មុនពេលត្រៀមយកកូន និងពេលកំពុងពពោះ ស្រីៗតែងតែបំប៉នអាហារល្អៗ ដើម្បីជាជំនួយដល់កូនក្នុងផ្ទៃឲ្យលូតលាស់លឿន។ ក្នុងនោះវេជ្ជបណ្ឌិតផ្នែកសម្ភពណែនាំឲ្យស្ត្រីពពោះបំប៉នអាហារមួយចំនួនខាងក្រោមនេះ ដែលជាប្រភពនៃកាល់ស្យូម ជួយឲ្យឆ្អឹង និងធ្មេញកូនក្នុងផ្ទៃរឹងមាំល្អ។
អាហារដែលសម្បូរកាល់ស្យូម រួមមាន ទឹកដោះគោ (ស្ត្រីអាចញ៉ាំជាប្រចាំតាំងពេលត្រៀមយកកូន អំឡុងពពោះ និងក្រោយសម្រាល) យ៉ាអួ តៅហ៊ូ ស៊ុត ត្រីសាលម៉ុន សណ្តែក ប្រូខូលី បន្លៃបៃតង ល្ង គ្រាប់អាល់ម៉ុន ចំពោះផ្លែឈើ ត្រូវញ៉ាំពពួកដែលសម្បូរវីតាមីន C មានរសជាតិជូរ ពិសេសគឺផ្លែក្រូច។
