home

យើង​គួរ​ធ្វើ​ម៉េច​ខ្លះ ដើម្បី​កែលម្អ​បញ្ហា​នេះ?

close
chevron
អត្ថបទ​នេះ​មាន​កំហុស ព័ត៌មាន​ ឬ​តួលេខ​មិន​ត្រឹមត្រូវ
chevron

បើ​មាន​កំហុស​ឆ្គង​ណា​មួយ សូម​ប្រាប់​ពួក​យើង​ដើម្បី​កែតម្រូវ

wanring-icon
សូម​ចាំ​ថា មិន​ទាមទារ​ឲ្យ​លោក​អ្នក​បំពេញ​ព័ត៌មាន​លម្អិត​ទេ។ សូមចុច "ផ្ញើរ​មតិខ្ញុំ" ខាង​ក្រោម​ដើម្បី​បន្ត​អាន​។
chevron
អត្ថបទ​នេះ​មាន​ព័ត៌មានមិន​គ្រប់គ្រាន់
chevron

បើ​មាន​កំហុស​ឆ្គង​ណា​មួយ សូម​ប្រាប់​ពួក​យើង​ដើម្បី​កែតម្រូវ

wanring-icon
សូម​ចាំ​ថា មិន​ទាមទារ​ឲ្យ​លោក​អ្នក​បំពេញ​ព័ត៌មាន​លម្អិត​ទេ។ សូមចុច "ផ្ញើរ​មតិខ្ញុំ" ខាង​ក្រោម​ដើម្បី​បន្ត​អាន​។
chevron
ហមមម... ខ្ញុំ​មាន​ចម្ងល់​ពី​បញ្ហា​សុខភាព​ខ្លះ​ចង់​សាកសួរ
chevron

ថ្វី​ត្បិត​តែ​ Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​​ក៏​ពិត​មែន ប៉ុន្តែ​ពួក​យើង​ពិត​ជា​ស្វាគមន៍​រាល់​មតិ​កែលម្អិត​ទាំង​អស់​របស់​លោក​អ្នកដែល​តែងតែ​តាមដាន Hello គ្រូពេទ្យ ជា​ប្រចាំ។ សូម​វាយ​បញ្ចូល​មតិយោបល់​របស់​លោកអ្នក​ក្នុង​ប្រអប់​ខាងក្រោម។

wanring-icon
ប្រសិន​បើ​បងប្អូន​កំពុង​ប្រឈម​នឹង​បញ្ហា​សង្គ្រោះបន្ទាន់​ កុំបង្អង់​សូម​ខល​ទាក់ទង​ទៅសេវាសង្គ្រោះ​បន្ទាន់​ភ្លាម​ ឬ​ទៅ​មន្ទីរពេទ្យ ឬ​កន្លែង​សង្គ្រោះ​បន្ទាន់​ដែល​នៅ​ជិត​លោក​អ្នក​បំផុត។

ឬ​ចម្លង​តំណភ្ជាប់

រឿងគួរបារម្ភ! មានសញ្ញាទាំងនេះពេលពពោះ អាចមានគ្រោះថ្នាក់ ម៉ាក់ៗកុំទុកយូរ ប្រញាប់ទៅជួបពេទ្យ

រឿងគួរបារម្ភ! មានសញ្ញាទាំងនេះពេលពពោះ អាចមានគ្រោះថ្នាក់ ម៉ាក់ៗកុំទុកយូរ ប្រញាប់ទៅជួបពេទ្យ

ពេល​ពពោះ ស្ត្រី​អាច​មាន​បញ្ហា​ប្រឈម​ច្រើន ដែល​តម្រូវ​ឲ្យ​យើង​ទៅ​តាម​ដាន​សុខភាព​ជាមួយ​គ្រូពេទ្យ​ជំនាញ​ឲ្យ​បាន​ទៀង​ទាត់ សម្រាក​ឲ្យ​បាន​គ្រប់​គ្រាន់ ញ៉ាំ​អាហារ​សម្បូរ​ជីវជាតិ​ឲ្យ​ច្រើន។ ដើម្បី​កាត់​បន្ថយ​បញ្ហា​ប្រឈមនានា លោក​វេជ្ជបណ្ឌិត ចាន់ ស៊ីណេត ប្រធាន​ផ្នែក​សម្ភព និង​រោគ​ស្ត្រី នៃ​មន្ទីរពេទ្យ​បង្អែក​មិត្តភាព​កម្ពុជា-ចិន សែន​សុខ បាន​ណែនាំ​ឲ្យ​ស្រ្តី​ចេះ​កត់​ចំណាំ​សញ្ញា​គ្រោះ​ថ្នាក់​មួយ​ចំនួន ដែល​អាច​ឡើង​អំឡុង​ពពោះ។

១. ធ្លាក់​ឈាម

អំឡុង​ពេល​ពពោះ បើ​ស្រីៗ​យើង​មាន​អាការៈ​ចុកពោះ មាន​ធ្លាក់​​ឈាម​តិច ឬ​ច្រើន ច្បាស់​ជា​មាន​បញ្ហា​មិន​ខាន។ ក្នុង​ត្រីមាសទី១ បើ​មាន​សញ្ញា​ទាំង​នេះ​បញ្ជាក់​ថា ម៉ាក់ៗ​អាច​ប្រឈម​នឹង​ការ​រលូត​កូន មាន​កូន​​ក្រៅស្បូន ​ជា​ដើម។ ក្រៅពី​នោះ​ការ​ធ្លាក់​ឈាម​នៅ​ត្រីមាស​បន្ទាប់ អាច​​មាន​ការ​បង្ក​រោគ សកម្មភាព​រួមភេទ សុករបើកចេញពីជញ្ជាំងស្បូន សញ្ញា​នៃ​ការ​សម្រាល​មុន​កំណត់ ដែល​ស្ត្រី​ចាំបាច់​ទៅ​ពិគ្រោះ​ជាមួយ​គ្រូ​ពេទ្យ​ឲ្យ​បាន​ទាន់​ពេល។

២. កូន​មិន​កម្រើក

ជា​ទូទៅ ម៉ាក់ៗ​ដែល​មាន​កូន​ដំបូង អាអូន​អាច​កម្រើក​នៅ​ខែទី ៥ ឬ ៦ តែ​បើ​យើង​ធ្លាប់​មាន​កូន​ពីមុន​មក​ហើយ​នោះ កូន​អាច​កម្រើក​លឿន​បន្តិច គឺ​អំឡុង​ខែទី ៤ ឬ ៥។ បន្ទាប់​ពី​កម្រើក​តិចៗ ទារក​អាច​កម្រើក​ញឹកញាប់ ឬ​ធាក់​ម៉ាក់​កាន់​ខ្លាំង​នៅ​ជិត​ដល់​ថ្ងៃ​សម្រាល។ ពេល​អុកស៊ីសែន និង​សារធាតុ​ចិញ្ចឹម​តាម​រយៈទងសុកមិន​គ្រប់​គ្រាន់ កូន​មិន​សូវ​កម្រើក​ទេ ហើយ​ក៏​អាច​បញ្ជាក់​ថា កូន​កំពុង​ជួប​វិបត្តិ​អី​មួយ​ហើយ។ ដូច្នេះ ត្រូវ​ទៅ​ពិនិត្យ​ពោះ​ធ្វើ​អេកូ​​វាស់ចង្វាក់​បេះដូង​កូន វាស់​ទឹកភ្លោះ ជា​ដើម។

៣. ហើម​ជើង​ខ្លាំង

ពពោះ​ចូល​ដល់​ត្រីមាស​ទី ៣ ស្រីៗ​គ្នា​យើង​នឹង​ចាប់​ផ្តើម​មាន​អារម្មណ៍​ថា​ ស្បែក​ជើង​ដូច​តឹង​ជាង​មុន​ ដោយសារ​ជើង និង​ប្រអប់​ជើងឡើងហើម។ អាការៈ​ហើម​ជើង​អាច​បណ្តាល​មក​ពី​លើស​ជាតិ​សាច់ (ប្រូតេអ៊ីន) ​អង្គុយ​យូរ ​មិន​សូវ​ធ្វើ​ចលនា បរិមាណ​ទឹកភ្លោះ​កើន​លើស​ប្រក្រតី និងមក​ពី​ទម្ងន់​គភ៌​ក្នុង​ស្បូន​សង្កត់​លើ​សរសៃ​ឈាម និង​ជើង ធ្វើ​ឲ្យ​លំហូរ​ឈាម​ដើរ​យឺត។ អាការៈ​ហើម​ជើង​ពេល​ពពោះ​មិន​ស្រួល​ក្នុង​ខ្លួន​ប៉ុន្មាន​ទេ ថែម​អាច​ប្រឈម​នឹង​គ្រោះ​ថ្នាក់​ទៀត ដូច្នេះ​ស្ត្រីពពោះ​មិន​ត្រូវ​អង្គុយ ឬ​ឈរ​យូរ​ពេក​ ​ទេ ​ត្រូវឧស្សហ៍​ងើប​ដើរ​ចុះ​ឡើង សម្រាកឲ្យច្រើន គេង​ផ្អៀង​ទៅ​ខាង​ឆ្វេង ហើយ​បើ​អាការៈ​កាន់​តែ​ធ្ងន់​ធ្ងរ​ត្រូវ​ប្រញាប់​ទៅ​ជួប​គ្រូពេទ្យ។

៤. រឹង ឬ​ឈឺ​ពោះ​ទៀង​ទាត់

រឹង ឬ​ឈឺ​ពោះ​ទៀង​ទាត់ ជា​បញ្ហា​ចោទ ២យ៉ាង បើ​សិន​ជា​ស្ត្រី​ពពោះ​ជួប​បញ្ហា​នេះ​នៅ​ត្រីមាស​ដំបូង អាច​ជា​សញ្ញា​គម្រាម​រលូត ហើយ​បើ​អាការៈ​នេះ​កើត​ឡើង​នៅ​ត្រីមាសទី ៣ មុន​សប្តាហ៍​ទី ៣៧ ស្ត្រី​អាច​នឹង​សម្រាល​កូន​មុន​ខែ។ ការ​សម្រាល​នេះ​ នឹង​មាន​ការ​ឈឺ​ពោះ​ដូច​ពេល​មក​រដូវ កន្ត្រាក់​ស្បូន​ទៀង​ទាត់​ ហើយ​ឈឺ​ចង្កេះ​ជាប់។ អាការៈ​ផ្សេង​ទៀត​ រួម​មាន បែក​ទឹក​ភ្លោះ ហូរ​ឈាម​តាម​ទ្វារ​មាស។

៥. ឈឺក្បាល-ស្រវាំងភ្នែក

ស្ត្រី​ពពោះ​ដែល​ជួប​អាការៈ​ឈឺ​ក្បាល ចុក​រួយក ស្រវាំង​ភ្នែក ហឹង​ត្រចៀក អាច​ជា​សញ្ញា​គ្រោះថ្នាក់​អំឡុង​ពពោះ ត្រូវ​ប្រញាប់​ទៅ​គ្រូពេទ្យ។ អាការៈ​ទាំង​ប៉ុន្មាន​ខាង​លើ​នេះ​អាច​ជា​សញ្ញា នៃ​ជំងឺ​លើស​ឈាម​ពេល​ពពោះ និង​អាច​ឈាន​​ទៅ​រក​ជំងឺ​បម្រុង​ក្រឡាភ្លើង ដែល​អាច​បង្ក​ផល​វិបាក​ធ្ងន់​ធ្ងរ​ប៉ះពាល់​ដល់​អាយុ​ជីវិត​ទាំង​ម្តាយ និង​កូន​ក្នុង​ផ្ទៃ។

Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕


អត្ថបទពាក់ព័ន្ធ

៤ យ៉ាងនេះ ស្ត្រីពពោះអាចធ្វើបានធម្មតា ពេទ្យមិនហាមនោះទេ

គ្រាន់តែពិនិត្យឈាម និងទឹកនោមអំឡុងពេលពពោះ ម៉ាក់ៗអាចដឹងពីជំងឺប្រឈមច្រើនមុខ

ចង់ដឹងកូនមានវិបត្តិសរីរាង្គពីកំណើតឬអត់ ម៉ាក់ៗពពោះគួរពិនិត្យសុខភាពតាមរបៀបណាខ្លះ?

ម៉ាក់ៗពពោះចូលចិត្តញ៉ាំមី ប៉ះពាល់កូនក្នុងផ្ទៃដែរទេ?

ម៉ាក់ៗគួរចាប់អារម្មណ៍ ពពោះលើសខែ មិនមែនជារឿងល្អសម្រាប់ទារកទេ

ក្ដៅខ្លួនពេលពពោះអាចបង្កបញ្ហាធ្ងន់ដល់គភ៌ ចុះម៉ាក់ៗគួរការពារសុខភាពរបៀបណា?

ម៉ាក់ៗពពោះត្រូវប្រយ័ត្នអាហារញ៉ាំ ព្រោះបើពុលចំណីអាហារ អាចគ្រោះថ្នាក់ដល់គភ៌

ពពោះ ឆ្លងមេរោគតេតាណូសប្រឈមផលប៉ះពាល់ដល់ជីវិតទាំងម្ដាយ និងកូន

ចៀសវាងបញ្ហាកូនកើតមិនគ្រប់ខែ ម៉ាក់ៗពពោះគួរធ្វើតាមការណែនាំទាំងនេះ


រូបថត​របស់​អ្នក​និពន្ធbadge
ដោយ ដេត ធន្នី កែសម្រួល​ចុងក្រោយថ្ងៃទី 07/10/2020
ត្រួតពិនិត្យដោយ វេជ្ជ. វេជ្ជ. ចាន់ ស៊ីណេត
x