មានម៉ាក់ៗជាច្រើនពេលមានផ្ទៃពោះចង់លាបឡេលាយឲ្យសស្អាត តែមានកូនចិត្តព្រួយបារម្ភចំពោះកូន ទើបចេះតែខ្លាចៗ និងលើកជាសំណួរមកកាន់ Helloគ្រូពេទ្យ ថា តើការលាបឡេពេលពពោះនោះពិតជាប៉ះពាល់ចំពោះកូនមែនឬអត់? លោកវេជ្ជបណ្ឌិត លី ឫទ្ធីគុណ បានបញ្ជាក់ថា ពិតជាមានផលប៉ះពាល់មែន។
ម៉ាក់ៗលាបឡេលាយពេលពពោះ ប្រយ័ត្នកូនកើតមកមានបញ្ហាទាំងនេះ
ក្នុងនោះដែរ លោកបានពន្យល់ថា ជាធម្មតាឡេឡាយតែងតែលាយជាមួយសារធាតុកាត់ និងជាតិគីមីជាច្រើន ហើយអ្វីដែលដឹងច្បាស់គឺជាតិបារតក្នុងឡេលាយពេលយើងលាបទៅ អាចចូលទៅក្នុងចរន្តឈាម ហើយពេលសន្សំវាយូរៗទៅធ្វើឲ្យពុលខួរក្បាល ហើយធ្វើឲ្យអ្នកប្រើមានអាការៈញ័រដៃជើង បាត់បង់ការចងចាំ អន់បញ្ញា និងមានបញ្ហាសាច់ដុំ។
ចំណែកជាតិបារតនោះអាចចម្លងពីម្ដាយទៅបានឬទេ? ចម្លើយពិតជាបានតាមរយៈទងសុកក្នុងពេលមានផ្ទៃពោះនោះតែម្ដង ហើយក្នុងបរិមាណតិចតួចតាមរយៈទឹកដោះម្ដាយក្រោយពេលកើត។ ការប៉ះពាល់នឹងបារតអាចប៉ះពាល់ដល់ការលូតលាស់ខួរក្បាល និងប្រព័ន្ធសរសៃប្រសាទរបស់ទារកក្នុងពេលមានផ្ទៃពោះ និងក្រោយពេលកើត។
ទោះជាប៉ះពាល់មែន តែលោកបដិសេធថា បញ្ហាក្មេងមានបញ្ហាស្បែកដូចជារបក ឬក្រៀមនោះ មិនទាក់ទងនឹងការលេបឡេរបស់ម៉ាក់ៗឡើយ។ រីឯម៉ាក់ៗក៏ដូចគ្នាដែរ ពេលពពោះចៀសវាងលេបឡេប្រភេទនេះ ដើម្បីសុវត្ថិភាពខ្លួន និងកូនក្នុងផ្ទៃ។
អត្ថបទពាក់ព័ន្ធ៖
- បន្លែ-ផ្លែឈើល្អៗ ជួយកូនក្នុងផ្ទៃលូតលាស់ល្អ ម៉ាក់ៗត្រូវញ៉ាំឲ្យបានច្រើន
- ផឹកកាហ្វេច្រើននាំឲ្យពិបាកមានផ្ទៃពោះ និងប៉ះពាល់កូនក្នុងផ្ទៃ?
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម