ដោយសារបច្ចេកទេសជឿនលឿន ម៉ាក់ៗពពោះ អាចសម្រេចសម្រាលកូនបានទាំងធម្មជាតិ និងដោយការវះកាត់។ ជាទូទៅ ពេទ្យណែនាំថា ការសម្រាលដោយវះកាត់ធ្វើឡើងនៅពេលដែលម៉ាក់ៗមានលក្ខខណ្ឌសម្រាលដោយធម្មជាតិមិនបាន ប៉ុន្តែមានម៉ាក់ៗខ្លះ ទោះមិនមានបញ្ហារារាំងការសម្រាលដោយធម្មជាតិក៏ជ្រើសយកការវះកាត់ដែរ។ តែម៉ាក់ៗមានដឹងអត់ថា ការសម្រាលដោយវះកាត់ អាចប្រឈមនឹងហានិភ័យសុខភាពច្រើន។

ពាក់ព័ន្ធនឹងបញ្ហាសម្រាលដោយវះកាត់នេះ លោកវេជ្ជបណ្ឌិត សឿច័ន្ទ វិសាល ឯកទេសផ្នែកសម្ភព និងរោគស្ត្រី បានឲ្យដឹងថា ការសម្រាលដោយវះកាត់យកកូនក៏មានផលអាក្រក់ជាច្រើនដែលអាចកើតមានរួមមាន៖

ទី១. ស្អិតសរីរាង្គក្នុងពោះ (ស្អិតពោះវៀនជាមួយសរីរាង្គផ្សេងៗនៅក្នុងអាងត្រគាក)

ទី២. ស្នាមវះស៊ីជាប់គ្នាមិនបានល្អលើសាច់ស្បូន។ល។

ចង់គណនាថ្ងៃសម្រាលកូន ចុចទីនេះ !

ចង់គណនាទម្ងន់ស្រ្តីពពោះ ចុចទីនេះ !

ចង់ដឹងអត្ថន័យពណ៌ និងរូបរាងលាមកទារក ចុចទីនេះ !

លោកបន្តថា ក្នុងករណីដែលស្នាមវះស៊ីជាប់គ្នាមិនបានល្អលើសាច់ស្បូន អាចបណ្ដាលឲ្យស្ត្រីជាម្ដាយជួបបញ្ហាច្រើនពីលើនេះទៀត៖

ពេលមានរដូវ គឺឈាមរដូវយូរថ្ងៃ អាចចុកពោះ
វិបត្តិគ្មានកូន
កូនកាច់សំបុកត្រង់ចំណុចស្នាមវះ ចាក់ឫសសុកចូលផ្លោកនោម
សុកពាំងមាត់ស្បូន
មានហានិភ័យបែកស្បូនពេលមានផ្ទៃពោះលើកក្រោយ។ល។

វេជ្ជបណ្ឌិតផ្នែកសម្ភព និងរោគស្ត្រីរូបនេះបញ្ជាក់ថា ចំពោះបញ្ហានេះ បើសិនម៉ាក់ៗមិនមានរោគសញ្ញាអ្វីលេចឡើងមកទេ គឺមិនទាមទារឲ្យមានព្យាបាលទេ ក៏ប៉ុន្តែក្នុងករណីដែលមានការធ្លាក់ឈាម ចុកពោះពេលមករដូវ ឬមានវិបត្តិអត់កូន ខាងក្រុមគ្រូពេទ្យអាចព្យាបាលដោយជួសជុលកន្លែងស្នាមវះមិនស៊ីគ្នា ឬឲ្យប្រើថ្នាំមួយចំនួន ឬមួយក៏ត្រូវកាត់ស្បូនចោលតែម្ដង។

លោកបានណែនាំឲ្យម៉ាក់ៗពពោះពិចារណាការសម្រាលកូនដោយវះកាត់នេះឡើងវិញ ព្រោះវាអាចផ្ដល់ហានិភ័យច្រើនយ៉ាងដល់ខ្លួន យកល្អគួរសម្រាលដោយធម្មជាតិដោយមិនចាំបាច់ខ្លាចខូចទ្រង់ទ្រាយប្រដាប់ភេទ និងសម្រេចសម្រាលដោយវះកាត់លុះត្រាតែមានឧបសគ្គមិនអាចសម្រាលដោយធម្មជាតិ ដោយមានវេជ្ជបញ្ជាច្បាស់លាស់ពីគ្រូពេទ្យជំនាញ។

អត្ថបទគួរអាន៖

បើស្នាម​វះ​ស៊ី​ជាប់​គ្នា​មិន​បាន​ល្អក្រោយសម្រាលដោយវះកាត់ នាំឲ្យស្ត្រីជួបបញ្ហាច្រើន

បើស្នាមវះស៊ីជាប់គ្នាមិនបានល្អក្រោយសម្រាលដោយវះកាត់ នាំឲ្យស្ត្រីជួបបញ្ហាច្រើន