ការបង្ករោគក្នុងឈាម ឬ Sepsis កើតឡើងនៅពេលដែលរាងកាយមានប្រតិកម្មខុសប្រក្រតីចំពោះការឆ្លងមេរោគ។ នៅពេលដែលយើងមានបញ្ហាសុខភាពមួយនេះ ប្រព័ន្ធភាពស៊ាំដែលការពារយើងពីមេរោគ នឹងបញ្ចេញសារធាតុគីមីជាច្រើនចូលទៅក្នុងឈាម ដោយបង្កជាការរលាក ដែលអាចនាំឲ្យខូចសរីរាង្គ។ ក្នុងករណីធ្ងន់ធ្ងរ ការបង្ករោគក្នុងឈាម អាចបណ្ដាលឲ្យសម្ពាធឈាមធ្លាក់ចុះខ្លាំង ដែលអាចធ្វើឲ្យខូចសរីរាង្គភ្លាមៗ ដូចជាសួត តម្រងនោម និងថ្លើមជាដើម។

ចង់គណនា BMR ចុចទីនេះ !

ចង់គណនារង្វាស់ចង្វាក់បេះដូង ចុចទីនេះ !

ចងពិនិត្យជំងឺសរសៃឈាមបេះដូង ចុចទីនេះ !

មូលហេតុបង្ក និងកត្តាហានិភ័យ

ការឆ្លងបាក់តេរី ជាកត្តាចម្បងមួយដែលនាំឲ្យមានការបង្ករោគក្នុងឈាម ប៉ុន្តែបញ្ហាមួយនេះ ក៏អាចកើតឡើងដោយសារការឆ្លងមេរោគផ្សេងៗដូចគ្នា នៅពេលដែលបាក់តេរី ប៉ារ៉ាស៊ីត ផ្សិត ឬមេរោគចូលក្នុងរាងកាយ និងសូម្បីតែការឆ្លងតាមសាច់ដុះនៅគល់ក្រចក។

ការបង្ករោគក្នុងឈាមកើតឡើងភាគច្រើនចំពោះ៖

អ្នកមានប្រព័ន្ធភាពស៊ាំចុះខ្សោយ ដោយសារជំងឺអេដស៍ ឬមហារីក ឬប្រើប្រាស់ថ្នាំប្រភេទប្រឆាំងការរលាក
មានផ្ទៃពោះ
មានវ័យក្មេងពេក
មានវ័យចំណាស់ និងមានបញ្ហាសុខភាពដទៃទៀត
ទទួលការវះកាត់
ប្រើបំពង់ជំនួយការដកដង្ហើម
មានជំងឺទឹកនោមផ្អែម
មានស្ថានភាពសុខភាពធ្ងន់ធ្ងរដូចជា រលាកសួត រលាកស្រោមខួរក្បាល ក្រិនថ្លើម ឬការបង្ករោគលើផ្លូវទឹកនោម។

រោគសញ្ញានៃការបង្ករោគក្នុងឈាម

ដោយសារតែការបង្ករោគក្នុងឈាម ចាប់ផ្ដើមនៅក្នុងផ្នែកផ្សេងៗនៃរាងកាយ ដូច្នេះហើយ យើងអាចនឹងមានរោគសញ្ញាផ្សេងៗជាច្រើន។ ប៉ុន្តែ សញ្ញាដំបូង រួមមានដកដង្ហើមញាប់ និងវង្វេងស្មារតី។ រោគសញ្ញាទូទៅផ្សេងទៀត រួមមាន៖

គ្រុនក្ដៅ និងគ្រុនរងា
សីតុណ្ហភាពរាងកាយចុះទាបខ្លាំង
បរិមាណទឹកនោមតិចជាងធម្មតា
បេះដូងលោតញាប់
ចង្អោរ និងក្អួត
រាករូស
អស់កម្លាំង ឬខ្សោយ
បែកញើស
ឈឺចាប់ខ្លាំង

អត្ថបទគួរអាន៖

គន្លឹះបញ្ចៀសការបង្ករោគក្នុងឈាម

លាងសម្អាតដៃញឹកញាប់ជាមួយសាប៊ូ និងទឹករយៈពេល២០វិនាទី
ចាក់វ៉ាក់សាំងតាមការណែនាំ ដូចជាវ៉ាក់សាំងសម្រាប់គ្រុនផ្ដាសាយ និងអុតស្វាយ
ប្រសិនបើយើងមានរបួសរលាត់ស្បែក គួរលាងសម្អាតឲ្យបានឆាប់រហ័ស និងថែទាំបរិវេណរបួសឲ្យបានស្អាតល្អ ព្រមទាំងសង្កេតមើលសញ្ញានៃការបង្ករោគផ្សេងៗ។

ចំណុចសំខាន់

ការបង្ករោគក្នុងឈាម កើតឡើងនៅពេលដែលរាងកាយមានប្រតិកម្មខុសប្រក្រតីចំពោះការឆ្លងមេរោគ។ នៅពេលដែលយើងមានបញ្ហាសុខភាពមួយនេះ ប្រព័ន្ធភាពស៊ាំដែលការពារយើងពីមេរោគ នឹងបញ្ចេញសារធាតុគីមីជាច្រើនចូលទៅក្នុងឈាម ដោយបង្កជាការរលាក ដែលអាចនាំឲ្យខូចសរីរាង្គ។ ក្នុងករណីធ្ងន់ធ្ងរ ការបង្ករោគក្នុងឈាម អាចបណ្ដាលឲ្យសម្ពាធឈាមធ្លាក់ចុះខ្លាំង ដែលអាចធ្វើឲ្យខូចសរីរាង្គភ្លាមៗ ដូចជាសួត តម្រងនោម និងថ្លើមជាដើម។ ហេតុនេះហើយ យើងគួរតែយល់ដឹងពីវិធីសាស្រ្តបង្ការមួយចំនួនដូចជា លាងសម្អាតដៃជាមួយសាប៊ូ និងទឹកឲ្យបានញឹកញាប់ ចាក់វ៉ាក់សាំងតាមការណែនាំ និងសម្អាតកន្លែងរបួសឲ្យបានឆាប់ជាទីបំផុត ក្នុងករណីមានដាច់រលាត់ស្បែក។

ការបង្ករោគក្នុងឈាមបណ្តាលមកពីអ្វី? មានរោគសញ្ញាអ្វីខ្លះ?

មូលហេតុ​បង្ក​ និង​កត្តា​ហានិភ័យ​

​​​​ការ​បង្ក​រោគ​ក្នុង​ឈាម​កើត​ឡើង​ភាគ​ច្រើន​ចំពោះ​៖

រោគសញ្ញា​នៃ​ការ​បង្ក​រោគ​ក្នុង​ឈាម​

គន្លឹះ​បញ្ចៀស​ការ​បង្ក​រោគ​ក្នុង​ឈាម​

ចំណុចសំខាន់

មូលហេតុបង្ក និងកត្តាហានិភ័យ

ការបង្ករោគក្នុងឈាមកើតឡើងភាគច្រើនចំពោះ៖

រោគសញ្ញានៃការបង្ករោគក្នុងឈាម

គន្លឹះបញ្ចៀសការបង្ករោគក្នុងឈាម