ដ្បិតការធ្លាក់ឈាមអំឡុងពេលពពោះពិតជាគ្រោះថ្នាក់មែន តែក្នុងស្ថានភាពខ្លះវាក៏មិនបានប៉ះពាល់ដល់កូនដែរ។ បើតាមលោកវេជ្ជបណ្ឌិត ចាន់ ស៊ីណេត បានបញ្ជាក់ថា បើម៉ាក់ៗមានធ្លាក់ឈាមក្នុងពេលទាំងនេះ មិនមានបញ្ហាចោទនោះទេ។

វេជ្ជបណ្ឌិតដែលជាប្រធានផ្នែកសម្ភព និងរោគស្ត្រី នៃមន្ទីរពេទ្យបង្អែកមិត្តភាពកម្ពុជា-ចិន សែនសុខ រូបនេះ បានបញ្ជាក់ថា ការហូរឈាមរឹមៗតាមទ្វារមាស បើមិនកើតឡើងញឹកញាប់ មិនជាថ្វីទេ ដូចជាក្នុងត្រីមាសដំបូងមានប្រហែល ១៥ – ២៥% ដែរ។ ដូច្នេះការធ្លាក់ឈាមបែបនេះមិនមែនជារឿងគួរឲ្យបារម្ភទេ៖

១- ធ្លាក់ឈាមដោយសារកូនកាច់សម្បុក

មានម៉ាក់ៗខ្លះធ្លាប់ធ្លាក់ឈាម អំឡុងពេលសប្ដាហ៍ទី១ និងទី២ ក្រោយពីមេជីវិតទាំងពីររលាយចូលគ្នារួច ដែលជាពេលវេលាកាច់សម្បុកក្នុងជញ្ជាំងស្បូន។ ពណ៌ឈាមដែលធ្លាក់នេះមិនមែនពណ៌ក្រហមឆ្អិនឆ្អៅ ឬក្រមៅឡើយ ពណ៌វាគ្រាន់តែវាក្រហមស្រាលៗប៉ុណ្ណោះ។

២- ហូរឈាមពីមាត់ស្បូន

ពេលមានផ្ទៃពោះ ការផ្គត់ផ្គង់ឈាមទៅស្បូន និងមាត់ស្បូននឹងមានការកើនឡើង ហើយសរសៃឈាមនៅតំបន់នោះក៏នេះច្រើនថែមទៀត បែបនេះមាត់ស្បូនគឺងាយនឹងហូរឈាមក្នុងពេលមានផ្ទៃពោះ ហើយបើមានដាច់រលាត់ទៀតនោះឈាមក៏ធ្លាក់ច្រើនគួរសមដែរ។ តែមិនបាច់ព្រួយបារម្ភឡើយ វាគ្មានបញ្ហាដល់កូនទេ។

៣- សុកពាំងមាត់ស្បូន

ជំងឺសុកពាំងមាត់ស្បូនងាយបង្កគ្រោះថ្នាក់ចំពោះកូនក្នុងផ្ទៃ ប្រសិនបើស្ថិតក្នុងដំណាក់កាលធ្ងន់ធ្ងរ បើកម្រិតស្រាល វាគ្មានបញ្ហាឡើយ ប៉ុន្តែម៉ាក់ៗមានបញ្ហាទាំងនេះងាយនឹងធ្លាក់ឈាមខ្លាំងណាស់។ ដូចនេះមិនត្រូវលើករបស់ធ្ងន់ ធ្វើដំណើរផ្លូវឆ្ងាយ ឬដើរហើរត្រូវប្រយ័ត្នខ្លាចរអិល ដួល នាំឲ្យគ្រោះថ្នាក់ធំ។

៤- ឆ្លងរោគ

ការបង្ករោគពេលមានផ្ទៃពោះអាចធ្វើឲ្យហូរឈាមតាមទ្វារមាសដែរ។ តែប្រសិនបើម៉ាក់ៗមិនមានការព្យាបាលទេ អាចគ្រោះថ្នាក់ដល់កូនបាន។

ធ្លាក់ឈាមក្នុងស្ថានភាពទាំង ៤ នេះ មិនបង្កគ្រោះថ្នាក់ដល់កូនក្នុងផ្ទៃឡើយ

១- ធ្លាក់ឈាម​ដោយសារ​កូន​កាច់​សម្បុក

២- ហូរ​ឈាម​ពី​មាត់ស្បូន

៣- សុក​ពាំងមាត់ស្បូន

៤- ឆ្លង​រោគ

១- ធ្លាក់ឈាមដោយសារកូនកាច់សម្បុក

២- ហូរឈាមពីមាត់ស្បូន

៣- សុកពាំងមាត់ស្បូន

៤- ឆ្លងរោគ