Vitamin B12 Deficiency Anemia (ជំងឺ​ស្លេក​ស្លាំង​ ដោយសារ​ខ្វះ​វីតាមីន​ B12)

ត្រួតពិនិត្យដោយ | ដោយ

កែសម្រួលចុងក្រោយនៅថ្ងៃទី 02/07/2019 . អាន 4 នាទី
Share now

និយមន័យ

១- ​អ្វី​ទៅ​ជា​ជំងឺ​ស្លេក​ស្លាំង​ដោយ​ការ​ខ្វះ​វីតាមីន B12?​

ជំងឺ​នេះ គឺ​សំដៅ​នៅពេល​រាង​កាយ​យើង​ខ្វះ​វីតាមីន​ B12 ទើប​បណ្តាល​ឲ្យ​ស្លេក​ស្លាំង ដោយសារ​វីតាមីន B12 មាន​នាទី​ផលិត​គ្រាប់​ឈាម​ក្រហម ហេតុ​នេះ​បើ​យើង​​ខ្វះ​វីតាមីន B12 មាន​ន័យ​ថា​ រាងកាយ​មាន​អុកស៊ីហ្សែន និង​សារធាតុ​ចិញ្ចឹម​មិន​គ្រប់គ្រាន់​ទេ ធ្វើ​ឲ្យយើងឆាប់​នឿយ​ហត់​ អស់​កម្លាំង។ លើស​ពី​នេះទៀត​ ក៏​បណ្តាល​ឲ្យ​ខូច​សរសៃ​ប្រសាទ​ ​អាច​​ប៉ះពាល់​ដល់​ការ​ចងចាំ និង​ការ​គិតផង​ដែរ។

២- ​ជំងឺ​នេះ​កើត​ឡើង​ញឹកញាប់​ប៉ុនណា?    

ភាគ​ច្រើន​ជំងឺ​នេះ ​ច្រើន​កើត​មាន​ក្នុង​ប្រទេស​អភិវឌ្ឍន៍​ ពិសេស​ចំពោះ​មនុស្ស​ចាស់។ យ៉ាង​ណា​មិញ យើង​នៅ​តែ​​អាច​គ្រប់គ្រង​ជំងឺនេះ​បាន​ ដោយ​កាត់​បន្ថយ​នូវ​កត្តា​ប្រឈម។ បើ​មាន​ចម្ងល់​ សូម​ពិភាក្សា​ជាមួយ​គ្រូពេទ្យ។

រោគសញ្ញា

៣- រោគ​សញ្ញា​ជំងឺឲមាន​អ្វីខ្លះ?

​បើ​យើង​​បាត់​បង់​វីតាមីន​ B12 ​ក្នុង​កម្រិត​តិច​តួច នោះ​នឹង​គ្មានលេច​​រោគ​សញ្ញា​អ្វី​ធ្ងន់​ធ្ងរទេ ខណៈ​រោគ​សញ្ញា​ជំងឺ​មាន​លក្ខណៈ​ស្រដៀង​គ្នា​នឹង​ភាព​ចាស់​ជរា​ដែរ។

ក្នុង​ករណី​ស្ថាន​ភាព​ជំងឺ​ធ្ងន់​ធ្ងរ​ជាង​មុន រោគ​សញ្ញា​អាច​នឹង​មាន​ដូច​ជា៖

– មាន​អារម្មណ៍​ខ្សោយ ហត់​ និង​ធេងធោង
– ​ស្បែក​ស្លេក
– ឈឺ​អណ្តាត ហើយ​ក្រហម ឬ​មាន​ហូរ​ឈាម​តាម​អញ្ចាញ
– ឈឺ​ក្រពះ​ និង​ស្រក​គីឡូ
– រាក ឬ​ទល់​លាមក

​បើ​កម្រិត​​វីតាមីន B12 ចុះ​ទាប​ក្នុង​រយៈពេល​យូរ ​អាច​ធ្វើ​ឲ្យ​សរសៃ​ប្រសាទ​ខូចខាត ក្នុង​​ករណី​នេះ​ អាច​មាន​រោគ​សញ្ញា​មួយ​ចំនួន​ដូចជា៖

– ស្ពឹកចុង​ដៃ​ ចុង​ជើង
– បាត់​បង់​លំនឹង
– ​បាក់​ទឹក​ចិត្ត
– បាត់​បង់​ការ​ចងចាំ បាត់​បង់​សមត្ថ​ភាព​ខួរ​ក្បាល

៤- ពេល​ណា​គួរ​ទៅ​ជួប​ពេទ្យ?

វា​អាច​មាន​រោគ​សញ្ញា​​ដទៃ​ទៀត​ ​មិន​បាន​រៀប​រាប់​ខាង​លើ​ ដូចនេះគួរ​សួរ​គ្រូ​ពេទ្យ​ចំពោះ​រោគ​សញ្ញា​ផ្សេងៗ ​បើ​មាន​ការ​ក្តីបារម្ភ​។ រាងកាយ​មនុស្ស​ម្នាក់ៗ​មាន​លក្ខណៈ​ខុសៗ​គ្នា អ្វី​ល្អ​បំផុត​ត្រូវ​ជួបគ្រូ​ពេទ្យ​ដើម្បី​ប្រឹក្សា និង​ពិនិត្យ​ឲ្យ​បាន​ទាន់​ពេល។

មូលហេតុបង្ក

៥- ​មូលហេតុ​បង្ក​ឲ្យ​កើត​ជំងឺ​ស្លេក​ស្លាំង​ដោយ​សារ​ខ្វះ​វីតាមីន B12 មាន​អ្វី​ខ្លះ?​

តាម​ការ​ស្រាវជ្រាវ​បាន​បង្ហាញ​ថា​ មនុស្ស​ភាគ​ច្រើនបាន​ទទួល​វីតាមីន ​B12 គ្រប់​គ្រាន់​តាម​រយៈរបប​អាហារប្រចាំ​ថ្ងៃដូចជា​ សាច់ ស៊ុត ទឹកដោះគោ និង​ឈីស។ អ្នក​ខ្វះ​វីតាមីន​ B12 ច្រើន​តែ​បណ្តាល​មក​ពី​ប្រព័ន្ធ​រំលាយ​អាហារ​ មិន​អាច​ស្រូបបាន​ល្អ។ ជំងឺ​នេះ​អាច​កើត​​ឡើង បើ​យើង៖

– ​មាន​ជំងឺ Pernicious Anemia៖ ជំងឺ​ស្លេក​ស្លាំង​ប្រភេទ​នេះ អាច​បំផ្លាញ​កោសិកា​នៅ​ក្នុង​ក្រពះ​ ​ដែល​មាន​នាទី​ជួយ​ស្រូប​យក​វីតាមីន ​B12 ចូល​រាង​កាយ។
– ធ្លាប់​វះ​កាត់៖ ​ធ្លាប់​ធ្វើ​ការ​វះកាត់​យក​ផ្នែក​ណា​មួយ​នៃ​ក្រពះ ឬ​ផ្នែក​ខាង​ក្រោម​ពោះវៀន​តូច​ចេញ រួម​បញ្ចូល​ទាំងការ​វះកាត់​សម្រាប់អ្នក​​លើស​គីឡូ។

– មាន​បញ្ហា​ប្រព័ន្ធ​រំលាយ​អាហារ៖ មាន​បញ្ហា​ជាមួយ​ការ​រំលាយ​អាហារ ​ជំងឺ Sprue ឬ​ហៅ​ថា Celiac Disease ជំងឹ Crohn’s disease បាក់តេរី​ ឬ​ប៉ារាស៊ីតនៅ​ក្នុង​ពោះ​វៀន​តូច។

កត្តា​ប្រឈម

៦- អ្វី​ខ្លះកត្តា​ប្រឈម​ងាយ​ជំងឺ​នេះ?​

ជាទូទៅ កត្តា​ប្រឈម​​ធ្វើ​ឲ្យ​​ខ្វះ​វីតាមីន​ B12 កាន់​តែ​ខ្ពស់​មាន​ដូច​ជា៖

– អាហារ​​វីតាមីន​ពី​ធម្មជាតិតិច​តួច ឬ​គ្មាន​ទាល់​តែ​សោះ ​ដូចជា សាច់ អាហារ​ទឹក​ដោះគោ ផ្លែឈើ និង​បន្លែ
– ​មាន​បញ្ហា​ពោះវៀន ឬ​បញ្ហា​ផ្សេងៗ​ទៀត​ ប៉ះពាល់​ដល់​ការ​ស្រូប​វីតាមីន
– ​ផឹក​ស្រា​ច្រើន
– ​ប្រើ​ប្រាស់​ថ្នាំ​មួយ​ចំនួន ​រារាំង​ដល់​ការ​ស្រូប​វីតាមីន។

ជំងឺស្លេក​ស្លាំង Hello គ្រូពេទ្យ

អត្ថបទ​ពាក់ព័ន្ធ៖

រោគវិនិច្ឆ័យ និងការព្យាបាល

ព័ត៌មាននេះមិនអាចយកទៅប្រើប្រាស់គ្រប់ប្រភេទជំងឺទេ។ គួរពិភាក្សាជាមួយគ្រូពេទ្យជំនាញសម្រាប់ព័ត៌មានបន្ថែម។

៧- គួរធ្វើរោគវិនិច្ឆ័យដោយវិធីណា?

គ្រូពេទ្យ​នឹងសួរនាំទាក់​ទងបញ្ហា​​សុខ​ភាព​ពី​មុន ក៏​ដូច​ជា​អាការៈ​បច្ចុប្បន្ន​ ហើយ​បើ​ពេទ្យសង្ស័យ​យើងមាន​ជំងឺ​នេះ  ពេទ្យ​​អាចនឹង​ស្នើ​​ធ្វើ​តេស្តឈាម​ខ្លះ​ ដើម្បី​ពិនិត្យ​មើល​ចំនួន​គ្រាប់​ឈាម​ក្រហម និង​រក​មើល​ថា យើង​​មាន​វីតាមីន​ B12 គ្រប់​គ្រាន់ដែរ​ទេ។ ពេទ្យ​ក៏​ពិនិត្យ​រក​មើល​កម្រិត​​អាស៊ីដ​ហ្វូលិក ដែល​ជា​ពពួក​វីតាមីន​ B ព្រោះអ្នកមាន​​ជំងឺនេះ​មួយ​ចំនួន​ ពេល​ខ្វះវីតាមីន​ B12 ក៏​មាន​ការ​ថយ​ចុះ​កម្រិត​អាស៊ីដ​ហ្វូលិក​ដូច​គ្នា។ បញ្ហា​ទាំង​ពី​រ​នេះ​ មាន​រោគសញ្ញា​ស្រដៀង​គ្នា​ ប៉ុន្តែ​វិធី​ព្យាបាល គឺ​ខុស​គ្នា។

៨- ព្យាបាល​ដោយ​វិធី​ណា?

ជំងឺ​ស្លេក​ស្លាំង​ដោយសារ​ខ្វះ​វីតាមីន ​B12 អាច​ព្យាបាលបាន​ ​ដោយ​ត្រូវ​លេប​ថ្នាំ​បំប៉ន​វីតាមីន​ B12។ ការ​លេប​ថ្នាំ​នេះ ជា​វិធី​​ព្យាបាល​ចម្បង ​អាច​ធ្វើ​ឲ្យ​កម្រិត​វីតាមីន ​B12 មក​ធម្មតា​វិញ និង​បន្ថយ​រោគសញ្ញា​ផ្សេងៗ។ ​យ៉ាង​ណា អ្នកជំងឺ ត្រូវ​លេប​ថ្នាំ​បែប​នេះ​អស់​មួយ​ជីវិត ដើម្បី​រក្សា​កម្រិត​វីតាមីន​ B12 ឲ្យ​នៅ​​ធម្មតា ព្រោះ​បើ​​ឈប់​លេប​ពេល​ណា​ ជំងឺ​ស្លេក​ស្លាំង​នឹង​វិល​ត្រលប់​មក​វិញ។

ផ្លាស់​ប្តូរទម្លាប់រស់នៅ

៩- ទម្លាប់​រស់​នៅ

នៅ​ផ្ទះ​អាច​ញ៉ាំ​អាហារ​ឲ្យ​បាន​គ្រប់​មុខ ​ជាពិសេស​ សាច់ ទឹកដោះគោ ឈីស និង​ស៊ុត ដែល​សម្បូរវីតាមីន ​B12។ យើង​ក៏​គួរ​តែ​ញ៉ាំ​អាហារ​សម្បូរ​អាស៊ីដ​ហ្វូលិកផង​ដែរ រួម​មាន បន្លែ​ស្លឹក​ពណ៌​បៃតង ផ្លែ​ឈើ​រសជាតិ​ជូរ នំប័ុង​ និង​គ្រាប់​ធញ្ញជាតិ។

ក្នុង​ករណី​មាន​សំណួរ ឬ​មន្ទិល​សង្ស័យ​ជុំវិញ​សុខភាព​អ្នក ជម្រើស​ល្អ​បំផុត សូម​ពិគ្រោះ និង​ប្រឹក្សា​យោបល់​ផ្ទាល់​ជាមួយ​ពេទ្យ​ជំនាញ។ Hello Health Group មិន​ចេញវេជ្ជបញ្ជា មិន​ធ្វើ​រោគ​វិនិច្ឆ័យ ឬ​ព្យាបាល​ជូន​ទេ៕

ក្នុង​ករណី​មាន​សំណួរ ឬ​មន្ទិលសង្ស័យ​ជុំវិញ​សុខភាព​អ្នក ជម្រើស​ល្អ​បំផុត សូម​ពិគ្រោះ និង​ប្រឹក្សា​យោបល់​ផ្ទាល់​ជាមួយ​ពេទ្យ​ជំនាញ។ Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

អត្ថបទនេះមានប្រយោជន៍ចំពោះអ្នកដែរទេ?
happy unhappy"
ប្រភព

អ្នកអាចចូលចិត្ត

មុនមានកូន ពេលពពោះ ក្រោយសម្រាល ពេលបំបៅដោះកូន ស្រ្តីត្រូវការជីវជាតិអ្វីខ្លះ?

អាហារបំប៉ន - ស្ត្រី​ចំនួន​និយាយ​ថា ការ​ថែទាំ​ខ្លួន និង​ញ៉ាំ​ពពួក​វីតាមីន គឺ​ស្ថិត​ក្នុង​អំឡុង​ពេល​មាន​ផ្ទៃពោះ​ប៉ុណ្ណោះ។ តែ​នោះ​ជា​ការ​គិត​ខុស​ទៅ​វិញ​ទេ...

ត្រួតពិនិត្យដោយ ចាន់ ស៊ីណេត
ដោយ ទ្រី រ៉ាវី
មានផ្ទៃពោះ, ពពោះ 01/07/2020 . អាន 2 នាទី

តាមក្បួនពេទ្យ ទឹកត្រសក់មានប្រយោជន៍ដល់សុខភាពខ្លាំង​ (វីដេអូ)

ត្រសក់ ស្ដាប់​ហើយ គ្នា​យើង​គ្រប់​គ្នា​សឹង​តែ​ធ្វើ​ព្រងើយ ព្រោះ​គ្រាន់​តែ​ជា​បន្លែ​មួយ​ប្រភេទ​ប៉ុណ្ណោះ។ ...

ត្រួតពិនិត្យដោយ Chan Vutha
ដោយ Thearith Kuy

រោគសញ្ញា និងមូលហេតុនាំឲ្យក្មេងស្លេកស្លាំង ទៅជាខ្វះគ្រាប់ឈាមក្រហម

ជំងឺស្លេកស្លាំង - បើ​តាម​ការ​ឲ្យ​ដឹង​ពី​លោក​វេជ្ជបណ្ឌិត ចាន់ ស៊ីណេត ក្មេង​ដែល​ងាយ​នឹង​ប្រឈម​នឹង​មាន​ជំងឺ​ស្លេកស្លាំង ដោយ​ខ្វះ​ជាតិ​ដែក​រួមមាន...

ត្រួតពិនិត្យដោយ ចាន់ ស៊ីណេត
ដោយ ដេត ធន្នី
ថែទាំកូន, ចិញ្ចឹមកូន 21/05/2020 . អាន 3 នាទី

វិធីធ្វើបបរខាប់គ្រប់គ្រឿងសម្រាប់ទារកអាយុ ៦ ខែ (វីដេអូ)

បបរខាប់គ្រប់គ្រឿង-ចាប់​ពី​អាយុ ៦ ខែ​ឡើងទៅ ទារក​ត្រូវ​ការ​អាហារ​បំប៉ន​បន្ថែម​ពី​លើ​ទឹក​ដោះ​ម្តាយ ឬ​ទឹក​ដោះ​គោ ដើម្បីលូត​លាស់​បាន​ល្អ​ទាំង...

ត្រួតពិនិត្យដោយ ជីព ចិត្ត
ដោយ Chan Vutha
វីដេអូ, របបអាហារ 01/05/2020 . អាន 1 នាទី

អត្ថបទគួរអាន

បន្តក់ទឹក

ទារកអាយុក្រោម ៦ ខែ គួរបន្តក់ទឹកឲ្យញ៉ាំអត់?

ត្រួតពិនិត្យដោយ ចាន់ ស៊ីណេត
ដោយ ដេត ធន្នី
ចេញផ្សាយថ្ងៃទី 25/09/2020 . អាន 2 នាទី
បបរខាប់គ្រប់គ្រឿង

ម៉ាក់ៗត្រូវចាំថា របបអាហារកូន ត្រូវតែមាន ៣ក្រុមនេះ ទើបល្អ

ត្រួតពិនិត្យដោយ ចាន់ ស៊ីណេត
ដោយ ដេត ធន្នី
ចេញផ្សាយថ្ងៃទី 15/09/2020 . អាន 2 នាទី
ជាតិដែក

អាយុបាន ៦ ខែ កូនបៅដោះមួយមុខមិនគ្រប់ទេ គួរថែមអាហារជាតិដែកទាំងនេះទើបមិនស្លេកស្លាំង

ត្រួតពិនិត្យដោយ ចាន់ ស៊ីណេត
ដោយ នាង សុខុមដាលីញ៉ា
ចេញផ្សាយថ្ងៃទី 01/09/2020 . អាន 2 នាទី
អាហារបំប៉នក្មេងជំទង់

ក្មេងប្រុស-ស្រី ត្រូវការលូតលាស់ដូចគ្នា តែតម្រូវការអាហារមួយថ្ងៃៗមិនដូចគ្នាទេ

ត្រួតពិនិត្យដោយ ចាន់ ស៊ីណេត
ដោយ នាង សុខុមដាលីញ៉ា
ចេញផ្សាយថ្ងៃទី 13/08/2020 . អាន 2 នាទី