គ្រប់​គ្នា​ដឹង​ហើយ​ថា ជំងឺ​មហារីក​គឺ​ជា​ជំងឺ​កាច​សាហាវ​មួយ​ដែល​មាន​គ្រោះ​ថ្នាក់​ដល់ជីវិត​។ ជំងឺ​មហារីក អាច​កើត​ឡើង​បាន​ស្ទើរ​តែ​គ្រប់​កន្លែង​ទាំង​អស់​នៅ​លើ​រាង​កាយ ហើយ​ច្រមុះ​របស់​យើង​គ្រប់​គ្នា​ក៏​អាច​ប្រឈម​នឹង​ការ​កើត​ជំងឺ​មហារីក​ដែរ។ មន្ទីរ​ពេទ្យ កាល់​ម៉ែត្រ បាន​ផ្សព្វ​ផ្សាយ​នៅលើ​បណ្តាញ​សង្គម​ឲ្យ​ដឹង​ថា ជំងឺ​មហារីក​ច្រមុះ (Nasopharyngeal Cancer) គឺ​ជា​ជំងឺ​មហា​រីក​ដែល​កើត​នៅ​ផ្នែក​ខាង​ក្រោយ​ច្រមុះ និង​ខាង​លើ​បំពង់ក។ ចំពោះ​មូល​ហេតុ​ដែល​បណ្តាល​ឲ្យ​កើត​ជំងឺ​មហារីក​ច្រមុះ នៅ​មិន​ទាន់​មាន​ការ​ស្រាវ​ជ្រាវ​ឲ្យ​ដឹង​ពិត​ប្រាកដ​នៅ​ឡើយ​ទេ តែ​ខាង​ក្រុម​គ្រូ​ពេទ្យ​បាន​ឲ្យ​ដឹង​ពី​កត្តា​ដែល​ជំរុញ​ឲ្យ​កើត​ជំងឺ​នេះ​បាន​ដូច​ជា៖ ទី១. ទីតាំង​ភូមិ​សាស្រ្ត (ដូចជា​ប្រទេស​ចិន​ភាគ​ខាង​ត្បូង ឬ​អាស៊ី​ខាង​កើត) ទី២. ការ​បរិភោគ​អាហារ​ដែល​សម្បូរ​ជាតិ Nitrosamine (អាហារ​ដែល​មាន​ជាតិ​ប្រៃ​ខ្ពស់ ប្រលាក់ហាល​ឲ្យ​ស្ងួត​រួច​អាំង) ទី៣. ប្រកប​របរ​ទាក់​ទង​ជាមួយ​ឈើ (ជាង​ឈើ ជាដើម) ទី៤. ប្រវិត្ត​គ្រួសារ​ដែល​កើត​ជំងឺមហារីក​ច្រមុះ។ អត្ថបទពាក់ព័ន្ធ៖ Nasopharyngitis (ជំងឺរលាក​ច្រមុះ និងបំពង់ក) ចំពោះ​ជំងឺ​មហារីក​ច្រមុះ​នេះ មន្ទីរពេទ្យ កាល់ម៉ែត្រ បាន​បញ្ជាក់​ឲ្យ​ដឹង​ទៀតថា នៅ​ដំណាក់​កាល​ថ្មី ជំងឺ​មហារីក​ច្រមុះ​មិន​សូវ​ចេញ​រោគ​សញ្ញា​អ្វី​គួរ​ឲ្យ​កត់​សម្គាល់​ទេ ប៉ុន្តែ​បើ​មាន​អាការៈ​ទាំងនេះ៖ -​ មាន​ឡើង​កូន​កណ្តុរ​នៅ​ក - ឈាម​ច្រមុះ -​ តឹង​ច្រមុះ​មួយ​ចំហៀង -​ ការស្តាប់​ធ្លាក់​ចុះនៅ​ត្រចៀក​ម្ខាង - ហឹងត្រចៀក - ឈឺក្បាល។ បើសង្កេត​ឃើញ​ថា មាន​ចេញ​រោគ​សញ្ញា​ដែល​បាន​រៀប​រាប់​ខាង​លើ ខាង​មន្ទីរពេទ្យ កាល់ម៉ែត ​បាន​ណែនាំ ឲ្យ​ទៅ​ពិគ្រោះ​ជាមួយ​ដើម្បី​ធ្វើ​រោគ​វិនិច្ឆ័យ​ឲ្យ​បាន​ត្រឹម​ត្រូវ និង​ទទួល​បាន​ការ​ព្យាបាល​ទាន់​ពេល​វេលា។ អត្ថបទពាក់ព័ន្ធ៖ ៤ ចំណុច​ងាយៗ បំបាត់អាការៈតឹងច្រមុះ ហៀរសម្បោរលើកូនតូច តឹងច្រមុះ ហៀរសំបោរ ហើយប្រឹងញើសបញ្ចេញខ្លាំងៗ ធ្វើឲ្យប៉ះពាល់ធ្ងន់ធ្ងរ […]

ជំងឺ​ដែលមនុស្សភាគច្រើនឧស្សាហ៍ជួបប្រទះ ហើយគិតថាជាជំងឺធម្មតានោះ គឺការរលាកច្រមុះ និងរលាកប្រអប់ឆ្អឹងអមរន្ធច្រមុះ។ ផ្ទុយទៅវិញ ការ​រលាក​ច្រមុះ​ញឹក​ញាប់​អាច​វិវត្ត​ទៅ​ជា​ជំងឺ​រ៉ាំរ៉ៃ ឬ​លាប់​សារ​ចុះ​សារ​ឡើង។ មន្ទីរពេទ្យកាល់ម៉ែតបានឲ្យដឹងថា ជំងឺរលាកច្រមុះរ៉ាំរ៉ៃអាចមានរោគសញ្ញាច្រើនដូចជា តឹងច្រមុះ ហៀរសម្បោរ កណ្តាស់ រមាស់ច្រមុះ តឹងច្រមុះទាំងសង្ខាង ឬឆ្លាស់គ្នា។​ ជំងឺ​រលាក​ច្រមុះ​រ៉ាំរ៉ៃ អាច​មាន​សញ្ញា​ផ្សេង​ទៀត​រួ​ម​មាន ហុឹង​ត្រចៀក គេង​ស្រម៉ុក ស្ងួតមាត់ ក្អកស្ងួត​ ឈឺបំពង់ក រលាកបំពង់ខ្យល់​ និងរលាកទងសួតញឹកញាប់។ ក្រៅពីនេះ អ្នក​ជំងឺ​អាច​មាន​អាការៈ​ឈឺ​ក្បាល ឬ​ពិបាកដកដង្ហើម រមាស់ច្រមុះ ភ្នែក រន្ធត្រចៀក ជាពិសេសក្នុងករណី អាលែកហ្ស៊ីច្រមុះទៅតាមរដូវកាល។ អ្នក​ជំងឺ​អាច​បាត់​ក្លិន ឬ​អាច​បាត់បង់​ការ​ដឹង​រស​ជាតិ​អាហារ​ផង​ដែរ។ លើស​ពី​នេះ​ទៀត អ្នក​ជំងឺ​អាច​មាន​បញ្ហា​ដល់​ទងសួត ដោយ​មិន​បាន​ចាប់​អារម្មណ៍ ហត់​ពេល​ប្រឹង​ដក​ដង្ហើម តឹង​ទ្រូង​ជាដើម។ អ្នក​ជំងឺ​រលាក​ច្រមុះ​រ៉ាំរ៉ៃ​ អាច​ឡើង​ស្លេស្ម ដោយសារប្រតិកម្មទងសួត ដែលអាចវិវត្តទៅជាជំងឺហឺតបាន។ មន្ទីរពេទ្យ​កាល់ម៉ែត​ក៏​បាន​ពន្យល់​ពី​វិធីសាស្ត្រ​ក្នុង​ការ​ព្យាបាល ជំងឺរលាកច្រមុះផងដែរ ដែលវិធីសាស្រ្តទាំងនោះមានដូចខាងក្រោម៖ - ក្នុងករណីរលាកច្រមុះរ៉ាំរ៉ៃដោយអាលែកហ្ស៊ី ការប្រើថ្នាំបាញ់ច្រមុះ អាចមានប្រសិទ្ធភាពខ្ពស់ និងគ្មានផលវិបាកធ្ងន់ធ្ងរដល់អ្នកជំងឺ។ - គេប្រើថ្នាំ Antihistamine បន្ថែម ក្នុងករណីដែលប្រើថ្នាំបាញ់ច្រមុះមិនធូរស្រាល -រលាកច្រមុះនៅពេលមានផ្ទៃពោះ អាចលាងសម្អាតខាងក្នុងច្រមុះដើម្បីបានធូរស្រាល -ប្រសិនរលាកច្រមុះដោយការប្រើថ្នាំ ត្រូវឈប់ប្រើថ្នាំជាចាំបាច់។ លើសពីនេះ ក្នុងករណីដែលរលាកច្រមុះរ៉ាំរ៉ៃបណ្តាលមកពីភាពមិនធម្មតានៅក្នុងច្រមុះ​ […]