ការបង្ករោគក្នុងបេះដូង ជាការឆ្លងមេរោគធ្ងន់ធ្ងរដែលអាចនាំឲ្យខូចបេះដូង និងគ្រោះថ្នាក់ដល់អាយុជីវិត។ បាក់តេរី វីរុស និងផ្សិតអាចនាំឲ្យមានការបង្ករោគក្នុងបេះដូង។ ជាក់ស្ដែង បេះដូងរបស់យើងមានបីស្រទាប់សំខាន់ៗ ហើយវាជាកន្លែងដែលមេរោគកកើតឡើង។ ប្រភេទនៃការបង្ករោគក្នុងបេះដូង រួមមាន ការរលាកភ្នាសក្នុងបេះដូង ការរលាកសាច់ដុំបេះដូង និងការរលាកស្រោមបេះដូង ។

រោគសញ្ញានៃការបង្ករោគក្នុងបេះដូងដោយរលាកភ្នាសក្នុងបេះដូង

ពិតណាស់ រោគសញ្ញានៃការបង្ករោគក្នុងបេះដូងដោយរលាកភ្នាសក្នុងបេះដូង អាចវិវត្តយ៉ាងឆាប់រហ័ស ហើយវាក៏អាចទៅជាធ្ងន់ធ្ងរ និងគំរាមកំហែងដល់អាយុជីវិតរបស់យើងផងដែរ។ រោគសញ្ញាទូទៅនៃជំងឺរលាកភ្នាសក្នុងបេះដូងមានដូចជា៖

ឈឺទ្រូង ជាពិសេសនៅពេលដកដង្ហើម
ក្អក
អស់កម្លាំង
គ្រុនក្ដៅ គ្រុនរងាវ និងបែកញើស
ឈឺសាច់ដុំ
ដកដង្ហើមខ្លីៗ
ហើមនៅក្នុងពោះ ឬផ្នែកខាងក្រោមពោះ

រោគសញ្ញាធ្ងន់ធ្ងរអាចគ្រោះថ្នាក់ដល់អាយុជីវិត

ប្រសិនបើគ្នាយើងមានរោគសញ្ញាទាំងនេះ ចូរប្រញាប់ទៅជួបជាមួយនឹងគ្រូពេទ្យជាបន្ទាន់។

ឈឺទ្រូង
វង្វេងស្មារតី ឬពិបាកយល់ការនិយាយ
ផ្នែកម្ខាងនៃផ្ទៃមុខធ្លាក់ចុះ
ឈឺក្បាលធ្ងន់ធ្ងរ
ពិបាកក្នុងការនិយាយស្ដី
ប្រែប្រួលចក្ខុវិស័យភ្លាមៗ
ចុះខ្សោយភ្លាមៗ ស្ពឹក ឬមិនអាចកម្រើកផ្នែកម្ខាងនៃរាងកាយ ឬផ្ទៃមុខបាន។

ការបង្ករោគក្នុងបេះដូង

កត្តាហានិភ័យនៃការបង្ករោគក្នុងបេះដូងមានអ្វីខ្លះ?

សន្ទះបេះដូងសិប្បនិម្មិត ឬឧបករណ៍ផ្សេងទៀតក្នុងបេះដូង
ការខូចទ្រង់ទ្រាយបេះដូងពីកំណើត
សន្ទះបេះដូងខូច ឬមានជំងឺ
ការលាងឈាមសម្រាប់អ្នកជំងឺតម្រងនោម
ជំងឺអេដស៍
ធ្លាប់មានប្រវត្តិកើតជំងឺរលាកភ្នាសក្នុងបេះដូង

គន្លឹះកាត់បន្ថយហានិភ័យនៃការបង្ករោគក្នុងបេះដូង

ជៀសវាងការឆ្លងមេរោគលើស្បែក និងថែទាំស្នាមរលាត់ស្បែក និងដំបៅឲ្យបានស្អាតល្អ។
ថែទាំធ្មេញ និងអញ្ចាញធ្មេញឲ្យមានសុខភាពល្អ និងពិនិត្យសុខភាពមាត់ធ្មេញជាទៀងទាត់។

រោគ​សញ្ញា​នៃ​ការ​បង្ក​រោគ​ក្នុង​បេះដូង​ដោយ​រលាក​ភ្នាស​ក្នុង​បេះដូង

រោគ​សញ្ញា​ធ្ងន់ធ្ងរ​​អាច​គ្រោះថ្នាក់​ដល់​អាយុ​ជីវិត​

កត្តា​ហានិភ័យ​នៃ​ការ​បង្ក​រោគ​ក្នុង​បេះដូង​មាន​អ្វី​ខ្លះ​?

គន្លឹះ​កាត់​បន្ថយ​ហានិភ័យ​នៃ​ការ​បង្ក​រោគ​ក្នុង​បេះដូង​

រោគសញ្ញានៃការបង្ករោគក្នុងបេះដូងដោយរលាកភ្នាសក្នុងបេះដូង

រោគសញ្ញាធ្ងន់ធ្ងរអាចគ្រោះថ្នាក់ដល់អាយុជីវិត

កត្តាហានិភ័យនៃការបង្ករោគក្នុងបេះដូងមានអ្វីខ្លះ?

គន្លឹះកាត់បន្ថយហានិភ័យនៃការបង្ករោគក្នុងបេះដូង