home

យើង​គួរ​ធ្វើ​ម៉េច​ខ្លះ ដើម្បី​កែលម្អ​បញ្ហា​នេះ?

close
chevron
អត្ថបទ​នេះ​មាន​កំហុស ព័ត៌មាន​ ឬ​តួលេខ​មិន​ត្រឹមត្រូវ
chevron

បើ​មាន​កំហុស​ឆ្គង​ណា​មួយ សូម​ប្រាប់​ពួក​យើង​ដើម្បី​កែតម្រូវ

wanring-icon
សូម​ចាំ​ថា មិន​ទាមទារ​ឲ្យ​លោក​អ្នក​បំពេញ​ព័ត៌មាន​លម្អិត​ទេ។ សូមចុច "ផ្ញើរ​មតិខ្ញុំ" ខាង​ក្រោម​ដើម្បី​បន្ត​អាន​។
chevron
អត្ថបទ​នេះ​មាន​ព័ត៌មានមិន​គ្រប់គ្រាន់
chevron

បើ​មាន​កំហុស​ឆ្គង​ណា​មួយ សូម​ប្រាប់​ពួក​យើង​ដើម្បី​កែតម្រូវ

wanring-icon
សូម​ចាំ​ថា មិន​ទាមទារ​ឲ្យ​លោក​អ្នក​បំពេញ​ព័ត៌មាន​លម្អិត​ទេ។ សូមចុច "ផ្ញើរ​មតិខ្ញុំ" ខាង​ក្រោម​ដើម្បី​បន្ត​អាន​។
chevron
ហមមម... ខ្ញុំ​មាន​ចម្ងល់​ពី​បញ្ហា​សុខភាព​ខ្លះ​ចង់​សាកសួរ
chevron

ថ្វី​ត្បិត​តែ​ Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​​ក៏​ពិត​មែន ប៉ុន្តែ​ពួក​យើង​ពិត​ជា​ស្វាគមន៍​រាល់​មតិ​កែលម្អិត​ទាំង​អស់​របស់​លោក​អ្នកដែល​តែងតែ​តាមដាន Hello គ្រូពេទ្យ ជា​ប្រចាំ។ សូម​វាយ​បញ្ចូល​មតិយោបល់​របស់​លោកអ្នក​ក្នុង​ប្រអប់​ខាងក្រោម។

wanring-icon
ប្រសិន​បើ​បងប្អូន​កំពុង​ប្រឈម​នឹង​បញ្ហា​សង្គ្រោះបន្ទាន់​ កុំបង្អង់​សូម​ខល​ទាក់ទង​ទៅសេវាសង្គ្រោះ​បន្ទាន់​ភ្លាម​ ឬ​ទៅ​មន្ទីរពេទ្យ ឬ​កន្លែង​សង្គ្រោះ​បន្ទាន់​ដែល​នៅ​ជិត​លោក​អ្នក​បំផុត។

ឬ​ចម្លង​តំណភ្ជាប់

ឮ​តែ​និយាយ​ពី​ជំងឺ​ទឹក​នោម​ផ្អែម តើ​កើត​ឡើង​បាន​យ៉ាង​ម៉េច?

ឮ​តែ​និយាយ​ពី​ជំងឺ​ទឹក​នោម​ផ្អែម តើ​កើត​ឡើង​បាន​យ៉ាង​ម៉េច?

ជំងឺ​ទឹក​នោម​ផ្អែម​កើត​ឡើង​នៅ​ពេល​លំពែង​មិន​បាន​​ផលិត​អ័រម៉ូន​អាំងស៊ុយលីន​គ្រប់​គ្រាន់ ឬរាង​កាយ​មិន​អាច​ប្រើ​អាំងស៊ុយ​លីន​ត្រឹមត្រូវ​។ អាំងស៊ុយលីន​ជួយ​ដឹក​នាំ​ជាតិ​ស្ករ​ក្នុង​ចរន្ត​ឈាម​ចូល​ទៅ​ក្នុង​កោសិកា​។ ពេល​ចូល​ទៅ​ក្នុង​កោសិកា ជាតិ​ស្ករ​នឹង​ត្រូវ​បំប្លែង​ភ្លាម​ៗ​ទៅជា​ថាមពល​សម្រាប់​ប្រើ​ប្រាស់ និង​ទុកបម្រុង​ប្រើ​ប្រាស់។ ថាមពល​ទាំង​នេះ ជំរុញ​ដល់​គ្រប់​ដំណើរ​ការ​នៃ​រាង​កាយ​របស់​យើង​។

១. ជំងឺ​ទឹកនោម​ផ្អែម​ប្រភេទ​១

ជំងឺ​ទឹក​នោម​ប្រភេទ​១ កើត​ឡើង​ពេល​លំពែង​ផលិត​អាំង​ស៊ុយ​លីន​បាន​តិច​តួច ឬ​មិន​អាច​ផលិត​បាន​ទាល់​តែ​សោះ​។ អ្នក​មាន​ជំងឺ​ទឹក​នោម​ផ្អែម​ប្រភេទ​១ ត្រូវ​ចាក់​អាំង​ស៊ុយ​លីន​​រាល់ថ្ងៃ ដើម្បី​ជំនួស​អាំង​ស៊ុយ​លីន​ដែល​រាង​កាយ​មិន​អាច​ផលិត​បាន​។​ ជំងឺ​ប្រភេទ​នេះ ភាគច្រើន​ឃើញ​កើត​មាន​ច្រើន​លើ​កុមារ ប៉ុន្តែ​វា​នៅ​តែ​អាច​កើត​លើ​មនុស្ស​គ្រប់​វ័យ​ដែរ​។

២. ជំងឺ​ទឹក​នោម​ផ្អែម​ប្រភេទ២​

ជំងឺ​ទឹក​នោម​ផ្អែម​ប្រភេទ​២ ជា​ជំងឺ​កើត​ច្រើន ហើយ​​អ្នក​ជំងឺ​ទឹក​នោម​ផ្អែម​ប្រហែល​ពី​៩០​ទៅ​៩៥​ភាគ​រយ ជា​អ្នក​មាន​ជំងឺ​ទឹក​នោម​ផ្អែម​ប្រភេទ​២​។ ជំងឺ​នេះ ធ្វើ​ឲ្យ​​រាង​កាយ​របស់​យើង​ធន់​ទៅ​នឹង​សកម្មភាព​របស់​​អាំង​ស៊ុយ​លីន មាន​ន័យ​ថា​រាង​កាយ​​មិន​អាច​ប្រើ​អាំង​ស៊ុយ​លីន​បាន​ត្រឹម​ត្រូវ​ ជា​ហេតុ​នាំ​ឲ្យ​មិន​អាច​នាំ​ជាតិ​ស្ករ​ក្នុង​ឈាម​ទៅ​កាន់​កោសិកា​បាន​។

មនុស្ស​យើង​ទំនង​អាច​វិវត្ត​ទៅ​ជា​មាន​ជំងឺ​ទឹក​នោម​ផ្អែម​ប្រ​ភេទ២ ប្រសិន​ជា​យើង​ជា​មនុស្ស​លើស​ទម្ងន់ មាន​ប្រវត្តិ​សមាជិក​គ្រួសារ​មាន​ជំងឺ​ទឹក​នោ​ម​ផ្អែម ឬ​មាន​ប្រវត្តិ​មាន​ជំងឺ​ទឹក​នោម​ផ្អែ​ម​ពេល​ពពោះ​។ សម្រាប់​ក្រុម​មនុស្ស​ខ្លះ​ទៀត ក៏​អាច​ប្រឈម​នឹង​ជំងឺ​នេះ​ដែរ​ពេល​មាន​វ័យ​លើ​សពី​៤៥​ឆ្នាំ។ វីធី​សាមញ្ញ​មួយ​អាច​បញ្ជាក់​ថា​យើង​មាន​ជំងឺ​ទឹក​នោម​ផ្អែម​ឬ​អត់ គឺ​ការ​ធ្វើ​តេស្ត​ជាតិ​ស្ករ​ក្នុង​ឈាម​។​

មានទឹកនោមផ្អែម

​​៣. ជំងឺ​ទឹក​នោម​ផ្អែម​ពេល​ពពោះ

ជំងឺ​ទឹក​នោម​ផ្អែម​ពេល​ពពោះ គឺ​​ជា​​ប្រភេទ​ជំងឺ​ទឹក​នោម​ផ្អែម​កើត​មាន​ជា​បណ្ដោះ​អាសន្ន ពេល​ស្រី​ៗ​មាន​ផ្ទៃពោះ​។ ជំងឺ​ទឹក​នោម​ផ្អែម​ពេល​ពពោះ មិន​មាន​រោគ​សញ្ញា​នោះ​ទេ ដូច​នេះ​ស្រ្តី​ភាគ​ច្រើន​ត្រូវ​ធ្វើ​តេស្ត​ជាតិ​ស្ករ​​នៅ​ពេល​ណា​មួយ​ក្នុង​អំឡុង​ពេល​ពពោះ​។

បើ​សិន​ជា​ស្រ្តី​កំពុង​ពពោះ​មាន​កម្រិត​ជាតិ​ស្ករ​ក្នុង​ឈាម​ខ្ពស់ គឺ​ត្រូវ​អនុវត្ត​របប​អាហារ​ពិសេស​រហូត​ដល់​សម្រាល​កូន​រួច​​។ ក្នុង​ករណី​ខ្លះ ស្រ្តី​កើត​ជំងឺ​ទឹក​នោម​ផ្អែម​ពេល​ពពោះ អាច​ត្រូវ​ការ​ចាក់​អាំង​ស៊ុយ​លីន​ដែរ​។

ជំងឺ​ទឹក​នោម​ផ្អែម​ពេល​ពោះ​អាច​កើត​លើ​ស្រ្តី​មាន​ប្រវត្តិ​គ្រួសារ​មាន​ជំងឺ​ទឹក​នោម​ផ្អែម និង​ជា​អ្នក​លើស​ទម្ងន់​ជា​ដើម។ ជំងឺ​នេះ​នឹង​បាត់​ទៅ​វិញ​នៅ​ពេល​ស្រ្តី​យើង​សម្រាល​កូន​រួច ហើយ​ក៏​មានដែរ​​ស្រ្តី​ជាង​ពាក់​កណ្ដាល​នៃ​អ្នក​កើត​ជំងឺ​ទឹក​នោម​ផ្អែម​ពេល​ពពោះ អាច​វិវត្ត​ទៅជា​ជំងឺ​ទឹក​នោម​ផ្អែម​ប្រ​ភេទ​២​ នៅ​ពេល​ក្រោយ​មក​ទៀត​។

៤. ត្រៀម​កើត​ជំងឺ​ទឹក​នោម​ផ្អែម​

ត្រៀម​កើត​ជំងឺ​ទឹក​នោម​ផ្អែម កើត​ឡើង​នៅ​ពេល​កម្រិត​ជាតិ​ស្ករ​ក្នុង​ឈាម​ឡើង​ខ្ពស់​ជាង​ធម្មតា ប៉ុន្តែ​មិន​ទាន់​ឡើង​ដល់​កម្រិត​ដែល​ត្រូវ​ចាត់​ទុក​ថា​កើត​ជំងឺ​ទឹក​នោម​ផ្អែម​នោះ​ទេ​។ បើ​បញ្ហា​នេះ​នៅ​តែ​បន្ត​កើត​ឡើង យូរៗ​ទៅ ​យើង​អាច​មាន​ឱកាស​ប្រឈម​ខ្ពស់​ក្នុង​ការ​កើត​ជំងឺ​បេះដូង បញ្ហា​សរសៃឈាម​ខួរ​ក្បាល និង​អាច​ប្រឈម​នឹង​ការ​វិវត្ត​ទៅជា​ជំងឺ​ទឹក​នោម​ផ្អែម​ប្រភេទ​២​ ផង​ដែរ​។

ហាក់​ពិបាក​បន្តិច អ្នក​មាន​បញ្ហា​ត្រៀម​កើត​ជំងឺ​ទឹក​នោម​ផ្អែម​នេះ ពិបាក​ក្នុង​ការ​កំណត់​រោគ​សញ្ញា​ណាស់ មនុស្ស​ជា​ច្រើន​មាន​បញ្ហា​សុខភាព​នេះ និង​មិន​បាន​ដឹង​ខ្លួន​នោះ​ទេ​។

Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

ប្រភព

https://www.hormone.org/diseases-and-conditions/diabetes#:~:text=Diabetes%20occurs%20when%20the%20pancreas,or%20stored%20for%20the%20future.

https://www.healthline.com/health/diabetes

https://www.niddk.nih.gov/health-information/diabetes/overview/what-is-diabetes


អត្ថបទពាក់ព័ន្ធ

ផែនការអាហារម៉ាក់ប៉ាគួរ​ដឹង សម្រាប់​​កូនមានជំងឺទឹកនោមផ្អែមប្រភេទ១​

មូលហេតុសំខាន់ៗ​ទាំង​នេះហើយ ​អ្នកជំងឺទឹកនោមផ្អែមប្រភេទ១ ត្រូវ​ពិនិត្យ​សុខភាពឲ្យទៀងទាត់

ប៉ាម៉ាក់គួរដឹងពី​ផលវិបាកលើភ្នែកអូនៗ បើ​កូនមានជំងឺទឹកនោមផ្អែមប្រភេទ១

៥ ចំណុច បើធ្វើបាននឹងជួយកាត់បន្ថយហានិភ័យការកើត​ជំងឺទឹកនោមផ្អែមប្រភេទ២

កើតទឹកនោមផ្អែមប្រភេទ២ ប៉ះពាល់សរីរាង្គច្រើន ហើយអាចធ្វើឲ្យពិការ និងគ្រោះថ្នាក់ដល់ជីវិត

ស្ត្រីពពោះ ហើយមានជំងឺទឹកនោមផ្អែមប្រភេទ២ ប្រឈមខ្ពស់កូនកើតស្លាប់

របៀបរស់នៅទាំងនេះ ការពារម៉ាក់ៗកើតទឹកនោមផ្អែមពេលពពោះ

ស្រីៗពពោះគួរចៀសវាងអាហារទាំងនេះ បើមិនចង់កើតទឹកនោមផ្អែមពេលពពោះ

Gestational diabetes (ទឹកនោមផ្អែមពេលពពោះ)


រូបថត​របស់​អ្នក​និពន្ធ
ត្រួតពិនិត្យ​ដោយ វេជ្ជ. ចាន់ ស៊ីណេត
អត្ថបទ​ដោយ ទូច សុខា
កែ កាល​ពី​សប្ដាហ៍​មុន
x