ពេលដឹងថាមានផ្ទៃពោះ ស្រីៗយើងពិតជាមានអារម្មណ៍រំភើបមិនខានក្រោយពីព្យាយាមយកកូនមកច្រើនខែ ឬឆ្នាំហើយនោះ។ ពេលមានផ្ទៃពោះដំបូងៗស្រីៗយើងនឹងត្រូវរៀនសូត្រថាអ្វីមានសុវត្ថិភាព និងអ្វីខ្លះមិនមានសុវត្ថិភាពចំពោះខ្លួនយើង។
ត្រួតពិនិត្យដោយ វេជ្ជ. ចាន់ ស៊ីណេត · ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ពេលដឹងថាមានផ្ទៃពោះ ស្រីៗយើងពិតជាមានអារម្មណ៍រំភើបមិនខានក្រោយពីព្យាយាមយកកូនមកច្រើនខែ ឬឆ្នាំហើយនោះ។ ពេលមានផ្ទៃពោះដំបូងៗស្រីៗយើងនឹងត្រូវរៀនសូត្រថាអ្វីមានសុវត្ថិភាព និងអ្វីខ្លះមិនមានសុវត្ថិភាពចំពោះខ្លួនយើង។
យ៉ាងណា មានប្រធានបទមួយចំនួនទំនងជាស្រីៗយើងមិនហ៊ានសួរនាំ ឬក៏គិតថាជារឿងមិនត្រឹមត្រូវក៏មាន។ ឧទាហរណ៍ថាការសម្រេចកាមដោយខ្លួនឯងពេលមានផ្ទៃពោះ តើគ្រោះថ្នាក់ដល់ខ្លួន និងកូនក្នុងផ្ទៃដែរឬទេ?
ចម្លើយសម្រាប់សំណួរខាងលើនេះ សាមញ្ញបំផុត គឺថាការសម្រេចកាមដោយខ្លួនឯងជារឿងធម្មជាតិ និងជាសកម្មភាពធម្មតា លើកលែងតែការពពោះរបស់ស្រីៗយើងអាចប្រឈមនឹងហានិភ័យខ្ពស់ណាមួយ។ បើមិនមានហានិភ័យអ្វីមួយទេ ការសម្រេចកាមដោយខ្លួនឯងអំឡុងពេលមានផ្ទៃពោះគឺមិនជាបញ្ហានោះទេ។
ខាងក្រោមនេះ ក៏ជាអ្វីស្រីៗយើងកំពុងពពោះត្រូវដឹងដូចគ្នា។
ទោះបីជាកំពុងពពោះក៏ដោយ ស្រីៗយើងក៏នៅតែអាចរួមភេទបានដូចគ្នា។ ស្រ្តីពពោះមួយចំនួនអាចនឹងមានចំណង់ផ្លូវភេទកើនឡើងផងក្នុងអំឡុងពេលនេះ។ ការកើនឡើងចំណង់ផ្លូវភេទអំឡុងពេលពពោះនេះ មកពីការប្រែប្រួលអ័រម៉ូន គឺអ័រម៉ូនប្រូតេស្តូស្តេរ៉ូន និងអឺស្រ្តូហ្សែនកើនឡើង ធ្វើឲ្យចំណង់ផ្លូវភេទស្រីៗយើងកំពុងពពោះក៏កើនឡើងដែរ។
យ៉ាងណាក៏មានដែរស្រីៗខ្លះទៀតបែរជាបាត់បង់ចំណង់ផ្លូវភេទទៅវិញ ហើយការណ៍នេះគឺ ជារឿងធម្មតាប៉ុណ្ណោះ។ ការបាត់បង់ចំណង់ផ្លូវភេទនេះ ក៏ព្រោះតែស្រីៗយើងមានអាការៈចង្អោរ ក្អួត អស់កម្លាំង និងការប្រែប្រួលរាងកាយមួយចំនួន។ អ្វីទាំងអស់នេះ ធ្វើឲ្យស្រីៗយើងកំពុងពពោះ គ្មានចំណង់ផ្លូវភេទដែរ។
ស្រីៗពពោះយើងខ្លះអាចនឹងមានអារម្មណ៍ថាឈឺរមួលតិចៗពេលអារម្មណ៍ដល់ចំណុចកំពូលកើតមានឡើងអំឡុងពេលរួមភេទ ឬសម្រេចកាមដោយខ្លួនឯង។ អារម្មណ៍ឈឺចាប់តិចតួចនេះ កើតមានពេលសាច់ដុំកន្ត្រាក់ និងនាំឲ្យមានការកន្ត្រាក់ស្បូនខុសធម្មតាមួយកើតឡើង តែវានឹងបាត់ទៅវិញនៅពេលក្រោយមកទៀត។
មួយវិញទៀត បើសិនជាស្រីៗយើងមានបញ្ហាប្រឈមខ្ពស់នឹងការសម្រាលមុនខែ ការដល់ចំណុចកំពូលនឹងអាចបង្កើតឱកាសឲ្យឆាប់សម្រាលកូន។ ការបាញ់ទឹកកាមចូលក្នុងទ្វារមាសក៏អាចធ្វើឲ្យមាត់ស្បូនទន់ និងរំញោចឲ្យមានការសម្រាលដែរ តែបើស្រីៗយើមិនមានបញ្ហាប្រឈមនឹងការសម្រាលមុនខែទេ ការរួមភេទ និងអារម្មណ៍ដល់ចំណុចកំពូលជារឿងធម្មតា។
ស្រ្តីពពោះមួយចំនួនអាចនឹងមានអារម្មណ៍ថាការម្រេចកាមបានជួយសម្រាលភាពតានតឹងពេលកំពុងពពោះផងដែរ។ មួយវិញទៀត ការសម្រេចកាមក៏អាចជាមធ្យោបាយមួយផ្សេងទៀត ជំនួសឲ្យការរួមភេទ ដោយសារពិបាករួមភេទព្រោះពោះកាន់តែរីកធំ។
ដោយសារតែពោះស្រីៗយើងកាន់តែរីកធំ ការជ្រើសរើសទម្រង់រួមភេទណាមួយអាចជួយឲ្យយើង និងដៃគូមានក្ដីសុខក៏ជារឿងចាំបាច់ដែរ។ ប្រុសៗខ្លះក៏អាចមានក្ដីបារម្ភដែររឿងរួមភេទពេលពពោះ ខ្លាចថាអាចប៉ះពាល់ដល់ដៃគូ និងកូនក្នុងផ្ទៃ។ ដូចនេះ ការពិភាក្សាយល់គ្នាពីរឿងសម្រេចកាម គឺជារឿងល្អសម្រាប់យើងទាំងពីរនាក់។
ក្នុងករណីខ្លះ គ្រូពេទ្យអាចណែនាំស្រីៗយើងចៀសវាងការរួមភេទពេលពពោះ នៅដំណាក់កាលណាមួយ ឬពេញមួយរយៈពេលកំពុងពពោះតែម្ដង។ ករណីទាំងនោះមានដូចជា៖
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ