ការទទួលបានកាឡូរីគឺសំខាន់ណាស់សម្រាប់មុខងាររបស់រាងកាយ ប៉ុន្តែការទទួលបានកាឡូរីច្រើនពេក ឬតិចពេកអាចបង្កបញ្ហាដល់សុខភាពបាន។ ការទទួលកាឡូរីមិនគ្រប់គ្រាន់អាចមកពីយើងមានជំងឺមិនឃ្លានអាហារ តមអាហារ និងបញ្ហាសុខភាពផ្សេង និងអាចបង្កបញ្ហាសុខភាពមួយចំនួន។
១. បញ្ហាបេះដូង
នៅពេលដែលយើងកំណត់បរិមាណកាឡូរីដែលយើងញ៉ាំរយៈពេលយូរ បញ្ហាកង្វះអាហារូបត្ថម្ភអាចនឹងកើតមាន។ គ្នាយើងដែលមានជំងឺមិនឃ្លានអាហារ ងាយប្រឈមនឹងបញ្ហាកង្វះអាហារូបត្ថម្ភ។ ចំណែកឯអ្នកដែលកំណត់បរិមាណកាឡូរី ឬតមអាហារតឹងតែងពេកអាចធ្វើឲ្យការធ្វើមេតាប៉ូលីសយឺតព្រោះរាងកាយស្ថិតក្នុងសភាពស្រេកឃ្លាន និងពន្យឺតមុខងាររាងកាយដើម្បីរក្សាថាមពល។ អ្នកដែលមានបញ្ហាកង្វះអាហារូបត្ថម្ភ ចង្វាក់បេះដូងតែងមិនប្រក្រតី ឬលឿនពេក ព្រោះសាច់ដុំបេះដូងអាចនឹងស្ដើង និងខ្សោយហើយថតបេះដូងអាចនឹងរួមតូចដែលអាចមានជំងឺគាំងបេះដូង។
