ក្រោយសម្រាលកូនរួច មានម៉ាក់ៗជាច្រើនជួបបញ្ហារដូវប្រែប្រួល ខុសពីកាលមិនទាន់មានកូន។ មកពីមូលហេតុអ្វីបានរដូវមិនទៀងក្រោយសម្រាល? លោកវេជ្ជបណ្ឌិត ចាន់ ស៊ីណេត បានឲ្យដឹងថា នោះក៏ព្រោះតែអ័រម៉ូនយើងប្រែប្រួល ទើបបណ្ដាលឲ្យម៉ាក់ៗមួយចំនួនជួបប្រទះបញ្ហាបែបនោះ។
ក្រោយសម្រាលរួច ដោយសារតែអ័រម៉ូនប្រែប្រួលស្ទើរតែទាំងស្រុងដូចជាពពួកអ័រម៉ូនអឺសស្រ្តូហ្សែន និងប្រូហ្សេស្តេរ៉ូន ទើបធ្វើឲ្យរដូវក៏ប្រែប្រួលទៅតាមនោះដែរ។ វេជ្ជបណ្ឌិតក៏បញ្ជាក់ទៀតថា ក្រោយសម្រាលការមករដូវ ប្រៀបដូចចាប់ផ្ដើមថ្មីទាំងស្រុង។
