ជំងឺរលាកប្រហោងឆ្អឹងមុខ គឺជាជំងឺផ្លូវដង្ហើមមួយប្រភេទដែលកើតមានជាញឹកញាប់ចំពោះប្រជាជនទូទៅគ្រប់វ័យ ហើយមិនថាជាប្រុស ឬស្រីឡើយ។ ជំងឺនេះផ្ដល់ផលរំខាន និងប៉ះពាល់ដល់ការរស់នៅប្រចាំថ្ងៃខ្លះៗ។ ក្នុងករណីយើងកើតមានជំងឺនេះ អាចពិបាកនឹងដកដង្ហើមតាមច្រមុះ ហើយតំបន់ជុំវិញភ្នែក និងមុខអាចនឹងមានអារម្មណ៍ថា ហើមៗ និងឈឺក្នុងមុខខ្ទោកៗទៀត ។
លោកវេជ្ជបណ្ឌិត ហ៊ាង រតនា ឯកទេសជំងឺទូទៅបានពន្យល់ថា ជំងឺរលាកប្រហោងឆ្អឹងមុខ ជាការរលាកប្រហោងឆ្អឹងមុខមួយឬច្រើន ដោយសារមេរោគ ឬមិនមែនមេរោគ ដែលក្នុងនោះចែកជា ២ ទម្រង់ធំៗ រួមមានទម្រង់ស្រួចស្រាវ និងទម្រង់រ៉ាំរ៉ៃ។ ចំពោះរោគសញ្ញាមានដូចខាងក្រោម៖
- ឈឺតឹងណែនផ្ទៃមុខ ជាពិសេសនៅប្រហោងឆ្អឹងច្រមុះ
- រលាក ក្រហមជំុវិញផ្ទៃមុខ
- តឹងច្រមុះ
- ហូរសម្បោរ អាចថ្លាឬខាប់
- ច្រមុះមិនដឹងក្លិន
- ក្អក
- ដកដង្ហើមមានក្លិន
- ឈឺធ្មេញ ថ្គាម
- ប្រហោងឆ្អឹងច្រមុះមានខ្ទុះ
- គ្រុន
- ឈឺក្បាលជាប់ជាប្រចំា
- មានអារម្មណ៍ហត់ អស់កម្លាំង។
លោកវេជ្ជបណ្ឌិតបានបន្ថែមថា ជំងឺរលាកប្រហោងឆ្អឹងមុខអាចកើតលើមនុស្សគ្រប់វ័យ ប៉ុន្តែមនុស្សពេញវ័យ និងអ្នកដែលមានប្រព័ន្ធការពាររាងកាយខ្សោយ ឬមានជំងឺរលាកច្រមុះរ៉ាំរ៉ៃ និងអាលែកហ្ស៊ី ជាអ្នកមានហានិភ័យប្រឈមកើតជំងឺនេះខ្ពស់។
ចំពោះមូលហេតុបង្កជំងឺមិនត្រូវបានកំណត់ឲ្យច្បាស់លាស់នោះទេ តែអាចបែងចែកតាមទម្រង់ ២ ធំៗរបស់ជំងឺ គឺទម្រង់ស្រួចស្រាវ និងរ៉ាំរ៉ៃ៖
– ស្រួចស្រាវ៖ មានរោគសញ្ញាកើតឡើងតិចជាងមួយខែ ច្រើនមានមូលហេតុទាក់ទិននឹងការបង្ករោគដោយពពួកវីរុស ហើយក៏អាចជាការបង្ករោគដោយបាក់តេរីផងដែរ។ មិនតែប៉ុណ្ណោះ អាលែកហ្ស៊ីច្រមុះ ក៏ជាមូលហេតុមួយនៃការរលាកនេះដែរ។
– រ៉ាំរ៉ៃ៖ គឺបន្តអូសបន្លាយលើសពី ៣ ខែ ហើយភាគច្រើនបណ្ដាលមកពីការព្យាបាលជំងឺផ្លូវដង្ហើមពីមុនមិនបានត្រឹមត្រូវ ឬគ្រប់គ្រាន់។ ម្យ៉ាងទៀត អាការៈអាលែកហ្សីមិនបានព្យាបាលត្រឹមត្រូវក៏អាចបណ្ដាលឲ្យក្លាយជារ៉ាំរ៉ៃដែរ។
អត្ថបទពាក់ព័ន្ធ៖
- ព្រឺរងា ហៀរសំបោរ ល្ហិតល្ហៃពេលផ្តាសាយ មិនមែនដោយសារមេរោគទេ គឺព្រោះតែ…
- គ្រូពេទ្យ បកស្រាយបញ្ហាវះកាត់សម្រាលរួចឈឺក្បាល និងអារម្មណ៍ឆេវឆាវ
- ធ្លាប់ទេពេលកណ្តាស់ធ្វើឲ្យឈឺខ្នង? នេះជាមូលហេតុ និងវិធីការពារ
- កុំចេះតែធ្វើហី! ពណ៌ទឹកសម្បោរ ក៏អាចបញ្ជាក់ពីបញ្ហាសុខភាពដែរ
- ប្រយ័ត្ន! ឈឺក្បាលខ្ទោកៗ អាចជាសញ្ញានៃជំងឺគួរឲ្យបារម្ភមួយនេះ
- ប្រយ័ត្នកុំលេងសើច! អាលែកហ្ស៊ីច្រមុះ អាចធ្វើឲ្យកើតហឺត
- ដុះដុំសាច់ខួរក្បាល បង្កឡើងដោយមូលហេតុអីឲ្យប្រាកដ?
- ៧យ៉ាង ជួយសម្រាកខួរក្បាល និងបំបាត់ស្ត្រេស
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
[embed-health-tool-vaccination-tool]
