តិចនិកងាយៗ​ ជួយ​សម្រក​ទម្ងន់​ពេលយប់ សម្រាប់អ្នករវល់គ្មានពេលហាត់ប្រាណ

រវល់មិនលស់ថ្ងៃ រៀនផង ធ្វើការផង ញ៉ាំក៏ច្រើន ហើយអត់ពេលហាត់ប្រាណ ចឹងហើយបានគីឡូឡើងស្រឺតៗ។ ពិសេសស្រីៗ គឺពិបាកគ្រប់មុខ ស្គមពេកក៏ពិបាក ម៉ាប់ពេកក៏ពិបាក ហើយពិបាកបំផុត ពេលថ្លឹងគីឡូ។ មានរបៀបច្រើនសម្រាប់សម្រកទម្ងន់ អ៊ីចឹងថ្ងៃនេះ “Hello គ្រូពេទ្យ” នឹង​ប្រាប់គន្លឹះខ្លះជួយឲ្យស្រកគីឡូបាននៅពេលយប់ ដើម្បីសាកល្បង៖

១- ឆ្លៀតហាត់ប្រាណខ្លះពេលយប់

គ្នាយើងខ្លះប្រើពេលលើស ៨ ម៉ោង ឬក្រោកម៉ោង ៥ ព្រឹក មិនរួច ទើបគ្មានពេលហាត់ប្រាណ។ ហាត់ប្រាណអីក៏បាន ឲ្យតែបែកញើស។ រវល់ពេញមួយថ្ងៃ ប្រាកដជាហត់នឿយ ហើយស្ត្រេស ចឹងត្រូវបញ្ចេញញើសខ្លះ ពេលយប់ កាន់តែល្អ បើធ្វើបានទៀងទាត់ ហើយវាជួយកាត់បន្ថយស្ត្រេស និងគេងបានស្កប់។

ចង់គណនា BMI ចុចទីនេះ!

ចង់គណនា BMR ចុចទីនេះ!

ចង់ពិនិត្យជំងឺសរសៃឈាមបេះដូង ចុចទីនេះ!

ចង់គណនារង្វាស់ចង្វាក់បេះដូង ចុចទីនេះ!

២- រើសអាហារពេលល្ងាច

អ្នកចូលចិត្តប្រៃ គួរកាត់បន្ថយ ព្រោះអាហារពេលល្ងាចដែលមានជាតិប្រៃច្រើន ធ្វើឲ្យមានអារម្មណ៍ថាធាត់នៅព្រឹកថ្ងៃបន្ទាប់ ដោយសារអំបិលនៅក្នុងប្រព័ន្ធរំលាយអាហារពេញមួយយប់ និងរក្សាជាតិទឹកក្នុងរាងកាយធ្វើឲ្យយើងឡើងទម្ងន់។

៣- ផឹកទឹកឲ្យបានច្រើន

រាងកាយខ្វះជាតិទឹកមិនបានទេ ចឹងត្រូវញ៉ាំទឹកឲ្យច្រើន វាអាចជួយឲ្យស្រកគីឡូ និងធ្វើឲ្យស្បែកស្រស់ថ្លា។ ចង់កុំឲ្យទៅបន្ទប់ទឹកច្រើនពេលយប់ គួរផឹកទឹកមួយម៉ោងមុនគេង។

៤- បន្ទប់គេងកាន់តែងងឹតកាន់តែល្អ

ពេលនៅក្នុងងងឹត រាងកាយនឹងផលិតអ័រម៉ូន ម៉េតូនីន ដើម្បីជួយដុតបំផ្លាញកាឡូរី។ បើរៀបចំបន្ទប់គេងកាន់តែងងឹតខ្លាំង (គួរមានពន្លឺគ្រប់គ្រាន់ពេលថ្ងៃ ដូចជាប្រើវាំងននខ្មៅ) អាចស្រកទម្ងន់បាន។

អត្ថបទគួរអាន៖

• ហេតុផលពិត ម៉េចបានទឹកក្រូចឆ្មារ ជាឱសថសម្រកទម្ងន់ធម្មជាតិដ៏អស្ចារ្យ
• ភេសជ្ជៈសុខភាព៨មុខ គ្រប់គ្នាមិនគួរមើលរំល
• ផឹកទឹកក្ដៅឧណ្ហៗលាយទឹកឃ្មុំ មានប្រយោជន៍ចំពោះសុខភាព
• សាច់ដូង ក្រៅពីមានជាតិ អាចជួយអីបានខ្លះ?
• ទឹកក្រូចស្រស់ ​អាច​​បញ្ចុះ​​ជាតិ​​ខ្លាញ់​អាក្រក់​ក្នុង​​ខ្លួន​យើង​បាន?
• ផឹកទឹក​ក្រូចគ្មាន​ជាតិ​ស្ករ​ កុំឲ្យ​ឡើង​គីឡូ ប្រយ័ត្ន​ចូលដើម!

៥- បន្ទប់ត្រជាក់

បើយើងស្ថិតក្នុងស្ថានភាពត្រជាក់ខ្លាំង (ប្រើម៉ាស៊ីនត្រជាក់) រាងកាយត្រូវការថាមពលច្រើនដើម្បីរក្សាកម្ដៅឲ្យកក់ក្ដៅ។ គេងក្នុងសីតុណ្ហភាពត្រជាក់អាចជួយដុតបំផ្លាញកាឡូរី និងសម្រកគីឡូបានខ្លះ។