ក្នុងពេលដែលចាប់ផ្ដើមពពោះដំបូងៗ ស្ត្រីច្បាស់ជាជួបនឹងអាការៈចាញ់កូន ដែលវាជារឿងធម្មតារបស់គ្នាយើងដែលមានផ្ទៃពោះ។ តែបើកំពុងចាញ់កូនសុខៗ ស្រាប់តែអាការៈនេះបាត់ទៅវិញ គួរឲ្យបារម្ភអត់ ហើយវាអាចជាសញ្ញាគំរាមរលូតកូនដែរទេ?
ចាញ់កូនសុខៗស្រាប់តែបាត់ អាចជាសញ្ញានៃការរលូតកូនអត់?
ត្រួតពិនិត្យដោយ វេជ្ជ. ចាន់ ស៊ីណេត · ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ទាក់ទងនឹងបញ្ហានេះ លោកវេជ្ជបណ្ឌិត ឃួន សុវណ្ណារិទ្ធ ជំនាញផ្នែកសម្ភព និងរោគស្ត្រីបានឲ្យដឹងថា អាការៈចាញ់កូនតិច ឬច្រើន គឺអាស្រ័យទៅលើស្ត្រីម្នាក់ៗ ដោយសារមានប្រព័ន្ធភាពស៊ាំរាងកាយខុសៗគ្នា។ យើងមិនអាចវាយតម្លៃថា ពេលពពោះក្នុងខែដំបូងៗចាញ់កូន តែនៅខែបន្ទាប់ៗលែងមានអាការៈចាញ់កូនវិញ ជាសញ្ញាគំរាមរលូតកូននោះ។
លោកវេជ្ជបណ្ឌិតថា នៅពេលពពោះខែដំបូងៗ គ្រាន់តែបាត់ចាញ់កូន អាចប្រាប់ឲ្យដឹងពីសញ្ញាគំរាមរលូតទេ ព្រោះគភ៌នៅតូច មិនអាចបញ្ជាក់ច្បាស់លាស់នៅឡើយ។ ប៉ុន្តែ ប្រសិនបើម្ដាយមានបង្ហាញបញ្ហារួមផ្សំដូចជា ឈឺពោះ ចុកពោះ ធ្លាក់ឈាម ហើយទៅពិនិត្យអេកូមិនឃើញមានចង្វាក់បេះដូងកូន នោះអាចមានន័យថាកូនខូច ឬរលូតហើយ។
លោកវេជ្ជបណ្ឌិតរូបនេះបន្តថា ក្នុងករណីដែលស្ត្រីពពោះមានបញ្ហាកូនពងវិញ នោះស្ត្រីនឹងមានអាការៈចាញ់កូនខ្លាំងអំឡុងពេលពពោះខែដំបូងៗ ហើយនៅពេលស្ទាបពោះទៅមានលក្ខណៈទន់ៗ និងពិនិត្យអេកូឃើញថា មានថង់ទឹកទទេ (កូនពងតែមួយ) ឬឃើញមានទម្រង់ដូចផ្លែទំពាំងបាយជូរ (កូនពងជាកញ្ចុំ) នៅក្នុងស្បូន។
ដូចគ្នានេះដែរ វេជ្ជបណ្ឌិត ចាន់ រស្មី ឯកទេសផ្នែកសម្ភព និងរោគស្ត្រី បានពន្យល់ឲ្យដឹងថា ម៉ាក់ៗពពោះត្រូវថែទាំសុខភាពឲ្យបានល្អ ដើម្បីចៀសវាងបញ្ហាទាំងនោះ ហើយវិធីដែលមានប្រសិទ្ធភាពបំផុតក្នុងការការពារការរលូតកូន គឺការតាមដានគភ៌ជាប្រចាំ ចាប់តាំងពីពេលដែលដឹងថាមានផ្ទៃពោះ(បាត់រដូវ) គឺត្រូវទៅពេទ្យ ដើម្បីពិគ្រោះពីប្រការមួយចំនួនដែលស្ត្រីពពោះគួរធ្វើ និងមិនគួរធ្វើ រហូតដល់ពេលសម្រាល។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម