រអ៊ូរទាំរឿងអត់កូន ត្រូវដឹងអាហារគួរញ៉ាំ និងមិនគួរញ៉ាំ

រៀបការយូរហើយ នៅតែគ្មានអូនៗនឹងគេ មានអារម្មណ៍ឯកាណាស់ ក៏មិនដឹងមកពីមូលហេតុអ្វីឲ្យប្រាកដ។ គ្នាយើងខ្លះ ដឹកដៃប្តីប្រពន្ធទៅសួរពេទ្យ ពិនិត្យហើយពេទ្យថា “ធម្មតាទេ” តែប្រឹងយ៉ាងណានៅតែគ្មាន។ ដឹងអត់ រឿងអត់កូន ក៏អាចដោយសារតែរបបអាហារយើងញ៉ាំរាល់ថ្ងៃហ្នឹងឯង ធ្វើឲ្យមិនអាចមានអូនៗគួរឲ្យស្រលាញ់បាន។

ការសិក្សាថ្មីរបស់មហាវិទ្យាល័យវេជ្ជសាស្ត្រ នៃសាកលវិទ្យាល័យ Harvard បង្ហាញថា របបអាហារ និងការមានផ្ទៃពោះ គឺជាប់ទាក់ទងគ្នា។ ហើយបើយើងដឹងច្បាស់ពីរបបអាហារគួរញ៉ាំ និងមិនគួរ អាចជួយឲ្យមេជីវិតញី មានសុខភាពល្អ ងាយបង្កកំណើត។

១- ពពួកអាហារសម្បូរកាបូអ៊ីដ្រាត

គួរញ៉ាំអាហារចម្រុះសម្បូរកាបូដអ៊ីដ្រាតឲ្យបានច្រើន និងដាច់ខាត ព្យាយាមកាត់បន្ថយអាហារណាមានកាបូអ៊ីដ្រាតកែច្នៃ ព្រោះរាងកាយយើង អាចកិនរំលាយយ៉ាងរហ័សនូវពពួកកាបូអ៊ីដ្រាតមិនល្អ ដូចជា នំ Cookies នំបុ័ងស នំ នឹងបំប្លែងទៅជាស្ករក្នុងឈាមយ៉ាងគំហុក។ លំពែង មាននាទីបង្កើត អាំងស៊ុយលីន ចូលទៅក្នុងចរន្តឈាម ដើម្បីកាត់បន្ថយកំណើនជាតិស្ករក្នុងឈាមឲ្យថយចុះមកប្រក្រតី។ ការសិក្សាបង្ហាញថា កំណើនអាំងស៊ុយលីនក្នុងឈាមខ្ពស់ពេក អាចរារាំងការទុំជ្រុះមេជីវិតញី។

ដោយឡែកសម្រាប់កាបូអ៊ីដ្រាតល្អ ដូចជា ផ្លែឈើ បន្លែ គ្រាប់ធញ្ញជាតិសម្រូប អាហារមានជាតិកាកសរសៃ រាងកាយនឹងកិនរំលាយយឺតៗប៉ុណ្ណោះ ធ្វើឲ្យមានឥទ្ធិពលបន្តិចបន្តួចប៉ុណ្ណោះ ទៅលើកំណើនជាតិស្ករក្នុងឈាម និងអាំងស៊ុយលីន។

២- ខ្លាញ់មិនឆ្អែត

មិនគួរញ៉ាំខ្លាញ់ឆ្អែត (Trans fats) ច្រើនពេកទេ គួរងាកមកញ៉ាំខ្លាញ់មិនឆ្អែតឲ្យបានកាន់តែច្រើន កាន់តែល្អ ដើម្បីជួយសុខភាពយើង។ អាហារ ដូចជា នំកញ្ចប់ ចៀន បំពង ផលិតផលសាច់សត្វ សុទ្ធសឹងសម្បូរខ្លាញ់ឆ្អែត (Trans fats) អាចបង្កើនភាពស៊ាំទៅនឹងអាំងស៊ុយលីន។ ដោយសារអាំងស៊ុយលីន មាននាទីបំប្លែងជាតិស្ករក្នុងឈាម ទៅជាគ្លុយកូស ដើម្បីចិញ្ចឹមកោសិកាផ្សេងៗក្នុងរាងកាយ ហេតុនេះ បញ្ហាស៊ាំជាមួយអាំងស៊ុយលីន ធ្វើឲ្យគ្លុយកូស ពិបាកផ្លាស់ចេញពីចរន្តឈាមទៅក្នុងកោសិកាបាន ក៏ជាមូលហេតុ នាំឲ្យលំពែងបន្តផលិតអាំងស៊ុយលីនជាប់ និងកើនឡើងកាន់តែខ្ពស់ក្នុងឈាម រំខានមេតាបូលីស បង្កជាផលប៉ះពាល់ការទុំជ្រុះមេជីវិតញីតែម្តង។

Foods-to-Avoid-When-You-Have-Ovarian-Cancer

៣- ប្រូតេអ៊ីន

គួរញ៉ាំប្រូតេអ៊ីនពីរុក្ខជាតិដែលសម្បូរជាតិខ្លាញ់ផ្តល់សុខភាពល្អ និងកាឡូរីទាប។ ជាងនេះទៅទៀត ថែមទាំងអាចជួយយើងសម្រកទម្ងន់បានទៀតផង។ អាចរកប្រូតេអ៊ីនទាំងនោះ ពីគ្រាប់ធញ្ញជាតិ ដូចជា សាច់ខាងក្នុងគ្រាប់សណ្តែក ជាដើម។ ប្រូតេអ៊ីនរុក្ខជាតិ ជាអាហារពេញនិយម ជាងអាហារចម្អិតពីសាច់ក្រហមទៅទៀត។

៤- ទឹកដោះមានគ្រប់សមាសធាតុផ្សំ

ស្រីៗចូលចិត្តផលិតផលពីទឹកដោះមានជាតិខ្លាញ់ទាប ជាធម្មតា ជួបប្រទះផលវិបាកច្រើន ពាក់ព័ន្ធរឿងមានផ្ទៃពោះ ជាងគ្នាយើងញ៉ាំផលិតផលទឹកដោះមានជាតិខ្លាញ់ធម្មតា។ អ្នកជំនាញ បានណែនាំឲ្យគ្នាយើង ញ៉ាំអាហារផលិតពីទឹកដោះមានជាតិផ្សំគ្រប់សមាធាតុ ឬជាតិខ្លាញ់ពេញលេញ។ សម្រាប់អាហារផលិតពីទឹកដោះមានជាតិខ្លាញ់ទាប ឬគ្មានជាតិខ្លាញ់គួរកាត់បន្ថយ។

៥- កាហ្វេអ៊ីន

ផឹកកាហ្វេ តែ ក្នុងកម្រិតសមល្មមបានហើយ ត្រូវនៅឲ្យឆ្ងាយពីភេសជ្ជៈមានជាតិស្ករ។ ការសិក្សាបង្ហាញថា កាហ្វេ តែ ២-៣ ពែង មិនមានឥទ្ធិពលរារាំងការទុំជ្រុះមេជីវិតញីឡើយ។

DIY Coffee Scrub to Lighten Your Skin Beauty Hello Doktor

៦- វីតាមីនចម្រុះ

ការសិក្សារបស់សាកលវិទ្យាល័យ Harvard ធ្វើឡើងរយៈពេល ៨ឆ្នាំ គ្នាយើងញ៉ាំវីតាមីនចម្រុះមានផ្ទុកអាស៊ីដហ្វូលិក (Folic Acid) ៤០០មិល្លីក្រាម ជារៀងរាល់ថ្ងៃ ប្រឈមទាបជាមួយជំងឺអារលើស្ត្រី ខណៈជាង ៤០% ស្រីៗមិនសូវញ៉ាំវីតាមីនចម្រុះ តែងលើកឡើងពាក់ព័ន្ធបញ្ហាពិបាកពពោះយកបេប៊ី។

ត្រួតពិនិត្យដោយ

វេជ្ជ. ចាន់ ស៊ីណេត

ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ

អត្ថបទដោយ Meng Vatana · កែ 05/03/2021

រអ៊ូរទាំរឿងអត់​កូន ត្រូវដឹងអាហារ​គួរញ៉ាំ និងមិនគួរញ៉ាំ

១- ពពួក​អាហារ​សម្បូរ​កាបូ​អ៊ីដ្រាត