home

យើង​គួរ​ធ្វើ​ម៉េច​ខ្លះ ដើម្បី​កែលម្អ​បញ្ហា​នេះ?

close
chevron
អត្ថបទ​នេះ​មាន​កំហុស ព័ត៌មាន​ ឬ​តួលេខ​មិន​ត្រឹមត្រូវ
chevron

បើ​មាន​កំហុស​ឆ្គង​ណា​មួយ សូម​ប្រាប់​ពួក​យើង​ដើម្បី​កែតម្រូវ

wanring-icon
សូម​ចាំ​ថា មិន​ទាមទារ​ឲ្យ​លោក​អ្នក​បំពេញ​ព័ត៌មាន​លម្អិត​ទេ។ សូមចុច "ផ្ញើរ​មតិខ្ញុំ" ខាង​ក្រោម​ដើម្បី​បន្ត​អាន​។
chevron
អត្ថបទ​នេះ​មាន​ព័ត៌មានមិន​គ្រប់គ្រាន់
chevron

បើ​មាន​កំហុស​ឆ្គង​ណា​មួយ សូម​ប្រាប់​ពួក​យើង​ដើម្បី​កែតម្រូវ

wanring-icon
សូម​ចាំ​ថា មិន​ទាមទារ​ឲ្យ​លោក​អ្នក​បំពេញ​ព័ត៌មាន​លម្អិត​ទេ។ សូមចុច "ផ្ញើរ​មតិខ្ញុំ" ខាង​ក្រោម​ដើម្បី​បន្ត​អាន​។
chevron
ហមមម... ខ្ញុំ​មាន​ចម្ងល់​ពី​បញ្ហា​សុខភាព​ខ្លះ​ចង់​សាកសួរ
chevron

ថ្វី​ត្បិត​តែ​ Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​​ក៏​ពិត​មែន ប៉ុន្តែ​ពួក​យើង​ពិត​ជា​ស្វាគមន៍​រាល់​មតិ​កែលម្អិត​ទាំង​អស់​របស់​លោក​អ្នកដែល​តែងតែ​តាមដាន Hello គ្រូពេទ្យ ជា​ប្រចាំ។ សូម​វាយ​បញ្ចូល​មតិយោបល់​របស់​លោកអ្នក​ក្នុង​ប្រអប់​ខាងក្រោម។

wanring-icon
ប្រសិន​បើ​បងប្អូន​កំពុង​ប្រឈម​នឹង​បញ្ហា​សង្គ្រោះបន្ទាន់​ កុំបង្អង់​សូម​ខល​ទាក់ទង​ទៅសេវាសង្គ្រោះ​បន្ទាន់​ភ្លាម​ ឬ​ទៅ​មន្ទីរពេទ្យ ឬ​កន្លែង​សង្គ្រោះ​បន្ទាន់​ដែល​នៅ​ជិត​លោក​អ្នក​បំផុត។

ឬ​ចម្លង​តំណភ្ជាប់

ហាត់ប្រាណជួយឲ្យ​វ៉ាក់សាំងបង្ការកូវីដ១៩​ កាន់តែមានប្រសិទ្ធភាព

ហាត់ប្រាណជួយឲ្យ​វ៉ាក់សាំងបង្ការកូវីដ១៩​ កាន់តែមានប្រសិទ្ធភាព

ក្រោយ​ពី​មាន​វត្តមាន​វ៉ាក់សាំង​បង្ការ​កូវីដ​១៩ មនុស្ស​ជា​ច្រើន​ជឿ​ថា​វិបត្តិ​រាល​ដាល​សកល​មួយ​នេះ​នឹង​អាច​បញ្ចប់​ទៅ​វិញ​ឆាប់ៗ​នេះ។ ជាមួយ​នឹង​ក្ដី​សង្ឃឹម​នេះ ពិភព​លោក​ក៏​កំពុង​បន្ត​មាន​អ្នក​ឆ្លង និង​ស្លាប់​ដោយ​សារ​កូវីដ១៩ កាន់តែ​ច្រើន​ដូច​គ្នា​។ អ្វី​ដែល​សំខាន់​នៅ​ពេល​នេះ មនុស្ស​យើង​គ្រប់​គ្នា​ ទោះ​បី​ជា​បាន​ទទួល​វ៉ាក់សាំង​ហើយ​ក៏​ដោយ​ ក៏​ត្រូវ​ធ្វើ​រឿង​ខ្លះ​ទៀត​ដើម្បី​ឲ្យ​ប្រ​ព័ន្ធ​ភាព​ស៊ាំ​កាន់តែ​​រឹង​មាំ អាច​ប្រឆាំង​នឹង​វីរុស​កូវីដ១៩ បាន​។

១. តើ​រឿង​អ្វី​យើង​ត្រូវ​ធ្វើ​ដើម្បី​ពង្រឹង​ប្រព័ន្ធ​ភាព​ស៊ាំ?​​​

ដូច​គ្នា​យើង​បាន​ដឹង​ជាទូទៅ​ហើយ​ថា​ការ​ធ្វើ​សកម្មភាព​រាង​កាយ ដូច​ជា​ហាត់​ប្រាណ​ជា​ប្រចាំ គឺ​ជា​វិធី​ល្អ​បំផុត​មួយ​ក្នុង​ការ​បង្ការ​ជំងឺ​រ៉ាំរ៉ៃ​មួយ​ចំនួន​ដូច​ជា​ជំងឺ​ទឹកនោម​ផ្អែម ជំងឺ​ធាត់ ជំងឺ​បេះដូង និង​ជំងឺ​ផ្លូវ​ដង្ហើម ដែល​សុទ្ធ​សឹង​អាច​រំខាន​ដល់​ប្រព័ន្ធ​ភាព​ស៊ាំ។ ការ​សិក្សា​ក្នុង​ឆ្នាំ​២០០៨ បាន​រក​ឃើញ​ថា​អ្នក​​មិន​បាន​ធ្វើ​សកម្មភាព​រាង​កាយ មាន​ជាង​៥​លាន​នាក់​បាន​ស្លាប់​មុន​អាយុ​ក្នុង​មួយ​ឆ្នាំ​ៗ​​លើ​សកល​លោក​។

ការ​សិក្សា​ថ្មី​មួយ​បាន​រក​ឃើញ​ភស្តុតាង​បញ្ជាក់​ថា ការ​ហាត់​ប្រាណ​ជា​ប្រចាំ អាច​ជួយ​ពង្រឹង​ប្រព័ន្ធ​ភាព​ស៊ាំ កាត់​បន្ថយ​ហានិភ័យ​ធ្លាក់​ខ្លួ​ឈឺ និង​ស្លាប់​ដោយ​សារ​ជំងឺ​ឆ្លង បាន​ច្រើន​ជាង​មួយ​ភាគ​បី និង​បាន​ជួយ​បង្កើន​ប្រសិទ្ធ​ភាព​វ៉ាក់សាំង​ដែល​យើង​បាន​ចាក់​បង្ការ​ជំងឺ​ឆ្លង​នោះ​។​ ការណ៍​នេះ វា​ពិត​ជា​សំខាន់​ណាស់​ដែល​មនុស្ស​យើង​ត្រូវ​ហាត់​ប្រាណ​ឲ្យ​បាន​ទៀង​ទាត់ ក្នុង​វិបត្តិ​កូវីដ១៩ ពិសេស​ក្រោយ​បាន​ចាក់​វ៉ាក់សាំង​គ្រប់​ដូស​។

​ការ​ហាត់​ប្រាណ​បាន​ទៀង​ទាត់ បាន​បង្កើត​ចំនួន​កោសិកា​ T-Cell និង​CD4 cells ដែល​កោសិកា​ទាំង​ពីរ​នេះ​បាន​ដើរ​តួ​យ៉ាង​សំខាន់​ក្នុង​ដំណើរ​ការ​ប្រព័ន្ធ​ភាព​ស៊ាំ​។

​មួយ​វិញ​ទៀត ការ​ហាត់​ប្រាណ​បាន​ជួយ​កាត់​បន្ថយ​ការ​រលាក និង​ស្រ្តេស ដែល​បញ្ហា​ទាំង​ពីរ​នេះ​សុទ្ធ​តែ​អាច​បន្ថយ​ប្រសិទ្ធ​ភាព​​នៃ​ការ​គ្រប់​គ្រង​ប្រព័ន្ធ​ភាព​ស៊ាំ​។​

ហាត់ប្រាណ​

២. ហាត់​ប្រាណ​កាត់​បន្ថយ​ហានិភ័យ​ជំងឺ​បែប​ណា?​

មាន​យន្ត​ការ​មួយ​ចំនួន​បញ្ជាក់​​ថា​ការ​ហាត់​ប្រាណ​ជួយ​ឲ្យ​ថ្នាំ​ដែល​មនុស្ស​យើង​ប្រើ​មាន​ប្រសិទ្ធ​ភាព​ប្រ​ឆាំង​ជំងឺឆ្លង​។ ទី​មួយ​ការ​ហាត់​ប្រាណ ជួយ​ការ​ពារ​ប្រឆាំង​នឹង​កត្តា​បង្ក​ឲ្យ​មាន​សភាព​ធ្ងន់​ធ្ងរ ឬ​ស្លាប់​ដោយ​សារ​​រោគ​ឆ្លង​។ អ្នក​ដែល​មាន​សកម្មភាព​រាង​កាយ​ច្រើន ទំនង​ជា​មាន​ឱកាស​តិច​តួច​ក្នុង​ការ​វិវត្ត​ទៅ​ជា​ជំងឺ​ធាត់ ជំងឺ​ទឹក​នោម​ផ្អែម ជំងឺ​ផ្លូវ​ដង្ហើម និង​ជំងឺ​បេះដូង​។ ក្រុម​អ្នក​ជំនាញ​ផ្នែក​ជំងឺ​ឆ្លង បាន​បង្ហាញ​ថា​កូវីដ១៩​ជា​ប្រភេទ​ជំងឺ​ឆ្លង​ផ្លូវ​ដង្ហើម​ថ្មី ដែល​អាច​បង្ក​ឲ្យ​មនុស្ស​មាន​បញ្ហា​សុខភាព​ធ្ងន់​ធ្ងរ​ខាង​លើ​ជួប​បញ្ហា​សុខភាព​កាត់​តែ​ខ្លាំង​បើ​កើត​ជំងឺ​នេះ​។​​

មួយ​វិញ​ទៀត ការ​ហាត់​ប្រាណ​បាន​ជួយ​កាត់​បន្ថយ​ស្រ្តេស និង​ការ​រលាក ដូច​បាន​បញ្ជាក់​ខាង​លើ​អ៊ីចឹង​ដែរ ហើយ​អ្នក​ស្លាប់​ដោយ​សារ​កូវីដ១៩ ច្រើន​កើត​ចេញ​ពី​ការ​មិន​អាច​គ្រប់​គ្រង​ការ​រលាក​បាន។

ដូច​ដែល​យើង​ដឹង​ដែរ​ហើយ​ថា​ការ​ហាត់​ប្រាណ​ជួយ​ពង្រឹង​ប្រព័ន្ធ​ភាព​ស៊ាំ ដែល​​នេះ​មាន​ន័យ​ថា​ការ​ហាត់​ប្រាណ​ឲ្យ​បាន​ទៀង​ទាត់​នឹង​ធ្វើ​ឲ្យ​ប្រព័ន្ធ​ការ​ពារ​រាង​កាយ​ធ្វើ​ការ​កាន់តែ​មាន​ប្រសិទ្ធិ​ភាព អាច​បន្ថយ​ហានិភ័យ​ឆ្លង​រោគ​កាន់តែ​ទាប​​។​​
​​
​ជា​ការ​ណែ​នាំ​មនុស្ស​យើង​គួរ​ហាត់​ប្រាណ​ឲ្យ​បាន​យ៉ាង​តិច​៣០​នាទី​ក្នុង​មួយ​ថ្ងៃ ឬ​១៥០​នាទី​ក្នុង​មួយ​សប្ដាហ៍។ គ្នា​យើង​អាច​ជ្រើស​រើស​ទម្រង់​នៃ​ការ​ហាត់​ប្រាណ​​​ដូច​ជា​ដើរ រត់ត្រឹកៗ ជិះកង់ ហែល​ទឹក ឬ​រាំ​ជា​ដើម​។

Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

ប្រភព

https://www.weforum.org/agenda/2021/04/exercise-boosts-immunity-vaccines-effective-study-glasgow-covid-coronavirus/

https://www.ncbi.nlm.nih.gov/pmc/articles/PMC7937336/

https://www.verywellfit.com/physical-activity-boosts-immunity-and-vaccine-efficacy-5184970

រូបថត​របស់​អ្នក​និពន្ធ
អត្ថបទដោយ ទូច សុខា នៅ a week ago
ត្រួតពិនិត្យ​ដោយ វេជ្ជ. ចាន់ ស៊ីណេត
x