និយាយដល់មេជីវិតឈ្មោល ប្រុសៗយើងខ្លះ មានបញ្ហា រហូតដល់ថ្នាក់ពិបាកយកកូនក៏មាន។ មានវិធីច្រើន ជួយឲ្យមេជីវិតឈ្មោលមានគុណភាពប្រសើរឡើងវិញ។ តែ “Hello គ្រូពេទ្យ” នឹងលើកយកពីប្រភេទអាហារល្អៗមកប្រាប់៖

១- អាហារជួយមេជីវិតឈ្មោលខ្លាំងជាងមុន

ស៊ុត៖ ញ៉ាំស៊ុត អាចជួយបង្កើនបរិមាណមេជីវិតឈ្មោល និងចលនារបស់វា។ ស៊ុតមានផ្ទុកវីតាមីន E និងប្រូតេអ៊ីនយ៉ាងច្រើន មានតួនាទីការពារមេជីវិតឈ្មោល ពីរ៉ាឌីកាល់សេរីមួយចំនួនដែលធ្វើបរិមាណមេជីវិតឈ្មោលថយចុះ។

ស្ពៃពួយឡេង៖ រាងកាយយើងត្រូវការពពួកអាស៊ីដហ្វូលីក (Folic acid) ដើម្បីផលិតមេជីវិតឈ្មោលដែលមានសុខភាពល្អ។ បើរាងកាយមិនមានអាស៊ីដហ្វូលីកគ្រប់គ្រាន់ទេ មេជីវិតឈ្មោលនឹងមានរូបរាងមិនដូចប្រក្រតីដូចគ្នា។ មេជីវិតឈ្មោលមិនគ្រប់លក្ខណៈ គ្មានកម្លាំងគ្រប់គ្រាន់ចូលទៅជួបអូវុលដែលជាមេជីវិតបន្តពូជញី ដើម្បីបង្កកំណើតបានទេ។ ក្នុងករណី បើទោះជាមេជីវិតឈ្មោល ទៅជួបអូវុល និងអាចបង្កកំណើតបានក៏ពិតមែន ប៉ុន្តែកូនអាចនឹងមានលក្ខណៈមិនប្រក្រតី។ ដើម្បីឲ្យរាងកាយទទួលបានអាស៊ីដហ្វូលីកគ្រប់គ្រាន់ គួរញ៉ាំពពួកស្ពៃពួយឡេង ឬបន្លៃបៃតងផ្សេងទៀត។

ចេក៖ ចេកសម្បូរទៅដោយវីតាមីន A, B1 និង C អាចជួយមេជីវិតឈ្មោលមានសុខភាពល្អ និងជាជំនួយបង្កើនបរិមាណមេជីវិតឈ្មោលថែមទៀតផង។ លើសពីនេះ អង់ស៊ីមកម្រ Bromelain ដែលមានក្នុងផ្លែចេក ក៏មាននាទីបង្កើនបរិមាណ និងចលនារបស់មេជីវិតឈ្មោលដូចគ្នា។

សូកូឡាខ្មៅ៖ សូកូឡាខ្មៅសម្បួរទៅដោយពពួកអាមីណូអាស៊ីដ L-Arginine HCL ដែលអាចបង្កើនបរិមាណទឹកកាម និងចំនួនមេជីវិតឈ្មោល។ ប្រុសៗជាច្រើនជឿថា សូកូឡាខ្មៅនឹងជំរុញការឈានដល់ចំណុចកំពូលកាន់តែខ្លាំងក្លា។

មេជីវិតឈ្មោល Hello គ្រូពេទ្យ (1)

២- អាហារគួរចៀសវាង បើមិនចង់ឲ្យមេជីវិតឈ្មោលចុះខ្សោយ

អាហារកំប៉ុង៖ អ្នកវិទ្យាសាស្ត្រជឿថា សារធាតុ BPA (Bisphenol-A) មាននៅក្នុងប្លាស្ទិកសម្រាប់វេចខ្ចប់ផលិតផលទាំងឡាយ អាចធ្វើឲ្យខ្សោយសុខភាពមេជីវិតឈ្មោល។ ជ័រសម្រាប់ប្រើបិទកំប៉ុងអាហារមានផ្ទុកជាតិ BPA ខ្ពស់ណាស់ ដូច្នេះជម្រើសល្អបំផុត គួរញ៉ាំអាហារស្រស់ៗ និងអាហារដាក់ក្នុងកែវ ដើម្បីចៀសវាងជាតិ BPA។

អត្ថបទគួរអាន៖

ស្រា៖ ស្រា ជាមូលហេតុបំផ្លាញសុខភាពមេជីវិតឈ្មោល។ បើយើងមានបញ្ហាពិបាកយកកូន សូមគិតដល់ការផឹកស្រារបស់យើង។ ផឹកច្រើនដែរទេ? បើផឹកច្រើន ព្យាយាមផ្អាកការផឹក ឬកាត់បន្ថយការផឹកស្រា ក៏អាចជួយយើងមានលទ្ធភាពមានបង្កកំណើតវិញបានដែរ។

ខ្លាញ់ឆ្អែត៖ អាហារសម្បួរជាតិខ្លាញ់ឆ្អែត និងខ្លាញ់មិនឆ្អែត (Mono-unsaturated fat) (ដូចជា សាច់ សាច់ក្រក) ធ្វើឲ្យសុខភាពមេជីវិតឈ្មោលចុះខ្សោយដូចគ្នា។ ដើម្បីមេជីវិតឈ្មោលខ្លាំងក្លា ត្រូវកាត់បន្ថយការញ៉ាំអាហារសម្បូរជាតិខ្លាញ់ទាំងនោះ គួរប្ដូរមកញ៉ាំពពួកខ្លាញ់មិនឆ្អែត ដូចជា ខ្លាញ់អូមេហ្ហា ៣ និងអូមេហ្កា ៦ ជំនួសវិញ ដែលសុទ្ធសឹងពពួកខ្លាញ់ល្អ មាននៅក្នុងគ្រាប់ធញ្ញជាតិ និងអាហារបំប៉ន និងសាច់ត្រីទឹកត្រជាក់ ដូចជា ត្រីសាម៉ុន ជាដើម។

អាហារ​ល្អៗ ប៉ូវ​ឲ្យមេជីវិតប្រុសៗ​កាន់​តែ​ខ្លាំង​ជាង​មុន

១- អាហារ​ជួយ​មេជីវិត​ឈ្មោល​ខ្លាំងជាង​មុន

២- អាហារ​គួរ​ចៀស​វាង​ បើ​មិន​ចង់​ឲ្យ​មេ​ជីវិត​ឈ្មោល​ចុះ​ខ្សោយ

អាហារល្អៗ ប៉ូវឲ្យមេជីវិតប្រុសៗកាន់តែខ្លាំងជាងមុន

១- អាហារជួយមេជីវិតឈ្មោលខ្លាំងជាងមុន

២- អាហារគួរចៀសវាង បើមិនចង់ឲ្យមេជីវិតឈ្មោលចុះខ្សោយ