backup og meta

ពេលពពោះ ខ្វះអាហារូបត្ថម្ភ ប៉ះពាល់ទាំងខ្លួនឯង និងកូន

ត្រួតពិនិត្យដោយ វេជ្ជ. ចាន់ ស៊ីណេត · ម​ន្ទីរពេទ្យបង្អែកមិត្តភាពកម្ពុជា-ចិន សែនសុខ


អត្ថបទ​ដោយ Try Ravi · កែ Apr 28, 2021

    ពេលពពោះ ខ្វះអាហារូបត្ថម្ភ ប៉ះពាល់ទាំងខ្លួនឯង និងកូន

    នៅពេលឃើញកូនមានសភាពស្គមស្គាំង ស្លេកស្លាំង ប្រាកដជាថាមកពីខ្វះអាហារូបត្ថម្ភ ដោយកូនមិនបានបៅគ្រប់គ្រាន់ និង ហូបចុកគ្រប់គ្រាន់។ តែករណីខ្លះមិនមែនមកពីក្មេងឡើយ គឺខ្លួនយើងជាម៉ាក់ៗនេះឯងជាដើមហេតុ។ ករណីកង្វះអាហារូបត្ថម្ភចំពោះកុមារ មិនមែនមានក្រោយពេលកើតនោះទេ តែមកពីម៉ាក់ៗខ្វះពេលពពោះតែម្ដង។ នេះជាការលើកឡើងរបស់លោកវេជ្ជបណ្ឌិត អៀប តិចឆេង ឯកទេសកុមារ និងជំងឺផ្លូវដង្ហើម នៅមន្ទីរពេទ្យកុមារជាតិ។

    លោកវេជ្ជបណ្ឌិតក៏បានបន្ថែមទៀតថា ប្រសិនបើកូនខ្វះអាហារូបត្ថម្ភ គឺមកពីម្ដាយខ្លួនឯង ពេលមានផ្ទៃពោះ មានបញ្ហាខ្វះអាហារូបត្ថម្ភ។ តែក៏មានករណីខ្លះ ម៉ាក់ៗបានបំប៉នសុខភាពល្អ ដើម្បីត្រៀមខ្លួនធ្វើម្ដាយ កូនកើតខ្វះអាហារូបត្ថម្ភក៏មានដែរ ដោយសារកត្តាផ្សេងៗ ដូចជា ចាញ់កូនខ្លាំងមិនអាចញ៉ាំអ្វីបាន មិនបានលេបថ្នាំតាមវេជ្ជបញ្ជាត្រឹមត្រូវ និងមានជាច្រើនទៀត។

    “បញ្ហាខ្វះអាហារូបត្ថម្ភនេះ បើម្ដាយខ្វះ នឹងនាំឲ្យកូនខ្វះ ហើយបើម្ដាយហ្នឹងលើស កូនក៏លើសដូចគ្នាដែរ ដែលនេះហៅថា វដ្ដ”។  វេជ្ជបណ្ឌិតឯកទេសកុមាររូបនេះក៏បានលើកឡើងថា អំឡុងពពោះ តែកាលណាខ្វះមីក្រូសារធាតុ អាចធ្វើឲ្យទារកជួបបញ្ហាជាច្រើន។ រីឯម៉ាក់ៗវិញក៏ប៉ះពាល់ដែរ ដោយសុខភាពមិនសូវល្អ ឈឺញឹកញាប់ រាងកាយស្គមស្គាំង គ្មានកម្លាំងកំហែង ជាដើម។

    លោកបានបន្ថែមទៀតថា ភាគច្រើនមីក្រូសារធាតុដែលស្ត្រីមានផ្ទៃពោះខ្វះ មានដូចជា អាស៊ីដហ្វូលិក ជាតិអ៊ីយ៉ូដ ជាតិដែក។ ដូចនេះ ស្រីៗគួរថែទាំសុខភាពឲ្យបានល្អ តាំងពីមុនមានផ្ទៃពោះ ហើយលេបថ្នាំប្រភេទពពួកវីតាមីនមួយចំនួន។ មួយវិញទៀត ការត្រៀមខ្លួនជាម៉ាក់ៗគេ មិនមែនពេលដឹងខ្លួនថាមានផ្ទៃពោះឡើយ តែគួរមានផែនការយកកូន ទើបល្អទាំងម្តាយទាំងកូន។

    មុនពេលមុនផ្ទៃពោះ ស្ត្រីគួរញ៉ាំអាហារ និងសារធាតុចិញ្ចឹមសំខាន់ៗឲ្យបានគ្រប់គ្រាន់ ទើបកូនកើតមកប្រកបដោយសុខភាពល្អ ហើយម៉ាក់ៗក៏មានភាពស្រស់ថ្លា។ ដូចនេះ ពេលមានផែនការត្រឹមត្រូវ ម៉ាក់ៗគួរទៅជួបពេទ្យ ដើម្បីឲ្យគ្រូពេទ្យណែនាំពីប្រភេទអាហារ និងពពួកថ្នាំដែលល្អដល់ការមានកូន។

    ផលប៉ះពាល់ចំពោះកូន ពេលម៉ាក់ៗខ្វះអាហារូបត្ថម្ភអំឡុងពេលពពោះ៖

    – លូតលាស់យឺត

    – សរីរាង្គលូតលាស់មិនគ្រប់

    – ប៉ះពាល់ការលូតលាស់ខួរក្បាល

    – ស្លេកស្លាំង

    – កូនកើតមកមិនគ្រប់គីឡូ

    – កូនអាចកើតមុនខែ

    – រាងកាយមិនរឹងមាំ និងងាយប្រឈមនឹងជំងឺផ្សេងៗ។

    បដិសេធ

    Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

    ត្រួតពិនិត្យដោយ

    វេជ្ជ. ចាន់ ស៊ីណេត

    · ម​ន្ទីរពេទ្យបង្អែកមិត្តភាពកម្ពុជា-ចិន សែនសុខ


    អត្ថបទ​ដោយ Try Ravi · កែ Apr 28, 2021

    advertisement iconផ្សព្វផ្សាយពាណិជ្ជកម្ម

    តើអត្ថបទនេះមានប្រយោជន៍ដែរទេ?

    advertisement iconផ្សព្វផ្សាយពាណិជ្ជកម្ម
    advertisement iconផ្សព្វផ្សាយពាណិជ្ជកម្ម