ស្រីៗពិបាកណាស់ ឲ្យតែជិតដល់ថ្ងៃខែម្តងៗ ឈឺចុកចាប់ខ្លាំង ពិសេសក្រោមពោះ។ ខ្លះដល់ថ្នាក់ប្រើថ្នាំបំបាត់ឈឺការឈឺចាប់ បើចៀសបានចៀសទៅ។ “Hello គ្រូពេទ្យ” ប្រាប់តិចនិក យ៉ូហ្កា ងាយៗប៉ុន្មានក្បាច់នេះ ដោះស្រាយបញ្ហានេះ។
១- ក្បាច់លុតជង្គង់ឱនសណ្តូកទៅមុខ (Wild Child’s Pose)
ក្បាច់យ៉ូហ្កាមួយនេះ ល្អបំផុតសម្រាប់សង្កត់ដល់ផ្នែកខាងក្រោមខ្នង។ លុតជង្គង់លើកម្រាល ហើយកន្ធែកចេញឲ្យល្មមស្រួលខ្លួន ឱនខ្លួនទៅមុខម្តងបន្តិចៗ រហូតប៉ះជាមួយកម្រាល ហើយព្យាយាមប្រើចុងម្រាមដៃប៉ះអ្វីនៅឆ្ងាយតាមអាចធ្វើទៅបាន។ ងាកក្បាលទៅម្ខាង ហើយសម្រាកដោយដកដង្ហើមវែងៗ ៥ ដង បន្ទាប់មកត្រឡប់ទៅម្ខាងទៀត និងសម្រួលឥរិយាបថ ដោយដកដង្ហើយវែងៗ ៥ ដងទៀត។ អាចធ្វើក្បាច់នេះប៉ុន្មានដងក៏បាន តាមយើងចូលចិត្ត។
២- ក្បាច់ផ្គុំបាតជើងចូលគ្នា (Bound Angle Pose)
អង្គុយសណ្តូកជើងត្រង់ទៅមុខ បន្ទាប់មកបត់ជង្គង់ដោយយកកែងជើងទល់គ្នា ទាញវាមកជិតថ្ងាសក្រោមផ្ចិត តាមអាចធ្វើបាន។ ក្តោបម្រាមជើងដោយមេដៃ និងម្រាមកណ្ដាល។ អង្គុយបែបនេះ ១-៥ នាទីតាមយើងពេញចិត្ត ប៉ុន្តែចាំថា ត្រូវតែដកដង្ហើមចេញចូលឲ្យវែងៗ។ បន្ទាប់ពីធ្វើម្តងហើយម្តងៗ បាន ២-៣ ដងរួចមក ត្រូវលើកជង្គង់ឡើង និងសម្រួលជើងទៅកន្លែងធម្មតាវិញ។
៣- ក្បាច់ពត់ខ្លួនទៅក្រោយ (Camel Pose)
ត្រូវលុតជង្គង់ និងបញ្ឈរខ្លួនឲ្យត្រង់ទៅលើ ហើយពើងបន្តិច។ ចន្លោះរវាងជង្គង់ទាំងពីរ គួរស្មើទំហំចង្កេះ ស្មងជើងត្រូវស្មើនឹងកម្រាល ទប់លំនឹង ដកដង្ហើមវែងៗ ពើងទ្រូងទៅលើ ហើយដាក់ដៃទៅក្រោយត្រគាក ដកដង្ហើមចេញចូលមួយៗ អំឡុងពេលដែលខ្លួនយើងកំពុងពន្យឺតផ្នែកខាងមុខ។
ជំហានបន្ទាប់ ប្រហែលជាពិបាកបន្តិចសម្រាប់យើង ព្រោះត្រុវបត់បែន។ ដកដៃចេញពីត្រគាក ហើយដាក់ឲ្យដល់កែងជើង តែបន្តព្យាយាមធ្វើក្បាលពោះនៅត្រង់ ខណៈសាច់ដុំក្បាលពោះត្រូវមានលំនឹង។ ងើយក្បាលមើលទៅលើ រួចចាប់ផ្តើមដកដង្ហើម ធ្វើបែបនេះប្រហែល ៣០-៦០ វិនាទីម្តង ធ្វើតាមអាចធ្វើទៅបាន និងត្រូវអនុវត្តឲ្យបានរាល់ថ្ងៃ បែបនេះអាចកាត់បន្ថយការឈឺចាប់ និងបង្កើនសមត្ថភាពសាច់ដុំ។
៤- ក្បាច់អង្គុយចោងហោងទប់លំនឹង (Moose Pose)
អង្គុយចោងហោង (Full Squad) ដោយប្រអប់ជើងនៅជិតគ្នា ហើយពិបាកទប់លំនឹង អាចសម្រួលសាច់ដុំពោះបន្តិច ដាក់ភួយទ្រាប់ក្រោមកែងជើងដើម្បីមានលំនឹង។ ងាកខ្លួនទៅស្តាំ យកដៃចាប់ជើងយើងពីក្រោយខ្នងឲ្យជាប់។ ដកដង្ហើមចេញ-ចូល ធ្វើបែបនេះប្រមាណ ៣០-៦០ វិនាទី បន្ទាប់មកប្តូរទៅម្ខាងទៀត។ ក្បាច់នេះ អាចជួយស្មា និងខ្នងតឹងណែនល្អ។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ប្រើវិធីគណនានេះ គឺដើម្បីរកថ្ងៃសម្រាលកូន។ វិធីនេះអាចប៉ាន់ស្មានថ្ងៃសម្រាលបាន តែមិនធានាថាត្រឹមត្រូវទាំងស្រុងទេ។ ស្រ្តីភាគច្រើន មិនទាំងអស់ទេ អាចឆ្លងទន្លេមុន ឬក្រោយមួយសប្ដាហ៍ នៃពេលវេលាប៉ាន់ស្មាននេះ។
រយៈពេលវដ្ដរដូវ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
4 Yoga Poses to Ease Menstrual Cramps. http://www.active.com/fitness/articles/4-yoga-poses-to-ease-menstrual-cramps acessed March 18, 2017
Yoga for Menstruation. http://www.yogajournal.com/category/poses/yoga-by-benefit/menstruation/ acessed March 18, 2017
Crush Those Cramps With These 5 Yoga Poses. https://www.popsugar.com/fitness/Yoga-Poses-Relieve-Cramps-131470 acessed March 18, 2017
