តើអ្នកបារម្ភពីអ្វី?

close
មិនត្រឹមត្រូវ
ពិបាកយល់
ផ្សេងៗ

ឬ​ចម្លង​តំណភ្ជាប់

null

ការ​បង្ក​រោគ​ក្នុង​​បេះដូង​ មាន​រោគសញ្ញា​អ្វី​ខ្លះ? ​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

    ការ​បង្ក​រោគ​ក្នុង​​បេះដូង​ មាន​រោគសញ្ញា​អ្វី​ខ្លះ? ​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

    ការ​បង្ក​រោគ​ក្នុង​បេះដូង​ ជា​ការ​ឆ្លង​មេរោគ​ធ្ងន់ធ្ងរ​ដែល​អាច​នាំ​ឲ្យ​ខូច​បេះដូង និង​​គ្រោះថ្នាក់​ដល់​អាយុ​ជីវិត។ បាក់តេរី វីរុស និង​ផ្សិត​អាច​នាំ​ឲ្យ​មាន​ការ​បង្ក​រោគ​ក្នុង​បេះដូង។ ជាក់​ស្ដែង បេះដូង​របស់​យើង​មាន​បី​ស្រទាប់​សំខាន់​ៗ ហើយ​វា​ជា​កន្លែង​ដែល​មេរោគ​កកើត​ឡើង។ ប្រភេទ​នៃ​ការ​បង្ក​រោគ​ក្នុង​បេះដូង​ រួម​មាន​ ការ​រលាក​ភ្នាស​ក្នុង​បេះដូង ការ​រលាក​សាច់ដុំ​បេះដូង និង​ការ​រលាក​ស្រោម​បេះដូង ។

    រោគ​សញ្ញា​នៃ​ការ​បង្ក​រោគ​ក្នុង​បេះដូង​ដោយ​រលាក​ភ្នាស​ក្នុង​បេះដូង

    ពិត​ណាស់​ រោគ​សញ្ញា​នៃ​ការ​បង្ក​រោគ​ក្នុង​បេះដូង​ដោយ​រលាក​ភ្នាស​ក្នុង​បេះដូង​ អាច​វិវត្ត​យ៉ាង​​ឆាប់​រហ័ស ហើយ​វា​ក៏​អាច​ទៅ​ជា​ធ្ងន់ធ្ងរ​ និង​គំរាម​កំហែង​ដល់​អាយុ​ជីវិត​របស់​យើង​​ផង​ដែរ​។ រោគសញ្ញា​ទូទៅ​នៃ​ជំងឺ​រលាក​ភ្នាស​ក្នុង​បេះដូង​មាន​ដូច​ជា៖

    • ឈឺ​ទ្រូង ជា​ពិសេស​​នៅ​ពេល​ដកដង្ហើម​
    • ក្អក​
    • អស់​កម្លាំង​
    • គ្រុន​ក្ដៅ គ្រុន​រងាវ និង​បែក​ញើស​
    • ឈឺ​សាច់ដុំ
    • ដកដង្ហើម​ខ្លី​ៗ
    • ហើម​នៅ​ក្នុង​ពោះ ឬ​ផ្នែក​ខាង​ក្រោម​ពោះ

    រោគ​សញ្ញា​ធ្ងន់ធ្ងរ​​អាច​គ្រោះថ្នាក់​ដល់​អាយុ​ជីវិត​

    ប្រសិនបើ​គ្នា​យើង​មាន​រោគសញ្ញា​ទាំង​នេះ ចូរ​ប្រញាប់​ទៅ​ជួប​ជាមួយ​នឹង​គ្រូពេទ្យ​ជា​បន្ទាន់​។

    • ឈឺ​ទ្រូង​
    • វង្វេង​ស្មារតី ឬ​ពិបាក​យល់​ការ​និយាយ
    • ផ្នែក​ម្ខាង​នៃ​ផ្ទៃ​មុខ​ធ្លាក់​ចុះ
    • ឈឺ​ក្បាល​ធ្ងន់ធ្ងរ​
    • ពិបាក​ក្នុង​ការ​និយាយ​ស្ដី​
    • ប្រែប្រួល​ចក្ខុវិស័យ​ភ្លាម​ៗ
    • ចុះ​ខ្សោយ​ភ្លាម​ៗ ស្ពឹក​ ឬ​មិន​អាច​កម្រើក​ផ្នែក​ម្ខាង​នៃ​រាងកាយ​ ឬ​ផ្ទៃ​មុខ​បាន​។

    ការបង្ករោគក្នុងបេះដូង

    កត្តា​ហានិភ័យ​នៃ​ការ​បង្ក​រោគ​ក្នុង​បេះដូង​មាន​អ្វី​ខ្លះ​?

    • សន្ទះ​បេះដូង​សិប្បនិម្មិត ឬ​ឧបករណ៍​ផ្សេង​ទៀត​ក្នុង​បេះដូង
    • ការ​ខូច​ទ្រង់ទ្រាយ​បេះដូង​ពី​កំណើត
    • ​សន្ទះ​បេះដូង​​ខូច ឬ​មាន​ជំងឺ​
    • ការ​លាង​ឈាម​សម្រាប់​អ្នក​​ជំងឺ​តម្រង​នោម​
    • ជំងឺ​អេដស៍​
    • ធ្លាប់​មាន​​ប្រវត្តិ​​កើត​ជំងឺ​​រលាក​ភ្នាស​ក្នុង​បេះដូង

    គន្លឹះ​កាត់​បន្ថយ​ហានិភ័យ​នៃ​ការ​បង្ក​រោគ​ក្នុង​បេះដូង​

    • ជៀសវាង​ការ​ឆ្លង​មេរោគ​លើ​ស្បែក និង​ថែទាំ​ស្នាម​រលាត់​ស្បែក​ និង​ដំបៅ​ឲ្យ​បាន​ស្អាត​ល្អ​។
    • ថែទាំ​ធ្មេញ និង​អញ្ចាញ​ធ្មេញ​ឲ្យ​មាន​សុខភាព​ល្អ និង​ពិនិត្យ​​សុខភាព​មាត់​ធ្មេញ​ជា​ទៀងទាត់​។

    health-tool-icon

    គណនា BMI

    ប្រើ​រង្វាស់សុខភាព​BMI ដើម្បី​គណនា​រាងកាយ ទម្ងន់ និង​កម្ពស់​សមសួន និង​សុខភាព​ល្អ

    ប្រុស

    ស្រី

    Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

    រូបថត​របស់​អ្នក​និពន្ធbadge
    ដោយ នូ សោភ័ណ្ឌ កែសម្រួល​ចុងក្រោយ 09/09/2021
    ត្រួតពិនិត្យដោយ វេជ្ជ. ចាន់ ស៊ីណេត