ពេលពពោះ ស្រីៗគ្នាយើងច្រើនតែងតានតឹងអារម្មណ៍ មួរម៉ៅច្រើន តែបើយើងនៅបន្តស្ថានភាពបែបនេះមិនល្អនោះទេ ថែមទាំងជះឥទ្ធិពលដល់កូនក្នុងផ្ទៃទៀត។ ផ្ទុយទៅវិញ បើអំឡុងពេលពពោះស្ត្រីអាចធ្វើចិត្តឲ្យរីករាយ និយាយលេង ដើម្បីអភិវឌ្ឍខួរក្បាលកូនក្នុងផ្ទៃបានច្រើន នោះនឹងផ្តល់ប្រយោជន៍ច្រើនដល់កូនយើង។
ប្រយោជន៍ដ៏អស្ចារ្យ ពេលស្ត្រីពពោះធ្វើចិត្តឲ្យរីករាយ និយាយលេងជាមួយកូនច្រើន
ត្រួតពិនិត្យដោយ វេជ្ជ. ចាន់ ស៊ីណេត · ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
នាយិកាសាលាអប់រំកុមារតូច SHICHIDA លោកស្រី សរ មន្ថា បានពន្យល់ថា ការអភិវឌ្ឍខួរក្បាលកូនត្រូវចាប់ផ្តើមតាំងពីនៅក្នុងពោះ មិនមែនធ្វើនៅពេលកូនកើតមកនោះទេ។ ក្នុងនោះលោកស្រីបានបញ្ជាក់ថា បើក្រោម ១៦ សប្តាហ៍ ម្តាយស្ត្រេស មិនសប្បាយចិត្ត មិនចោទជាបញ្ហាចំពោះកូនក្នុងផ្ទៃនោះទេ តែបើចាប់ពី ៤ ខែទៅ នឹងប៉ះពាល់ដល់កូនក្នុងផ្ទៃ។
“នៅក្នុងត្រីមាសទី១ ជាដំណាក់កាល Set up ម្តាយត្រូវប៉ូវគ្រប់យ៉ាង ដើម្បីឲ្យកូនពេញលក្ខណៈ ដើម្បីបង្កើតជាភ្នែក ច្រមុះ មាត់កូន ហើយក្នុងត្រីមាសទី២ ប្រព័ន្ធកោសិកា ខួរក្បាល ផ្នែកអារម្មណ៍ ចាប់ផ្តើមមានអស់ហើយ។ អ្វីដែលយើងត្រូវជួយគាត់ គឺត្រូវជួយតាំងនៅក្នុងពោះ បើយើងធ្វើឲ្យម្តាយសប្បាយចិត្ត ទទួលបានការបណ្តុះបណ្តាលតាំងពីនៅក្នុងពោះទៀត កូនកើតមកស្រួលចិញ្ចឹម’។
អត្ថបទពាក់ព័ន្ធ៖
អត្ថប្រយោជន៍នៃការអភិវឌ្ឍខួរក្បាលកូនតាំងពីនៅក្នុងផ្ទៃ
– កូនរួសរាយ និងអត់ធ្មត់ខ្ពស់
– កូនមិនងាយឆេវឆាវ
– កូនមិនងាយយំពេលយប់
– កូនងាយចុះសម្រុងនឹងសង្គម
– កូនងាយយល់ពីអ្វីៗជុំវិញខ្លួន និងស្រូបយកព័ត៌មានលឿន
– សមត្ថភាពខួរក្បាលខាងស្តាំកូនខ្លាំង។
ចំណែកលោកស្រី អ៊ួង លីដា នាយផ្នែកសាល បន្ទប់សម្រាល នៃមជ្ឈមណ្ឌលជាតិគាំពារ មាតា និងទារក ក៏បានលើកឡើងដូចគ្នាដែរថា តែកាលណាម្តាយពិបាកចិត្ត ស្មុគស្មាញច្រើន នោះកូនក្នុងពោះក៏ស្មុគស្មាញ ស្ត្រេសទៅតាមនោះដែរ អ៊ីចឹងហើយពេលពពោះទោះជាលំបាក ឬជួបបញ្ហាមិនសប្បាយចិត្ត ក៏ម៉ាក់ៗត្រូវចេះទប់អារម្មណ៍ ធ្វើចិត្តឲ្យរីករាយ ទើបមិនប៉ះទង្គិចដល់ផ្លូវចិត្តយើងផង ផ្លូវចិត្តកូនយើងទៀត។
អត្ថបទពាក់ព័ន្ធ៖
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម