បើតាមចាស់ៗបុរាណ បន្ទាប់ពីសម្រាលរួច តម្រូវឲ្យម៉ាក់ និងទារកឆ្អើរភ្លើង ជារបៀបសាមញ្ញ ដើម្បីរក្សាកម្ដៅ ព្រោះទារកទើបនឹងកើតមិនអាចទ្រាំនឹងអាកាសធាតុត្រជាក់ខាងក្រៅពោះម្ដាយបាន និងការពារមិនឲ្យម៉ាក់ៗ ឬកូនឈឺ។ កាលពីមុន ការឆ្អើរភ្លើងក៏ជួយកាត់បន្ថយក្លិនឆ្អាបរបស់ឈាមក្រោយសម្រាលបាន ប៉ុន្តែវាអាចប៉ះពាល់ខ្លាំងទៅដល់សុខភាពទាំងម្ដាយ និងកូនវិញ។ នេះបើតាមការឲ្យដឹងពីលោកវេជ្ជបណ្ឌិត សឿច័ន្ទ វិសាល ឯកទេសផ្នែកសម្ភព និងរោគស្ត្រី។
ចង់ចាកចេញពី Hellokrupet?
ប្រាកដហើយថា អ្នកចង់ចាកចេញ?
យើងគួរធ្វើម៉េចខ្លះ ដើម្បីកែលម្អបញ្ហានេះ?
អត្ថបទនេះមានកំហុស ព័ត៌មាន ឬតួលេខមិនត្រឹមត្រូវ
បើមានកំហុសឆ្គងណាមួយ សូមប្រាប់ពួកយើងដើម្បីកែតម្រូវ
អត្ថបទនេះមានព័ត៌មានមិនគ្រប់គ្រាន់
បើមានកំហុសឆ្គងណាមួយ សូមប្រាប់ពួកយើងដើម្បីកែតម្រូវ
ហមមម... ខ្ញុំមានចម្ងល់ពីបញ្ហាសុខភាពខ្លះចង់សាកសួរ
ថ្វីត្បិតតែ Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនក៏ពិតមែន ប៉ុន្តែពួកយើងពិតជាស្វាគមន៍រាល់មតិកែលម្អិតទាំងអស់របស់លោកអ្នកដែលតែងតែតាមដាន Hello គ្រូពេទ្យ ជាប្រចាំ។ សូមវាយបញ្ចូលមតិយោបល់របស់លោកអ្នកក្នុងប្រអប់ខាងក្រោម។
បញ្ហា ៥ យ៉ាង ម៉ាក់ៗឆ្អើរភ្លើងក្រោយសម្រាល ច្បាស់ជាជួបប្រទះ
តើការឆ្អើរភ្លើង មានផលប៉ះពាល់អ្វីខ្លះ?
១. ផ្សែងដែលចេញពីភ្លើងមានជាតិ ឧស្ម័នកាបូនម៉ូណូសុីដ (CO) និង កាបូនឌីអុកសុីត (CO2) អាចធ្វើឲ្យពុលម៉ាក់ និងអាអូន អាចធ្វើឲ្យស្ទះផ្លូវដង្ហើមទារក បណ្ដាលឲ្យស្លាប់បាន និងបង្កជាជំងឺរលាកសួតទាំងម្ដាយ និងកូនបាន។
២. កម្ដៅចេញពីការឆ្អើរ មិនស្មើសាច់ គ្រប់ទីតាំង អាចធ្វើឲ្យរលាកស្បែក ពិសេសស្បែកអាអូននៅខ្ចី ដែលងាយនឹងរលាកដោយកម្ដៅ។
៣. អណ្ដាតភ្លើងអាចឆាបឆេះ គ្រែ មុងភួយ កន្ទេល គ្រោះថ្នាក់ដល់ទាំងម៉ាក់ និងអាអូន។
៤. សីតុណ្ហភាពចេញពីភ្លើងឆ្អើរ ម្ដងខ្លាំង ម្ដងតិច ផ្លាស់ប្ដូរសីតុណ្ហភាពលឿនបែបនេះ អាចធ្វើឲ្យខ្លួនប្រាណម៉ាក់ៗកាន់តែខ្សោយ ហត់អស់ កម្លាំង
៥. កម្អែលផ្សែងដែលមកប៉ះខ្លួនប្រាណម៉ាក់ៗ និងអាអូន បូករួមទាំងការបែកញើសដោយកម្ដៅ និងធ្វើងាយឆ្លងមេរោគលើស្បែក បើព្យាបាលមិនទាន់អាចមេរោគចូលក្នុងឈាម។
វេជ្ជបណ្ឌិតជំនាញសម្ភពរូបនេះថា សរុបមក ការឆ្អើរភ្លើងសម្រាប់ម៉ាក់ និងទារកក្រោយសម្រាល វាសមស្របចំពោះសម័យបុរាណប៉ុណ្ណោះ។ ការឆ្អើរភ្លើងធ្វើឲ្យមានផលប៉ះពាល់ជាច្រើន យកល្អម៉ាក់ៗគូរតែជ្រើសរកវិធីរក្សាកម្ដៅខ្លួនល្អ ហើយមានសុវត្ថិភាពទាំងខ្លួន និងកូន៖
– ពាក់ខោអាវដៃវែង ជើងវែង ពាក់ស្រោមដៃជើង នៅក្នុងបន្ទប់ចៀសវាងខ្យល់ត្រជាក់
– ប្រើប្រាស់ ម៉ាស៊ីនកម្ដៅ/ត្រជាក់ ជ្រើសរើសសីតុណ្ហភាពឲ្យបានសមស្រប
– ញ៉ាំអាហារដែលមានសារធាតុចិញ្ចឹមបានគ្រប់គ្រាន់
– ត្រូវឆាប់ធ្វើចលនា ដើរ បន្ទាប់ពីសម្រាល ដើម្បីសរីរាង្គធ្វើចលនា និងបង្កើនកម្ដៅក្នុងខ្លួន
– មិនត្រូវតមងូតទឹកទេ ម៉ាក់ៗ គួរធ្វើអនាម័យខ្លួនឲ្យបានស្អាត (ងូតទឹក កក់សក់ ជាមួយទឹកក្ដៅឧណ្ហៗ…)។ល។
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
