បើមានកំហុសឆ្គងណាមួយ សូមប្រាប់ពួកយើងដើម្បីកែតម្រូវ
បើមានកំហុសឆ្គងណាមួយ សូមប្រាប់ពួកយើងដើម្បីកែតម្រូវ
ថ្វីត្បិតតែ Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនក៏ពិតមែន ប៉ុន្តែពួកយើងពិតជាស្វាគមន៍រាល់មតិកែលម្អិតទាំងអស់របស់លោកអ្នកដែលតែងតែតាមដាន Hello គ្រូពេទ្យ ជាប្រចាំ។ សូមវាយបញ្ចូលមតិយោបល់របស់លោកអ្នកក្នុងប្រអប់ខាងក្រោម។
ពេលខ្លះ តមអាហារជួយឲ្យសុខភាពល្អយើងល្អមែន ប៉ុន្តែក៏មិនគួរតមផ្តេសផ្តាសដែរ ពិសេសបើកំពុងស្ថិតក្នុងស្ថានភាពសុខភាពដូចខាងក្រោមនេះ ច្បាស់ជាវីវរមិនខាន អាចធ្វើឲ្យស្លាប់ទៀត។ តមអាហាររយៈពេលយូរ អាចធ្វើឲ្យប៉ះពាល់ដំណើរការព្យាបាលជំងឺកាន់តែពិបាក។ “Hello គ្រូពេទ្យ” នឹងប្រាប់គ្នាយើង គួរកុំតមអាហារ បើយើងកំពុងតែ៖
១- មានជំងឺសម្រាកនៅមន្ទីរពេទ្យ
បើយើងកំពុងមានបញ្ហាសុខភាពរ៉ាំរ៉ៃ ឬកំពុងសម្រាកព្យាបាលក្រោយពេលវះកាត់ នៅឯមន្ទីរពេទ្យ មិនត្រូវតមអាហារដាច់ខាត ត្រូវលេបថ្នាំ និងញ៉ាំអាហារទន់ៗឲ្យការណែនាំ។ ពិសេសបងប្អូនខ្មែរឥស្លាមតែម្តង បើស្ថិតក្នុងអំឡុងពេលពិធីបុណ្យតមអាហារបែបសាសនា មិនគួរចូលរួមតមអាហារឡើយ បើយើងស្ថិតក្នុងស្ថានភាពបែបនេះ។
២- មានជំងឺត្រូវលាង ឬបញ្ចូលឈាម
គ្នាយើងមានជំងឺត្រូវការបញ្ចូល លាងឈាមជាប្រចាំ ឬអ្នកបរិច្ចាគសរីរាង្គ ក៏មិនអាចតមអាហារបានដែរ។ ការសិក្សាចេញផ្សាយក្នុងឆ្នាំ២០១៤ អះអាងថា បើយើងជំងឺមានជំងឺតម្រងនោមរ៉ាំរ៉ៃ គឺប្រឈមខ្ពស់លើកង្វះជាតិទឹក និងកំហាប់ឈាម បើយើងតមអាហារនោះ។ បើនៅតែចចេសតមអាហារ អាចបណ្ដាលឲ្យមុខងារតម្រងនោមចុះខ្សោយ និងមានបញ្ហាកំណកឈាម។
ក្រុមអ្នកស្រាវជ្រាវរកឃើញទៀតថា អ្នកមានជំងឺខ្សោយតម្រងនោម និងធ្លាប់មានប្រវត្តិឈឺបេះដូង អាចជួបប្រទះនូវបញ្ហាជំងឺសរសៃឈាមបេះដូងសំខាន់ៗ កើតមានញឹកញាប់អំឡុងពេលតមអាហារ។ ប៉ុន្តែ បញ្ហានេះអាចដឹងមុន តាមរយៈការពិនិត្យមើល មានកំណើនកម្រិតមុខងារតម្រងនោម (Creatinine) ក្នុងឈាម ឬអត់។
អត្ថបទពាក់ព័ន្ធ៖
៣- បង្ករោគស្រួចស្រាវ
បើយើងមានការឆ្លងមេរោគ ដូចជា ឈឺបំពង់កធ្ងន់ធ្ងរ គ្រុនក្ដៅខ្លាំង ក្អួតចង្អោរ ឬមានជំងឺអេដស៍ មិនត្រូវតមអាហារដាច់ខាត។
៤- មានបញ្ហាប្រព័ន្ធរំលាយអាហារធ្ងន់ធ្ងរ
សម្រាប់អ្នកមានបញ្ហារំលាយអាហារធ្ងន់ធ្ងរ ដូចជា ច្រាលអាស៊ីដក្រពះ ឬក្រហាយដើមទ្រូង យកល្អគួរញ៉ាំអាហារដោយប្រុងប្រយ័ត្ន។ ទោះជាការតមអាហារ អាចកាត់បន្ថយបរិមាណអាស៊ីដក៏ពិតមែន តែការមើលឃើញ ឬទទួលក្លិនអាហារ ធ្វើឲ្យខួរក្បាលផ្ដល់សញ្ញាដល់ក្រពះ បញ្ចេញអាស៊ីដកាន់តែច្រើន។ កើនជាតិអាស៊ីដក្នុងក្រពះ ក្រហាយទ្រូង និងចង្អោរអាចជាបញ្ហាធ្ងន់ធ្ងរ។
ការសិក្សាមួយ បានសន្និដ្ឋានថា ស្រីៗមានជំងឺដំបៅក្រពះធ្ងន់ធ្ងរ ប្រឈមគ្រោះថ្នាក់ខ្ពស់ ហូរឈាម និងធ្លាយក្រពះច្រើនជាងប្រុសៗ បើហ៊ានតែតមអាហារ ពិសេសបងប្អូនខ្មែរឥស្លាម ដែលចូលរួមពិធីបុណ្យរ៉ាមម៉ាដាន។
៥- ឈឺក្បាលប្រកាំង ឬវិលមុខ
ឈឺក្បាលខ្លាំងអំឡុងពេលតមអាហារ បណ្ដាលមកពីកង្វះជាតិទឹក និងគ្មានអាហារូបត្ថម្ភគ្រប់គ្រាន់ គេងមិនគ្រប់គ្រាន់ ស្ថិតនៅក្រោមកម្ដៅព្រះអាទិត្យយូរពេក។ អាការៈបែបនេះ អាចចៀសវាងបាន បើយើងផ្លាស់ប្តូររបៀបរស់នៅ ដូចជា អំឡុងពេលតម ឬពេលញ៉ាំអាហារត្រូវ ត្រូវញ៉ាំទឹក ១ កែវជាមុន និងសម្រាកឲ្យគ្រប់គ្រាន់ចន្លោះពេលតមអាហារ។
បើយើងមានស្ថានភាពជំងឺបែបនេះ ក៏មិនចាំបាច់តមអាហារដូចគេឯងដែរ ជួនកាលតមអាហារ អាចធ្វើឲ្យសភាពជំងឺប្រែជាធ្ងន់ធ្ងរ ហេតុនេះត្រូវញ៉ាំអាហារ និងលេបថ្នាំទាន់ពេលវេលា។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Specific Disease Persons Suggested Not Fasting. http://www.cnnindonesia.com/gaya-hidup/20150617101258-255-60505/people-benefits-of-recommended-not-fasting. Accessed May 30, 2017.
Ramadan health FAQs. http://www.nhs.uk/Livewell/Healthyramadan/Pages/faqs.aspx. Accessed May 30, 2017.
Ramadan health guide. https://www2.warwick.ac.uk/services/equalops/resources/a_guide_to_healthy_fasting.pdf. Accessed May 30, 2017.
Have Liver Disease, Can Fasting? https://health.detik.com/read/2013/07/12/140840/2300873/763/papa-penyakit-hati-can-being- fasting. Accessed May 30, 2017.
Fasting during the month of Ramadan among patients with chronic kidney disease: renal and cardiovascular outcomes. https://academic.oup.com/ckj/article/7/4/348/776943/Fasting-during-the-month-of-Ramadan -among-patients. Accessed May 30, 2017.
Ramadan and Diabetes. http://www.joslin.org/info/Ramadan-and-Diabetes.html. Accessed May 30, 2017.
