ពេលពពោះចេះតែឈឺខ្នង អាចសាកតិចនិកទាំងនេះអាចជួយបាន

គ្នាយើងធ្លាប់ឃើញច្រើនហើយ អត្ថបទដែលពាក់ព័ន្ធរឿងឈឺខ្នង ឈឺចង្កេះ ហើយអត្ថបមួយនេះវិញ គឺសម្រាប់ស្រីៗគ្នាយើងកំពុងពពោះ។ ស្រីៗគ្នាយើងកំពុងតែពពោះ មានអារម្មណ៍ ឬឧស្សាហ៍ឈឺខ្នង ឈឺចង្កេះអត់? បើមានក៏មិនចាំបាច់បារម្ភច្រើនដែរ បញ្ហានេះភាគច្រើនដោយសារយើងកំពុងតែឡើងទម្ងន់ ពោះកាន់តែធំ ទំនាញខាងមុខក៏កាន់តែធ្ងន់ដូចគ្នា ហើយបើចង់បាត់ឈឺ អាចសាកតិចនិកខាងក្រោមនេះសិន។

១- សម្រួលឥរិយាបថឲ្យបានល្អ

ស្របពេលរាងកាយយើងកំពុងរីកធំធាត់ ពោះរបស់យើងក៏ធំទៅបន្តិចម្តងៗ នាំឲ្យទម្ងន់ខាងមុខធ្ងន់ជាងខាងក្រោយ ជាកត្តានាំឲ្យយើងចាប់ផ្តើមមានអារម្មណ៍ឈឺខ្នង និងរួយចង្កេះជាដើម។ ប៉ុន្តែយើងនៅអាចដោះស្រាយបញ្ហានេះតាមរយៈឥរិយាបថត្រឹមត្រូវមួយចំនួនដូចខាងក្រោម៖

– ក្រោកឈរឡើងឲ្យត្រង់

– ពើងទ្រូងឡើងឲ្យខ្ពស់

– ទម្លាក់ស្មាទៅក្រោយ ហើយសម្រាកបន្ធូរអារម្មណ៍

– កុំសម្លឹងចុះមើលជើងយើងឲ្យសោះ

នៅពេលយើងឈរក្នុងស្ថានភាពមួយមានអារម្មណ៍ផាកសុភាព នោះនឹងជួយឲ្យការឈឺចាប់ខ្នងរសាត់ទៅបានដែរ។ ចំពោះការអង្គុយវិញ យើងអាចជ្រើសរើសកៅអីណាដែលអាចទប់ខ្នងយើងបានស្រួល ឬអាចប្រើខ្នើយដើម្បីទប់ខ្នងផ្នែកខាងក្រោម។

២- ប្រើស្បែកជើងឲ្យបានត្រឹមត្រូវ

ត្រូវពាក់ស្បែកជើងកែងទាប មិនចោត ពោលគឺប្រើស្បែកជើងណាដែលយើងពាក់ទៅស្រួលខ្លួន និងហាមពាក់ស្បែកជើងកែងចោត ដែលជាហេតុធ្វើឲ្យខ្លួនយើងមិនមានលំនឹងល្អ និងអាចបណ្តាលឲ្យដួលបាន។

គ្នាយើង ក៏អាចពិចារណាប្រើខ្សែក្រវ៉ាត់សម្រាប់ស្រីៗកំពុងពពោះ អាចទ្រទម្ងន់ពោះខាងមុខយើងបានល្អ ខណៈស្រីៗមួយចំនួនទទួលផលប្រយោជន៍ច្រើនពីខ្សែក្រវ៉ាត់ប្រភេទនេះ។

អត្ថបទពាក់ព័ន្ធ៖

៣- ក្រោយឡើងឲ្យបានត្រឹមត្រូវ

ពេលអង្គុយចុះដើម្បីរើសរបស់តូចៗអ្វីមួយ ដោយត្រូវអង្គុយចុះនោះ គឺត្រូវប្រើកម្លាំងជើងក្រោកឡើងវិញឲ្យបានត្រឹមត្រូវ និងមិនត្រូវប្រើចង្កេះ ឬខ្នងដើម្បីយោងទម្ងន់ខ្លូនយើងឡើងមកលើវិញជាដាច់ខាត។ នេះជាចំណុចសំខាន់មួយ ត្រូវធ្វើដោយប្រុងប្រយ័ត្ន ឬអាចសួរការណែនាំបន្ថែមពីគ្រូពេទ្យ។

៤- គេងផ្អៀង

ការគេងផ្អៀង មិនគេងសង្កត់លើខ្នង ជារឿងត្រឹមត្រូវសម្រាប់ស្រីៗកំពុងពពោះ ដោយរក្សាជង្គង់ម្ខាង ឬទាំងសងខាងឲ្យបានត្រង់។ អាចពិចារណាប្រើខ្នើយសម្រាប់ស្រីៗពពោះដាក់នៅចន្លោះជង្គង់ទាំងពីរ កល់ក្រោមពោះ និងខ្នងដើម្បីរក្សាឥរិយាបថគេងឲ្យបានត្រឹមត្រូវ។

៥- សាកល្បងស្អំរបស់ក្តៅ ឬត្រជាក់ ឬម៉ាស្សា

មានភស្តុតាងជាច្រើន ត្រូវគេជឿថា មានគុណប្រយោជន៍ជាច្រើនអាចបំបាត់អាការៈឈឺខ្នងសម្រាប់ស្រីៗមានផ្ទៃពោះ គឺការម៉ាស្សាថ្មមៗត្រង់ចង្កេះ ឬខ្នង ឬអាចប្រើវវត្ថុត្រជាក់ ឬក្តៅមកស្អំក៏បាន។

៦- ធ្វើសកម្មភាពប្រចាំថ្ងៃឲ្យបានត្រឹមត្រូវ

អត្ថបទពាក់ព័ន្ធ៖

សកម្មភាពធម្មតាប្រចាំថ្ងៃ ក៏ជួយសុខភាពខ្នងយើងរឹងមាំល្អ ក៏ប្រហែលជាអាចបំបាត់ការឈឺចាប់ត្រង់ខ្នងបាន អំឡុងពេលកំពុងពពោះ។ តាមរយៈការណែនាំពីអ្នកជំនាញ ស្រីៗគ្នាយើងកំពុងពពោះ អាចបញ្ចេញសកម្មភាពស្រាលៗ ពិសេសការហាត់ប្រាណ ដូចជាដើរ ជាដើម។ ការព្យាបាលដោយចលនា គួបផ្សំនឹងហាត់ប្រាណ សុទ្ធតែអាចជួយបំបាត់ការឈឺចាប់បាន។

៧- អាចប្រើវិធីព្យាបាលផ្សេងទៀត

អ្នកស្រាវជ្រាវបានណែនាំថា ការចាក់ម្ជុលវិទ្យាសាស្ត្រ ក៏មានប្រសិទ្ធភាពព្យាបាលអាការឈឺចាប់ឆ្អឹងខ្នងពេលពពោះបានដូចគ្នា។ មួយវិញទៀតការព្យាបាលដោយម៉ាស្សាត្រង់កន្លែងឈឺ ( Chiropractic treatment) ប្រហែលជួយយើងមានអារម្មណ៍សុខស្រួល។

ទោះជាយ៉ាងណា ការលើកឡើងទាំងនេះ សុទ្ធតែទាមទារការស្រាវជ្រាវបន្ថែមទៀត ហើយបើគ្នាយើងគិតចង់ស្វែងរកការព្យាបាលដោយវិធីណាមួយ គួរពិភាក្សាជាមួយគ្រូពេទ្យជាមុន។

អត្ថបទពាក់ព័ន្ធ៖

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

ត្រួតពិនិត្យដោយ Editor HK

អត្ថបទដោយ សន សុភា · កែ 08/05/2020

ពេល​ពពោះចេះតែឈឺខ្នង​ អាច​សាក​តិចនិក​ទាំង​នេះអាចជួយ​បាន

១- សម្រួល​ឥរិយាបថ​ឲ្យ​បាន​ល្អ

២- ប្រើ​ស្បែក​ជើង​ឲ្យ​បាន​ត្រឹម​ត្រូវ

៣- ក្រោយឡើង​ឲ្យ​បាន​ត្រឹម​ត្រូវ

៤- គេងផ្អៀង

៥- សាក​ល្បង​ស្អំ​របស់​ក្តៅ ឬ​ត្រជាក់ ឬម៉ាស្សា

៦- ធ្វើ​សកម្មភាព​ប្រចាំ​ថ្ងៃ​ឲ្យ​បាន​ត្រឹម​ត្រូវ

៧- អាច​ប្រើ​វិធី​ព្យាបាល​ផ្សេង​ទៀត

ពេលពពោះចេះតែឈឺខ្នង អាចសាកតិចនិកទាំងនេះអាចជួយបាន

១- សម្រួលឥរិយាបថឲ្យបានល្អ

២- ប្រើស្បែកជើងឲ្យបានត្រឹមត្រូវ

៣- ក្រោយឡើងឲ្យបានត្រឹមត្រូវ

៥- សាកល្បងស្អំរបស់ក្តៅ ឬត្រជាក់ ឬម៉ាស្សា

៦- ធ្វើសកម្មភាពប្រចាំថ្ងៃឲ្យបានត្រឹមត្រូវ

៧- អាចប្រើវិធីព្យាបាលផ្សេងទៀត