backup og meta

ចូលចិត្ត​ប្រឡែង​លេង ឬនៅ​ក្បែរ​សត្វឆ្មា​ធ្វើ​ឲ្យ​កើត​ហឺត?

ត្រួតពិនិត្យដោយ វេជ្ជ. ចាន់ ស៊ីណេត · ម​ន្ទីរពេទ្យបង្អែកមិត្តភាពកម្ពុជា-ចិន សែនសុខ


អត្ថបទ​ដោយ ដេត ធន្នី · កែ Jan 24, 2023

    ចូលចិត្ត​ប្រឡែង​លេង ឬនៅ​ក្បែរ​សត្វឆ្មា​ធ្វើ​ឲ្យ​កើត​ហឺត?

    យើង​តែ​ងឮ​ការ​និយាយ​តៗ​គ្នា​មក​ថា ការ​ដែល​យើង​ចូល​ចិត្ត​ប្រឡែង​លេង ឬ​នៅ​ក្បែរ​សត្វ​ឆ្មាញឹកញាប់ ធ្វើ​ឲ្យ​កើត​ជំងឺ​ហឺត​បាន ដោយ​រោម​តូចៗ​របស់ឆ្មា​ដែល​ជ្រុះ ជ្រៀត​ចូល​តាម​រយៈ​ផ្លូវ​ដង្ហើម​យើង។ តើ​រោម​ឆ្មា និង​ពពួក​រោម​សត្វ​ផ្សេង​ទៀត​ពិត​ជា​អាច​បង្ក​ឲ្យ​កើត​ជំងឺ​ហឺត​មែន​ឬ​យ៉ាង​ណា?

    ហឺតជា​ជំងឺ​ម្យ៉ាង​ដែល​កើតមាន​លើ​មនុស្ស​ទាំង​ចាស់​ទាំង​ក្មេង ធ្វើឲ្យតូច​ចង្អៀត និង​រលាក​ផ្លូវដង្ហើម ពិបាក​ដក​ដង្ហើម ហត់ដង្ហក់ ក្អក ឈឺទ្រូង ។ រោម​សត្វ​គ្រប់​ប្រភេទ ពិសេស​រោម​សត្វឆ្មា​ដែល​យើង​ចិញ្ចឹម និង​រស់​នៅ​ក្នុង​ផ្ទះ​ជាមួយ​រាល់​ថ្ងៃ ក៏​ជា​​មូលហេតុ​មួយ​ក្នុង​ចំណោម​មូលហេតុ​ជាច្រើន​ទៀត​ដែល​ជំរុញ​ឲ្យ​​កើតជំងឺហឺតដែរ នេះ​បើ​តាម​ការ​បញ្ជាក់​របស់​លោក​វេជ្ជបណ្ឌិត ចាន់ ស៊ីណេត ឯកទេស​ជំងឺ​ទូទៅ។

    ការ​ប៉ះពាល់​ ឬ​ស្រូប​សារធាតុ​បង្ក​អាលែកហ្ស៊ី​​ពី​រោម​សត្វ​នឹង​ធ្វើ​ឲ្យ​ប្រព័ន្ធ​ភាពស៊ាំ​យើង​មាន​ប្រតិម្ម​តប​ខ្លាំង នាំ​ឲ្យ​រោគ​សញ្ញា​នៃ​ជំងឺ​ហឺត​ក៏​កាន់​តែ​អាក្រក់​ដែរ​។ សត្វ​ចិញ្ចឹម​​ដូច​ជា​ទន្សាយ ឆ្មា ឆ្កែ ឬបក្សី សុទ្ធ​តែ​អាច​ជំរុញ​ឲ្យ​មាន​ប្រតិកម្ម​អាលែកហ្ស៊ី​លើ​អ្នក​មានជំងឺ​ហឺត។​

    ចង់គណនា BMR ចុចទីនេះ!

    វេជ្ជបណ្ឌិត ចាន់ ស៊ីណេត - ជំងឺហឺត

    វេជ្ជបណ្ឌិត ចាន់ ស៊ីណេត ឯកទេសជំងឺទូទៅ

    ១-មូលហេតុ​បណ្តាលឲ្យកើតហឺត

    – តំណពូជ

    – ធ្វើ​ការ​ហត់​ខ្លាំង​ពេក

    – មេរោគ​នៅ​​តាម​ផ្លូវ​ដង្ហើម

    – ស្រូប​ផ្សែង​បារី​ ឬ​ផ្សែង​ពុល​ផ្សេង​ៗ

    – ស្រូប​ធូលី រោម​សត្វ ឬ​លម្អង​ផ្កា

    – អាលែកហ្ស៊ីអាហារ ឬ​ថ្នាំ​ពេទ្យ​មួយ​ចំនួន

    – អារម្មណ៍រំជើបរំជួលខ្លាំង ឬតានតឹងខ្លាំង

    ហឺត​ជា​ជំងឺ​រលាក​ផ្លូវ​ដង្ហើមរ៉ាំរ៉ៃ និង​ឆាប់​មាន​ប្រតិកម្ម​ជាមួយ​​បរិស្ថាន ចំណីអាហារ អាកាសធាតុជាដើម ដូច្នេះ​ហើយ​យើង​ត្រូវ​ចាំបាច់​ដឹង​ពី​រោគ​សញ្ញា​មួយចំនួន​ជាមុន ហើយ​ក្នុង​ករណី​ដែល​ធ្ងន់ធ្ងរ​ត្រូវ​ប្រញាប់​ទៅ​ជួប​គ្រូពេទ្យ។

    – ក្អករាំរ៉ៃ

    – ដកដង្ហើមឮសូរសំឡេង

    – ហត់ខ្លាំង

    – អស់កម្លាំង

    – ងាយប្រតិកម្ម។

    បដិសេធ

    Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

    ត្រួតពិនិត្យដោយ

    វេជ្ជ. ចាន់ ស៊ីណេត

    · ម​ន្ទីរពេទ្យបង្អែកមិត្តភាពកម្ពុជា-ចិន សែនសុខ


    អត្ថបទ​ដោយ ដេត ធន្នី · កែ Jan 24, 2023

    advertisement iconផ្សព្វផ្សាយពាណិជ្ជកម្ម

    តើអត្ថបទនេះមានប្រយោជន៍ដែរទេ?

    advertisement iconផ្សព្វផ្សាយពាណិជ្ជកម្ម
    advertisement iconផ្សព្វផ្សាយពាណិជ្ជកម្ម