home

តើអ្នកបារម្ភពីអ្វី?

close
មិនត្រឹមត្រូវ
ពិបាកយល់
ផ្សេងៗ

ឬ​ចម្លង​តំណភ្ជាប់

មកដឹងពីការវិវត្តន៍រូបរាងគភ៌ក្នុងផ្ទៃ តាមត្រីមាសនីមួយៗ

មកដឹងពីការវិវត្តន៍រូបរាងគភ៌ក្នុងផ្ទៃ តាមត្រីមាសនីមួយៗ

ពេល​ដឹង​ថា​ត្រៀម​ខ្លួន​ធ្វើ​ប៉ា​ម៉ាក់​គេ ម្នាក់​ៗ​ពិតជា​ចង់​ដឹង​ថា​កូន​លូតលាស់​បែប​ណា​នៅ​តាម​ត្រីមាស​នីមួយ​ៗ។ លោក​វេជ្ជបណ្ឌិត ចាន់ ស៊ីណេត ប្រធាន​ផ្នែក​សម្ភព និង​រោគ​ស្រ្តី​នៃ​មន្ទីរពេទ្យ​បង្អែក​មិត្តភាព​កម្ពុជា-ចិន​សែនសុខ នឹង​បង្ហាញ​ដូច​ខាងក្រោម៖

១- ត្រី​មាស​ទី​១

បន្ទាប់ពី​បាន​បង្ក​កំណើត​កាច់​សំបុក​រួច​មក លក្ខណៈ​រូបរាង​ដំបូង​របស់​ទារក​គឺ​នៅ​ជា​អំប្រ៉ីយ៉ុង ដែល​ជា​ភ្នាស​​កោសិកា​ពីរ​ជាន់ ផ្ដល់​ការ​វិវត្តន៍​ដល់​សរីរាង្គ​គ្រប់​ផ្នែក និង​តួ​ខ្លួន​ទាំង​មូល​ផង។ ការ​លូតលាស់​យ៉ាង​រហ័ស​របស់​គភ៌​នៅ​ត្រីមាស​ដំបូង មាន​ទំហំ​ប៉ុន​គ្រាប់​សណ្តែក​សៀង​ក្នុង​ពេល​យ៉ាង​ខ្លី ហើយ​បន្ត​លូតលាស់​ទៅ​មុខ​ជានិច្ច។ បេះដូង​ចាប់ផ្ដើម​លោត​ជា​ចង្វាក់​ញាប់​ៗ ហើយ​ពោះវៀន​ចាប់ផ្ដើម​ក​កើត​ដែរ។ ចុង​ត្រីមាស​ទី​មួយ ស្លឹក​ត្រចៀក ត្របក​ភ្នែក មាត់ និង​ច្រមុះ​ចាប់​ផ្ដើម​លេច​ទម្រង់​ឲ្យ​កត់​សំគាល់​ឃើញ។

២- ត្រី​មាស​ទី​២

នៅ​ដើម​ត្រី​មាស​ទី​២ គភ៌​មាន​ប្រវែង​ប្រហែល ៨ ទៅ ៩ សង់ទីម៉ែត្រ និង​ទម្ងន់​ប្រហែល ៤០០ ទៅ ៥០០ ក្រាម​ប៉ុណ្ណោះ។ ចូល​មក​ដល់​ត្រី​មាស​ទី​២ ម្រាម​ដៃ​តូច​ៗ​ក៏​ចាប់​ផ្ដើម​លូតលាស់​ចេញ​ជា​រូបរាង ពិត​ប្រាកដ និង​បេះដូង​ចាប់ផ្ដើម​ច្របាច់​ឈាម។ នៅ​ពាក់​កណ្ដាល​ត្រី​មាស លលាដ៍ក្បាល​ចាប់ផ្ដើម​រឹង​ទៅ​ជា​ឆ្អឹង ហើយ​មាន​សមត្ថភាព​អាច​ស្ដាប់​ឮ​សំឡេង​ពី​ខាង​ក្រៅ។ ចូល​ដល់​ចុងត្រីមាស យើង​នឹង​បាន​ទទួល​អារម្មណ៍​ពី​ចលនា​ធាក់ និង​រើ​បម្រាស់។

៣- ត្រី​មាស​ទី​៣

ដើម​ត្រីមាស​ទី​៣ ទារក​មាន​ទម្ងន់​ប្រហែល ១ គីឡូក្រាម ហើយ​ទម្ងន់​ចាប់ផ្ដើម​កើន​ឡើង​ជា​បន្តបន្ទាប់​តាម​រយៈ​ការ​ញ៉ាំ​របស់​ម៉ាក់​ៗ។ ចំណែក​ស្បែក​ដែល​ជ្រួញ​ៗ​នោះ​ក៏​ចាប់ផ្ដើម​រលោង ដោយសារ​ការ​ឡើង​ទម្ងន់​ផង​ដែរ។ ចំណែក​ក្រចកដៃ ក្រចកជើង និង​សក់ ឬ​រោម​ស្ដើង​ៗ​នៅ​លើ​ក្បាល ដង​ខ្លួន​ក៏​ចាប់ផ្ដើម ហើយ​កោសិកា​ប្រសាទ​រាប់ពាន់​លាន​បាន​កើន​ឡើង​នៅ​ក្នុង​ខួរក្បាល​អស់​ហើយ។ នៅ​ចុង​ត្រី​មាស ឬ​ជិត​គ្រប់ខែ គភ៌​មាន​ទម្ងន់​ជា​មធ្យម​ចាប់ពី ២ គីឡូ​កន្លះ​ឡើង និង​ប្រវែង ៤៨ សង់ទីមែ៉ត្រ។

health-tool-icon

គណនាថ្ងៃសម្រាលកូន

ប្រើ​វិធី​គណនា​នេះ​​ គឺ​ដើម្បី​រក​ថ្ងៃ​សម្រាល​កូន​។ វិធី​​នេះ​អាច​ប៉ាន់ស្មាន​ថ្ងៃ​សម្រាល​បាន​ តែ​មិន​ធានា​ថា​ត្រឹម​ត្រូវ​ទាំង​ស្រុង​ទេ​។ ស្រ្តី​ភាគ​ច្រើន មិន​ទាំង​អស់​ទេ អាច​ឆ្លង​ទន្លេ​មុន​ ឬ​ក្រោយ​មួយ​សប្ដាហ៍ នៃ​ពេល​វេលា​ប៉ាន់​ស្មាន​នេះ។

រយៈពេល​វដ្ដរដូវ

28 ចំំនួន​ថ្ងៃ​

Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

រូបថត​របស់​អ្នក​និពន្ធbadge
ដោយ Try Ravi កែសម្រួល​ចុងក្រោយ 17/07/2020
ត្រួតពិនិត្យដោយ វេជ្ជ. ចាន់ ស៊ីណេត