ការតាមដានសភាពជំងឺរបស់កូនពិតជាចាំបាច់ និងគួរតែស្វែងយល់ជាមួយអ្នកជំនាញ ដើម្បីដឹងពីការលូតលាស់ និងសុខភាពរបស់កូន។ ក្នុងនោះដែរលោកវេជ្ជបណ្ឌិត លី ឬទ្ធីគុណ ឯកទេសទូទៅបានណែនាំឲ្យម៉ាក់ប៉ាសង្កេត និងស្វែងរកពីមូលហេតុជំងឺមួយចំនួន ព្រមទាំងការមិនញ៉ាំអាហារ ឬញ៉ាំហើយតែមិនឡើងទម្ងន់របស់កូន។

១- ជំងឺស្លេកស្លាំង

អាការៈស្លេកស្លាំង ឬខ្វះគ្រាប់ឈាមក្រហម អាចជារោគសញ្ញារបស់ជំងឺសាហាវៗមួយចំនួន ដូចនេះត្រូវនាំកូនទៅពិគ្រោះជាមួយគ្រូពេទ្យជំនាញ ដើម្បីស្វែងរកមូលហេតុ និងការព្យាបាលទាន់ពេលវេលា។ ការសង្កេតមើលថា តើកូនស្លេកស្លាំង ឬអត់នោះ ម៉ាក់ប៉ាអាចដឹងតាមរយៈកូនមានអាការៈ នឿយហត់ ខ្សោយ ដង្ហក់ ឆាប់ហត់ជាងធម្មតា ដកដង្ហើមញាប់ សាច់ស្បែកឡើងស្លេក ឬលឿង ពណ៌ខុសប្រក្រតីពីស្បែកដើម។ មួយវិញទៀតអាចសង្កេតលើបបូរមាត់ ឬផ្នែកក្នុងត្របកភ្នែកខាងក្រោម តែបើសិនចង់ដឹងច្បាស់លាស់ ត្រូវជោះឈាមពិនិត្យមើលពណ៌ និងចំនួនរបស់គ្រាប់ឈាមក្រហម។

២- កង្វះអាហារូបត្ថម្ភ

កង្វះអាហារូបត្ថម្ភនេះ អាចមកពី ២ ករណីទី១ កូនមិនបានញ៉ាំអាហារល្អៗសម្បូរជីវជាតិ ព្រោះតែជីវភាពខ្វះខាត និងទី២ មកពីមិនដឹងពីប្រភេទចំណីអាហារល្អសម្រាប់កូន ទាំងដែលជីវភាពសមគួរ។ ដូចនេះគួរតែទៅជួបអ្នកជំនាញ ដើម្បីសាកសួរពីព័ត៌មានចំណីចំណុកល្អសម្រាប់ការលូតលាស់ និងសុខភាពកូន។

៣- កូនមិនញ៉ាំចំណីអាហារ

បញ្ហានេះអាចមកពីចំណីអាហារដែលកូនមិនចូលចិត្ត ឬមិនធ្លាប់ញ៉ាំ ដូចនេះដើម្បីកែប្រែទម្លាប់ យើងអាចទៅពិភាក្សាជាមួយក្រុមអ្នកជំនាញ ដើម្បីបង្ហាត់បង្ហាញពីរបៀបរៀបចំចំណីចំណុកឲ្យកូនចង់ញ៉ាំ។

អត្ថបទពាក់ព័ន្ធ៖

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយគ្រូពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

ម៉ាក់ប៉ាត្រូវតាមដាន ជំងឺស្លេកស្លាំង ខ្វះអាហារូបត្ថម្ភ និងកូនមិនញ៉ាំចំណីអាហារ

១- ជំងឺ​ស្លេកស្លាំង

២- កង្វះ​អាហារូបត្ថម្ភ

៣- កូន​មិន​ញ៉ាំ​ចំ​ណី​អាហារ

១- ជំងឺស្លេកស្លាំង

២- កង្វះអាហារូបត្ថម្ភ

៣- កូនមិនញ៉ាំចំណីអាហារ