កុំចេះតែកោសខ្យល់ បើមានជំងឺទាំងនេះ គ្រោះថ្នាក់ខ្លាំងណាស់

ដោយ ត្រួតពិនិត្យដោយ ចាន់ ស៊ីណេត

ប្រជាជន​ខ្មែរ​យើង​មាន​របៀប​ម៉ាស្សា​ម្យ៉ាង​ហៅ​ថា កោស​ខ្យល់​ដើម្បី​សម្រួល​រាងកាយ​ឲ្យ​មាន​សភាព​ធូរ​ស្បើយ​ខ្លះ។ ​វេជ្ជបណ្ឌិត ផ្នែក​ទូទៅ លី ឬទ្ធីគុណ បាន​ឲ្យ​ដឹង​ថា អ្នក​ជំងឺ​ផ្ដាសាយ ល្ហិតល្ហៃ អស់កម្លាំង ខ្យល់គរ ឬឈឺ​ចុកចាប់លើ​រាងកាយ​មួយ​ចំនួន ចូលចិត្ត​ប្រើ​វិធី​នេះ​ជំនួស​ថ្នាំ ហើយ​ក្នុង​នោះ​ដែរ​លោក​ក៏​បាន​ណែនាំ​មិន​ឲ្យ​អ្នក​មាន​បញ្ហា​ប៉ុន្មាន​ខាងក្រោម​ជ្រើសរើស​វិធី​កោស​ខ្យល់​ឡើយ ព្រោះ​វា​ធ្វើឲ្យ​កាន់តែ​ធ្ងន់ធ្ងរ​ឡើង។

១- អ្នក​ជំងឺ​លើស​ឈាម

អ្នក​ជំងឺ​ប្រភេទ​នេះ​មិន​គួរ​កោស​ខ្យល់ អាច​បណ្ដាល​ឲ្យ​ដាច់​សរសៃ​ឈាម ព្រោះ​នៅ​ខ្នង​ពោរពេញ​ទៅ​ដោយ​សរសៃ​ប្រសាទ​ជាច្រើន។

២- អ្នក​ជំងឺ​ទឹក​នោម​ផ្អែម

សម្រាប់​អ្នក​ជំងឺ​ទឹក​នោម​ផ្អែម​វិញ ប្រសិនបើ​កោស​ខ្យល់ វា​អាច​បណ្ដាល​ឲ្យដាច់​ស្បែក​ចេញ​ឈាម និង​ពិបាក​ក្នុង​ការ​ព្យាបាល។

កោសខ្យល់

៣- អ្នក​ជំងឺ​លើស​ជាតិ​ខ្លាញ់

ចំពោះ​អ្នក​លើស​ជាតិ​ខ្លាញ់ មាន​គ្រោះ​ថ្នាក់​ខ្លាំង ព្រោះ​សរសៃ​ឈាម​បាន​ត្បៀត​ជា​មួយ​ខ្លាញ់ ហើយ​នៅ​ពេល​កោស​វា​អាច​បណ្ដាល​ឲ្យ​ដាច់​សរសៃ​ឈាម ឈាម​ហូរ​ចូល​ក្នុង​ខ្លួន​តាម​ប្រព័ន្ធ​សរសៃ​ឈាម។ នៅ​ពេល​ដែល​ឈាម​ហូរ​ចូល​នោះដំុកំណកឈាមរត់ទៅស្ទះក្នុង​សរសៃ​ឈាមកន្លែងណាមួយ ដូចជា​សួត ​ឬ​ខួ​ក្បាល​ដែល​បណ្ដាល​ឲ្យ​ស្ទះ​សរសៃ​ឈាម​ស្លាប់បាន។

អត្ថបទពាក់ព័ន្ធ៖ បើល្វើយអស់កម្លាំង ឬងងុយគេង ហើយចង់ស្វាង ផ្ចង់អារម្មណ៍វិញ​បាន អាចសាកវិធីទាំងនេះ

ក្នុង​ករណី​មាន​សំណួរ ឬ​មន្ទិល​សង្ស័យ​ជុំវិញ​សុខ​ភាព​អ្នក ជម្រើស​ល្អ​បំផុត សូម​ពិគ្រោះ និង​ប្រឹក្សា​យោបល់​ផ្ទាល់​ជា​មួយគ្រូ​ពេទ្យ​ជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

ចុចស៊ែរឥឡូវនេះ

ត្រួតពិនិត្យថ្ងៃទី ខែ​វិច្ឆិកា 28, 2019 | កែសម្រួលចុងក្រោយ ខែ​វិច្ឆិកា 28, 2019

អ្នកអាចចូលចិត្ត