អាប់សែសួត ជាប្រហោងដែលពោរពេញទៅដោយខ្ទុះ។ ភាគច្រើន បញ្ហានេះបណ្ដាលមកពីការឆ្លងបាក់តេរីនៅក្នុងជាលិកាសួត។ ការបង្ករោគអាចបណ្ដាលឲ្យជាលិកាសួតងាប់ ហើយខ្ទុះក៏ចាប់ផ្ដើមប្រមូលផ្ដុំនៅក្នុងប្រហោងនោះ។ ពិតណាស់ អាប់សែសួតពិបាកក្នុងការព្យាបាល ព្រមទាំងអាចបង្កគ្រោះថ្នាក់ដល់អាយុជីវិតថែមទៀតផង។ ប្រសិនបើអាប់សែសួតមានរយៈពេលក្រោម៤ទៅ៦សប្ដាហ៍ វាត្រូវបានចាត់ទុកថាជាអាប់សែសួតស្រួចស្រាល់ ប៉ុន្តែបើលើសពីនេះ អាចជាអាប់សែសួតរ៉ាំរ៉ៃ។

រោគសញ្ញានៃអាប់សែសួត

រោគសញ្ញាដែលគួរឲ្យកត់សម្គាល់បំផុតនៃអាប់សែសួត គឺក្អកស្លេស្ម ឬក្អកមានឈាម ឬដូចខ្ទុះ ព្រមទាំងមានក្លិនមិនល្អ។ រោគសញ្ញាដទៃទៀតរួមមាន៖

ខ្យល់ដង្ហើមមិនល្អ
ក្ដៅខ្លួនចាប់ពី៣៨,៣អង្សាសេ ឬលើសពីនេះ
ឈឺទ្រូង
ហត់
បែកញើសខ្លាំងជ្រុល ឬបែកញើសពេលយប់
ស្រកទម្ងន់
អស់កម្លាំង

ចង់គណនា BMR ចុចទីនេះ !

ចង់គណនា BMI ចុចទីនេះ !

ចង់គណនារង្វាស់ចង្វាក់បេះដូង ចុចទីនេះ !

ចង់ពិនិត្យសុខភាពប្រព័ន្ធរំលាយអាហារ ចុចទីនេះ !

តើអាប់សែសួតបណ្ដាលមកពីមូលហេតុអ្វី?

អាប់សែសួតអាចត្រូវបានបែងចែកជាអាប់សែដែលបង្កដោយមេរោគ ឬបង្កដោយកត្តាផ្សេងទៀត ។

អាប់សែបង្កដោយមេរោគ

ការញ៉ាំគ្រឿងស្រវឹងច្រើនជ្រុល ក៏អាចធ្វើឲ្យយើងងាយកើតជំងឺអាប់សែសួតនេះដែរ ពីព្រោះអ្នកដែលញ៉ាំគ្រឿងស្រវឹងច្រើន ឧស្សាហ៍មានអាការៈក្អួត និងប្រែប្រួលកម្រិតស្មារតី។ ផលវិបាកទាំងនេះអាចបង្កើនឱកាសនៃការស្រូបយកទឹកក្រពះ និងបាក់តេរីទៅក្នុងសួត ជាហេតុនាំឲ្យមានការឆ្លងមេរោគ។ ម្យ៉ាងវិញទៀត អ្នកដែលញ៉ាំគ្រឿងស្រវឹងច្រើនជ្រុល ក៏ប្រឈមនឹងបញ្ហាប្រព័ន្ធភាពស៊ាំចុះខ្សោយ ដោយសារតែសុខភាពទ្រុឌទ្រោម និងកង្វះអាហារូបត្ថម្ភ ដែលអាចនាំឲ្យយើងងាយវិវដ្តទៅជាការឆ្លងមេរោគ។ ចំណែកឯជំងឺរលាកសួត ក៏អាចនាំឲ្យកើតជាអាប់សែសួតដែលបង្កដោយមេរោគដូចគ្នា។

អាប់សែសួត

អាប់សែសួតបង្កឡើងដោយកត្តាផ្សេងៗ

ចំពោះអាប់សែប្រភេទនេះ កើតឡើងដោយកត្តាផ្សេងៗក្រៅពីការឆ្លងមេរោគ ដែលចាប់ផ្ដើមពីខាងក្នុងសួតតែម្ដង។ មូលហេតុបង្កមានដូចជា៖

ស្ទះផ្លូវដង្ហើមធំៗនៅក្នុងសួត
ជំងឺដែលកើតឡើងរួមគ្នានៅក្នុងសួត
ការឆ្លងមេរោគពីផ្នែកផ្សេងទៀតនៃរាងកាយដែលរាលដាលដល់សួត

អ្នកមានហានិភ័យខ្ពស់នៃការកើតអាប់សែសួត

អ្នកដែលញ៉ាំគ្រឿងស្រវឹងច្រើនជ្រុល ឬអ្នកដែលទើបកើតជំងឺរលាកសួត មានហានិភ័យខ្ពស់ក្នុងការវិវត្តទៅជាអាប់សែសួត។ លើសពីនេះ អ្នកដែលមានប្រព័ន្ធភាពស៊ាំខ្សោយដោយសារតែការផ្លាស់ប្ដូរសរីរាង្គ មានជំងឺមហារីក ជំងឺអេដស៍ ជំងឺប្រព័ន្ធភាពស៊ាំប្រឆាំងនឹងខ្លួនឯង ឬស្រូបយកវត្ថុចម្លែកដែលអាចបង្អាក់ផ្លូវដង្ហើមធំ ក៏ប្រឈមនឹងអាប់សែសួតខ្ពស់ផងដែរ។

ចំណុចសំខាន់

រោគសញ្ញានៃអាប់សែសួត

រោគសញ្ញាដែលគួរឲ្យកត់សម្គាល់បំផុតនៃអាប់សែសួត គឺក្អកស្លេស្ម ឬក្អកមានឈាម ឬដូចខ្ទុះ ព្រមទាំងមានក្លិនមិនល្អ។ រោគសញ្ញាដទៃទៀតរួមមាន៖

ខ្យល់ដង្ហើមមិនល្អ
ក្ដៅខ្លួនចាប់ពី៣៨,៣អង្សាសេ ឬលើសពីនេះ
ឈឺទ្រូង
ហត់
បែកញើសខ្លាំងជ្រុល ឬបែកញើសពេលយប់
ស្រកទម្ងន់
អស់កម្លាំង

អត្ថបទពាក់ព័ន្ធ៖

ប្រយ័ត្ន! ចេញ​រោគសញ្ញា​ទាំង​នេះ បញ្ជាក់​​​ថា​សួត​អាប់សែ​ហើយ!

រោគសញ្ញា​នៃ​អាប់សែ​សួត​

តើ​អាប់សែ​សួត​បណ្ដាល​មក​ពី​មូលហេតុ​អ្វី​?

អាប់សែ​បង្ក​ដោយ​មេរោគ

អាប់សែ​សួត​​បង្ក​ឡើង​ដោយ​កត្តា​ផ្សេង​ៗ​

អ្នក​មាន​ហានិភ័យ​ខ្ពស់​នៃ​ការ​កើត​អាប់សែ​សួត

ចំណុចសំខាន់

រោគសញ្ញា​នៃ​អាប់សែ​សួត​

ប្រយ័ត្ន! ចេញរោគសញ្ញាទាំងនេះ បញ្ជាក់ថាសួតអាប់សែហើយ!

រោគសញ្ញានៃអាប់សែសួត

តើអាប់សែសួតបណ្ដាលមកពីមូលហេតុអ្វី?

អាប់សែបង្កដោយមេរោគ

អាប់សែសួតបង្កឡើងដោយកត្តាផ្សេងៗ

អ្នកមានហានិភ័យខ្ពស់នៃការកើតអាប់សែសួត

រោគសញ្ញានៃអាប់សែសួត