General Anaesthetic (ការដាក់ថ្នាំសណ្ដំ)
ចំណេះដឹងមូលដ្ឋាន
អ្វីទៅជាការដាក់ថ្នាំសណ្ដំ?
ថ្នាំសណ្ដំ ឬគ្នាយើងខ្លះតែងហៅថាថ្នាំសន្លប់ ជាថ្នាំឬសារធាតុដែលធ្វើឲ្យយើងបាត់ស្មារតីទាំងស្រុងឬដោយផ្នែក។ ថ្នាំសណ្ដំមានបីប្រភេទគឺ ថ្នាំដាក់ឲ្យសន្លប់ ថ្នាំដាក់ឲ្យស្ពឹកតាមតំបន់ និងថ្នាំស្ពឹកធម្មតា។ ពេលដាក់ថ្នាំសណ្ដំ អ្នកជំងឺនឹងបាត់បង់ស្មារតី និងការដឹងញ្ញាណ ហើយយើងនឹងមិនដឹងពីការឈឺចាប់ពេលវះកាត់នោះទេ។ ថ្នាំសណ្ដំធ្វើការបង្អាក់ការនាំពត៌មានតាមសរសៃប្រសាទ ដែលនេះមានន័យថាការភ្ញោចលើរាង្គកាយរបស់យើង និងខួរក្បាលមិនបានទទួលនោះទេ។ ថ្នាំសន្លប់នេះអាចប្រើក្នុងទម្រង់ជាថ្នាំចាក់ ឬជាឧស្ម័នដោយគ្រូពេទ្យជំនាញខាងថ្នាំសណ្តំ។
ហេតុអ្វីបានជាត្រូវប្រើថ្នាំសណ្តំ?
សម្រាប់ការវះកាត់មួយចំនួន ការដាក់ថ្នាំសណ្តំគឺជាការចាំបាច់ដោយសារវាមានសុវត្ថិភាពជាង ឬជួយឲ្យអ្នកជំងឺមានផាសុខភាពដែលមិនដឹងថាខ្លួនបានវះកាត់យ៉ាងណាខ្លះ។ ជាពិសេសថ្នាំសណ្ដំជួយចំពោះការវះកាត់យូរ និងឈឺចាប់ខ្លាំង ដូចជា កាត់ថង់ទឹកប្រមាត់ វះដេរក្លនលូន បូមខ្លាញ់ពោះ ឬកាត់ស្បូនជាដើម។
កត្តាប្រឈម
កត្តាប្រឈមនៃការដាក់ថ្នាំសណ្ដំ
គ្នាយើងដែលមានសុខភាពល្អមិនសូវជាមានបញ្ហាជាមួយការដាក់ថ្នាំសណ្ដំនេះទេ។ ជាទូទៅ ផលលំបាកក្រោយពេលដាក់ថ្នាំសណ្ដំអាស្រ័យនឹងប្រភេទនៃការវះកាត់ និងសុខភាពទូទៅ មិនអាស្រ័យតែលើការដាក់ថ្នាំតែឯងទេ។
មានមនុស្សប្រមាណពី១ឬ២ក្នុងចំណោម១០០០នាក់ អាចនឹងភ្ញាក់កំឡុងពេលដាក់ថ្នាំសណ្ដំ។ ជាធម្មតាអ្នកជំងឺនឹងមិនដឹងពីការឈឺចាប់ តែអាចដឹងពីអ្វីៗនៅជុំវិញខ្លួន។
ផលរំខានដែលអាចមានដោយកម្ររួមមាន៖
· របួសនៅកន្លែងចាក់ថ្នាំ
· ការបង្ករោគ
· បញ្ហាក្នុងការដកដង្ហើម
· ប៉ះពាល់ដល់សរសៃប្រសាទរយៈពេលខ្លី
· ប្រតិកម្ម កើតហឺត
· ដឹងពីការឈឺពេលកំពុងវះកាត់
· របួសមាត់ ធ្មេញ បបូរមាត់ឬអណ្តាត
· ពិការអវៈយវៈខាងក្រោម
· ពិការទាំងអវៈយវៈទាំងមូល
យើងគួរយល់ដឹងពីកត្តាប្រឈមនិងផលលំបាកជាមុន នៅមុនពេលវះកាត់។ សូមពិគ្រោះជាមួយគ្រូពេទ្យសម្រាប់ពត៌មានលម្អិត។
ស្វែងយល់មុនពេលវះកាត់
គួរត្រៀមខ្លួនបែបណា?
ត្រូវប្រាប់គ្រូពេទ្យពីថ្នាំដែលយើងបានប្នាពេលរើថ្មីៗនេះ ការប្រតិកម្មឬអាលែកហ្ស៊ីមុនពេលវះកាត់ និងពិភាក្សាជាមួយគ្រូពេទ្យថ្នាំសណ្តំផងដែរ។ សូមធ្វើតាមការណែនាំរបស់គ្រូពេទ្យអំពីការអត់អាហារ និងទឹកមុនពេលវះកាត់។
យើងនឹងទទួលបានការណែនាំពីការញ៉ាំអាហារនិងទឹកមុនពេលវះកាត់។ ជាទូទៅយើងនឹងត្រូវអត់អាហារ ៦ម៉ោងមុនពេលវះកាត់ ហើយអាចញ៉ាំទឹកនិងអាហារបានវិញពីរ ទៅបីម៉ោងក្រោយវះកាត់។
មានអ្វីកើតឡើងពេលដាក់ថ្នាំសណ្ដំ?
គ្រូពេទ្យជំនាញខាងថ្នាំសណ្តំជាអ្នកដាក់ថ្នាំឲ្យយើង។ វាអាចជាទម្រង់៖
· ទឹក៖ ចាក់ទៅក្នុងសរសៃវ៉ែន
· ឧស្ម័ន៖ ស្រូបចូលតាមដង្ហើមតាមម៉ាស។
គ្រូពេទ្យផ្នែកថ្នាំសណ្តំនឹងនៅជាមួយយើងរហូតដល់ការវះកាត់ចប់។ គាត់នឹងពិនិត្យនិងតាមដានការសណ្តំ។ ក្រោយពេលវះកាត់ចប់គ្រូពេទ្យនឹងបញ្ឈប់ថ្នាំសណ្តំហើយអ្នកជំងឺនឹងដឹងខ្លួនមកវិញ។
វិធីថែទាំក្រោយវះកាត់
មានអ្វីកើតឡើងក្រោយពីការដាក់ថ្នាំសណ្ដំ?
ពេលដែលយើងក្រោកមកវិញ យើងនឹងមានអារម្មណ៍ថាវង្វេងវង្វាន់ ឬគិតអ្វីមិនចេញ ហើយវាអាចត្រូវការពេលមួយចំនួនមុននឹងបាត់ទៅវិញ ប៉ុន្តែតែកុំបារម្ភអី គ្រូពេទ្យនឹងជូនយើងទៅបន្ទប់សម្រាកវិញ។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញ វេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
គណនា BMI
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
General Anesthesia. http://www.webmd.com/a-to-z-guides/general-anesthesia-topic-overview. Accessed July 16, 2016.
General anaesthesia. http://www.nhs.uk/conditions/anaesthetic-general/Pages/Definition.aspx. Accessed July 16, 2016.
កំណែប្រែបច្ចុប្បន្ន
15/01/2020
អត្ថបទដោយ Chamnan Amrith
ត្រួតពិនិត្យដោយ វេជ្ជ. ចាន់ ស៊ីណេត
បច្ចុប្បន្នភាពដោយ៖ Solika
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម