ជំងឺរលាកថ្លើមប្រភេទB គឺការឆ្លងមេរោគថ្លើមដែលអាចគំរាមកំហែងទៅដល់អាយុជីវិតអ្នកជំងឺ ហើយវាបង្កដោយវីរុស HBV។ ជំងឺរលាកថ្លើមប្រភេទនេះ គឺជាបញ្ហាសុខភាពធំមួយទូទាំងពិភព។ វាអាចបណ្ដាលឲ្យមានការបង្ករោគរ៉ាំរ៉ៃ ប្រឈមមុខខ្ពស់នឹងហានិភ័យដែលនាំឲ្យស្លាប់ដូចជា ជំងឺក្រិនថ្លើម និងជំងឺមហារីកថ្លើម នេះបើតាមការឲ្យដឹងរបស់អង្គការសុខភាពពិភពលោក (WHO)។

១. ជំងឺរលាកថ្លើមប្រភេទ B ឆ្លងដោយរបៀបណា?

– ឆ្លងពីម្ដាយទៅកូនអំឡុងពេលពពោះ

– ការប៉ះពាល់ផ្ទាល់នឹងឈាមអ្នកជំងឺ (ជាពិសេស ចម្លងពីក្មេងរលាកថ្លើម B ទៅក្មេងដទៃអំឡុងពេល៥ឆ្នាំដំបូងនៃជីវិត)

– ឆ្លងតាមការប្រើប្រាស់ម្ជុលចាក់ថ្នាំ ចាក់សាក់ ឬចោះក្រវិល ដែលមានប្រឡាក់ឈាមអ្នកជំងឺរលាកថ្លើម

– ឆ្លងតាមទឹកមាត់ រដូវ ។ល។ (រាល់សារធាតុរាវដែលចេញពីក្នុងខ្លួនអ្នកជំងឺ)

– រួមភេទក៏អាចចម្លងជំងឺរលាកថ្លើមប្រភេទ B ពីម្នាក់ទៅម្នាក់ដែរ

– អាចឆ្លងបានតាមរយៈការប្រើប្រាស់ឧបករណ៍រួមជាមួយអ្នកជំងឺ។

គណនា BMI

គណនា BMR

កម្មវិធីពិនិត្យជំងឺបម្រុងទឹកនោមផ្អែមអនឡាញ

២. រលាកថ្លើមប្រភេទ B ចេញរោគសញ្ញាបែបម៉េច?

ប្រសិនបើអ្នកជំងឺទើបតែឆ្លងមេរោគ HBV ភាគច្រើនមិនមានចេញរោគសញ្ញាអីឲ្យដឹងទេ ប៉ុន្តែសម្រាប់អ្នកជំងឺរលាកថ្លើមប្រភេទ B ធ្ងន់ធ្ងរ អាចចេញរោគសញ្ញាដូចជា៖

– ស្បែក និងភ្នែកលឿង (ជំងឺខាន់លឿង)

– ទឹកនោមមានពណ៌ខ្មៅ

– អស់កម្លាំង ឬខ្សោយខ្លាំង

– ចង្អោរ

– ក្អួត ឬឈឺចុកចាប់ក្នុងពោះ។ល។

អង់ទីករការពាររលាកថ្លើម B

៣. អ្នកណាខ្លះប្រឈមនឹងការបង្ករោគរលាកថ្លើមប្រភេទ B រ៉ាំរ៉ៃ?

ចំពោះកុមារ និងទារក

– ៨០-៩០% នៃការបង្ករោគលើទារក នៅអំឡុងពេលមួយឆ្នាំដំបូងនៃជីវិត អាចវិវត្តទៅជាការបង្ករោគរ៉ាំរ៉ៃ

– ៣០-៥០% នៃការបង្ករោគចំពោះកុមារមុនអាយុ ៦ឆ្នាំ អាចវិវត្តទៅជាការបង្ករោគរ៉ាំរ៉ៃ។

ចំពោះមនុស្សពេញវ័យ

– តិចជាង ៥% នៃអ្នកមានសុខភាពល្អដែលរងការបង្ករោគនៅពេលពេញវ័យ អាចនឹងវិវត្តទៅជាការបង្ករោគរ៉ាំរ៉ៃ

– ២០-៥០% នៃមនុស្សពេញវ័យដែលរងការបង្ករោគរ៉ាំរ៉ៃអាចនឹងវិវត្តទៅជាក្រិនថ្លើម និងមហារីកថ្លើម។

៤. ការពារមិនឲ្យកើតជំងឺរលាកថ្លើមប្រភេទ B ដោយរបៀបណា?

ការចាក់វ៉ាក់សាំងការពារជំងឺរលាកថ្លើមប្រភេទB គឺជាកត្តាចម្បងក្នុងកាទប់ស្កាតមិនឲ្យជំងឺរលាកថ្លើម B កើតឡើងចំពោះយើង។ WHO បានណែនាំថា គ្រប់ទារកទាំងអស់ទទួលបានវ៉ាក់សាំងការពារជំងឺរលាកថ្លើមប្រភេទ B ឲ្យបានឆាប់បំផុត យកល្អ គឺអំឡុងពេល ២៤ ម៉ោង ក្រោយកើត។ ការចាក់វ៉ាក់សាំងការពារជំងឺនេះ អាចការពារបានយ៉ាងតិច២០ឆ្នាំ ឬអាចការពារយើងបានមួយជីវិត ហើយចំពោះមនុស្សដែលមានអាយុ១៨ឆ្នាំ ឬលើសនេះតែនៅមិនទាន់បានចាក់ការពារ គួរពិចារណាទៅចាក់ការពារឲ្យហើយ ដើម្បីកាត់បន្ថយហានិភ័យក្នុងការកើតជំងឺរលាកថ្លើមប្រភេទ B នេះ។

អត្ថបទគួរអាន៖

ជំងឺរលាកថ្លើមប្រភេទ B ឆ្លងដោយរបៀបណា? បង្ការម៉េច?

១. ជំងឺ​រលាក​ថ្លើម​ប្រភេទ B ​ឆ្លង​ដោយ​របៀប​ណា?

២. រលាក​ថ្លើម​ប្រភេទ​ B ​ចេញ​រោគ​សញ្ញា​បែប​ម៉េច?

៣. អ្នកណា​ខ្លះ​ប្រឈម​នឹង​ការ​បង្ក​រោគ​រលាក​ថ្លើម​ប្រភេទ​ B រ៉ាំរ៉ៃ?

៤. ការពារ​មិន​ឲ្យ​កើត​ជំងឺ​រលាក​ថ្លើម​ប្រភេទ B ដោយ​របៀប​ណា?

១. ជំងឺរលាកថ្លើមប្រភេទ B ឆ្លងដោយរបៀបណា?

២. រលាកថ្លើមប្រភេទ B ចេញរោគសញ្ញាបែបម៉េច?

៣. អ្នកណាខ្លះប្រឈមនឹងការបង្ករោគរលាកថ្លើមប្រភេទ B រ៉ាំរ៉ៃ?

៤. ការពារមិនឲ្យកើតជំងឺរលាកថ្លើមប្រភេទ B ដោយរបៀបណា?