន់សារធាតុ bisphenol-S (សាច់ញាតិដ៏ជិតដិតរបស់សារធាតុ bisphenol-A) វិញ​ដោយ​គេជឿថាវាមានសុវត្ថិភាពជាង​។ ប៉ុន្តែការរីកលូតលាស់របស់រាងកាយសំរាប់វិទ្យាសាស្ត្រហាក់ដូចជាលើកឡើង​ជាយោបល់ខុសប្លែកពីនេះវិញ។

១- ការសិក្សានៅលើសត្វចងភ្ជាប់សារធាតុbisphenol-S និង bisphenol-A ទៅនឹងហានិភ័យសុខភាពនានា

វេជ្ជបណ្ឌិតឯកទេសក្រពេញបញ្ចេញក្នុងមកពី UCLA សិក្សាទៅលើត្រីឆ្នូតសេះបង្កង់ដើម្បីមើលថាតើពួកវាអាចត្រូវបាន​ធ្វើ​ឲ្យ​រងប៉ះពាល់បែបណាដោយកម្រិតទាបនៃសារធាតុbisphenol-S។ លទ្ធផលគឺគួរឲ្យបារម្ភ ការរងត្រូវប៉ះពាល់ទៅ​នឹងសារធាតុ bisphenol-S បានពន្លឿនល្បឿននៃការអភិវឌ្ឍរបស់អំប្រ៊ីយ៉ុងហើយរំខានជ្រៀតជ្រែកដល់កោសិកា​ក្រ​ពេញ​បញ្ចេញក្នុងនៅក្នុងខួរក្បាលកូនរបស់ត្រីឆ្នូតសេះបង្កង់។​ អតុល្យភាពអ័រម៉ូននេះបានបំផ្លាញជាអចិន្ត្រៃយ៍ដល់ភាពអាច​បន្តពូជបានរបស់ត្រី។ លើសពីនេះ សារធាតុ bisphenol-S ត្រូវគេរាយការណ៍ថាបានត្រាប់តាមដូចលក្ខណៈ​នៃ​អ័រម៉ូនក្រពេញថាយរ៉យដែលបណ្តាលឲ្យមានបញ្ហាដល់មុខងារខួរក្បាល។

អ្នកស្រាវជ្រាវមិនអាចធ្វើពិសោធន៍នៅលើមនុស្សបានព្រោះតែហេតុផលក្រមសីលធ៌ម។ ហេតុនេះហើយ រឿងដែល​ប្រសើរបំផុតដែលពួកគេអាចធ្វើបានគឺសិក្សាលើសត្វ និងកោសិកាមនុស្ស។ ត្រីឆ្នូតសេះបង្កង់គឺជាប្រភេទត្រីទីពីរដែល​បាន​បង្ហាញនូវ ភាពអាចបន្តពូជបានថមថយដោយសារតែការរងត្រូវប៉ះពាល់នឹងសារធាតុ bisphenol-S ប្រើប្រាស់​នៅក្នុង​ជ័រប្លាស្ទិក។ ដោយសារតែ​អ័រ​ម៉ូនក្រពេញថាយរ៉យចូលរួមចំណែកយ៉ាងច្រើនអស្ចារ្យទៅនឹងការអភិវឌ្ឍខួរក្បាល ការរំខានជ្រៀតជ្រែកណាមួយនៅដំ​ណាក់កាលណាមួយក៏ដោយនៃជីវិតគឺមានផលទុក្ខទោសតែវាមានគ្រោះថ្នាក់ពិសេសក្នុងដំណាក់កាលនៃ​ការអភិវឌ្ឍអំប្រ៊ីយ៉ុង។

២- ហេតុអ្វីលទ្ធផលនៃការធ្វើតេស្តជាមូលហេតុនៃការបារម្ភចំពោះការ​ប្រើប្រាស់ជ័រប្លាស្ទិក

ការធ្វើតេស្តជាមួយកោសិកាមនុស្សដែលត្រូវបានបណ្តុះបង្ហាញថាកោសិកាមហារីកមើលទៅលូត​លាស់នៅ​ចំពោះវត្តមានរបស់សារធាតុ BPS ឬ BPA។ អ្នកជំនាញជឿថាកម្រិតខ្ពស់បំផុតនៃមហារីក​ក្រពេញប្រូស្តាតនិង មហារីកសុដន់ អាចនឹងទាក់ទងដោយផ្ទាល់ទៅនឹងការកើនឡើងដោយការប្រើប្រាស់ជ័រ​ប្លា​ស្ទិក។ ថ្វី​បើទំនាក់ទំនងទៅវិញទៅមក មិនបានអះអាងបញ្ជាក់ឲ្យឃើញពិតនូវការបណ្តាលឲ្យមានជាផលក៏ដោយ ក៏វាសម​ហេតុផលក្នុងការបង្កើនការយល់ដឹងជាសាធារណៈទាក់ទងនឹងហានិភ័យផ្នែកសុខភាពដែលបណ្ដាល​មកពី​សារធាតុ bisphenol-S។

អត្ថបទពាក់ព័ន្ធ៖ ភាគល្អិតតូចៗនៃប្លាស្ទិកក្នុងប្រភពទឹក អាចបង្កផលវិបាកធ្ងន់ធ្ងរ មិនអាចទាយទុកជាមុន!

សារធាតុ Bisphenol-S និង bisphenol-A ធ្វើមេតាបូលីស (ដំណើរការសារធាតុគីមី) យ៉ាងរហ័ស។ ក៏ប៉ុន្តែ បញ្ហានៅត្រង់ថាការប៉ះពាល់ជាប់ជានិច្ចវាធ្វើឲ្យពួកវាសឹងតែជាផ្នែកមួយនៃសារធាតុផ្ទុកក្នុងឈាមរបស់យើង។ មនុស្សធម្មតា​ម្នាក់ធ្វើតេស្តឃើញវិជ្ជមានសម្រាប់សារធាតុ bisphenol-S នេះគ្រប់ពេលវេលា។ ក្រៅពីនេះ មានសារធាតុរំខានបង្អាក់​ក្រ​ពេញបញ្ចេញក្នុងជាច្រើនទៀតនៅក្នុងប្រព័ន្ធរបស់យើងដែលអាចនឹងបន្ថែមទៅលើហានិភ័យសុខភាពនៅពេលយូរៗ​ទៅ។

៣ – ការការពារប្រឆាំងនឹងសារធាតុ​ bisphenol-S និង bisphenol-A

រឿងប្រសើរបំផុតដែលអាចធ្វើបានដើម្បីការពារខ្លួនប្រឆាំងនឹងសារធាតុ bisphenol-S និង bisphenol-A គឺចៀស​វាងប្រើជ័រប្លាស្ទិកឲ្យបានច្រើនតាមដែលអាចទៅរួច។ ឈប់ផឹក បរិភោគ និងឈប់​រក្សាអាហារនៅក្នុងប្រអប់ផ្ទុកធ្វើពីជ័រប្លា​ស្ទិក​។ កុំកម្តៅអាហារដោយឡចម្អិនម៉ាយក្រូវេវធ្វើពីប្លាស្ទិក។ វាមិនយឺតពេលពេកទេក្នុងការផ្លាស់ប្តូររឿងអ្វីៗនៅពេល​នេះ។ ប្រសិនបើអ្នកចង់ធ្វើឲ្យមានភាពខុសប្លែកចាប់ផ្តើមលុបបំបាត់ចោលនូវប្រអប់ផ្ទុកធ្វើពីជ័រប្លាស្ទិក ហើយ​ជំនួសពួកវាដោយប្រអប់ផ្ទុកធ្វើពីកែវវិញ។ ពួកវាអាចនឹងមិនផ្តល់ភាពងាយស្រួលដូចជ័រប្លាស្ទិកនោះឡើយ តែក្នុងពេល​ដ៏យូរអង្វែងសុខភាពអាចនឹងមានភាពប្រសើរចំពោះការផ្លាស់ប្តូរនេះ។

អត្ថបទពាក់ព័ន្ធ៖ មួយ​សប្តាហ៍​ មនុស្ស​ស្រូប​​​ធាតុ​ប្លាស្ទិក​ទាំង​មិន​ដឹង​ខ្លួន ស្មើ​កាត​ ATM មួយ​សន្លឹក

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬការព្យាបាលជូនទេ៕

Share now :

ត្រួតពិនិត្យថ្ងៃទី ខែ​ធ្នូ 25, 2019 | កែសម្រួលចុងក្រោយ ខែ​ធ្នូ 25, 2019

ប្រភព
អ្នកអាចចូលចិត្ត