វ៉ាក់សាំងបង្ការវីរុសកូវីដ១៩ ផលិតដោយក្រុមហ៊ុនចិន Sinovac Biotech ត្រូវបានក្រុមអ្នកស្រាវជ្រាវរកប្រេស៊ីលរកឃើញថាមានប្រសិទ្ធភាពជាង៥០ភាគរយ ខណៈកាលពីសប្ដាហ៍មុនអាជ្ញាធរប្រកាសថាមានប្រសិទ្ធភាពដល់ជាង៧០ភាគរយ។
ត្រួតពិនិត្យដោយ វេជ្ជ. ចាន់ ស៊ីណេត · ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
វ៉ាក់សាំងបង្ការវីរុសកូវីដ១៩ ផលិតដោយក្រុមហ៊ុនចិន Sinovac Biotech ត្រូវបានក្រុមអ្នកស្រាវជ្រាវរកប្រេស៊ីលរកឃើញថាមានប្រសិទ្ធភាពជាង៥០ភាគរយ ខណៈកាលពីសប្ដាហ៍មុនអាជ្ញាធរប្រកាសថាមានប្រសិទ្ធភាពដល់ជាង៧០ភាគរយ។
វ៉ាក់សាំងSinovac បានធ្វើតេស្តនៅក្នុងប្រទេសប្រេស៊ីល ហើយក្រុមអ្នកស្រាវជ្រាវបានអះអាងនៅថ្ងៃទី១២ ខែមករា កន្លងទៅនេះថាវ៉ាក់សាំងនេះមានប្រសិទ្ធភាពមានត្រឹម៥០,៤ភាគរយ ខណៈសប្ដាហ៍មុន អ្នកទាំងនេះថាមានរហូតដល់៧៨ភាគរយ។
ប្រទេសមួយចំនួនដូចជាឥណ្ឌូណេស៊ី តួគី និងសិង្ហបុរី ជាដើម សុទ្ធតែបានបញ្ជាទិញវ៉ាក់សាំងពីក្រុមហ៊ុន Sinovac Biotech នេះដែរ។
កាលពីសប្ដាហ៍មុន ក្រុមអ្នកស្រាវជា្រវប្រទេសប្រេស៊ីលបានធ្វើសេចក្ដីសន្និដ្ឋានថាការសាកល្បងក្នុងប្រទេសប្រស៊ីល វ៉ាក់សាំងបង្ការកូវីដ១៩ Sinovac មានប្រសិទ្ធភាពប្រឆាំងរោគសញ្ញាកូវីដ១៩ ពីកម្រិតស្រាលទៅធ្ងន់ធ្ងរបាន៧៨ភាគរយ។
ប៉ុន្តែនៅថ្ងៃអង្គារកន្លងទៅនេះ ក្រុមអ្នកស្រាវជ្រាវដដែលបានបញ្ជាក់ថាតួលេខខាងលើមិនបានបូកបញ្ជូលក្រុមអ្នកដែលមានការឆ្លងកម្រិតស្រាលមែនទែន នោះទេ ក្នុងចំណោមអ្នកដែលបានទទួលវ៉ាក់សាំង។ ដោយបូកបញ្ជូលក្រុមទាំងនេះទៀត ប្រសិទ្ធភាពវ៉ាក់សាំងបានត្រឹម៥០,៤ភាគរយ។
កន្លងមក ការធ្វើតេស្តវ៉ាក់សាំងSinovac បានបង្ហាញលទ្ធផលផ្សេងៗគ្នាទៅតាមប្រទេសផ្សេងគ្នា។ កាលពីខែមុន ប្រទេសតួគី បានបញ្ជាក់ថាវ៉ាក់សាំងSinovac មានប្រសិទ្ធភាពរហូតដល់៩១,២៥ភាគរយ ខណៈឥណ្ឌូណេស៊ី ដែលបានចាប់ផ្ដើមប្រើវ៉ាក់សាំងនេះ ថាមានប្រសិទ្ធភាព៦៥,៣ភាគរយ។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ