សុខភាពទូទៅ

យើង​សុទ្ធ​តែ​ដឹង​ច្បាស់​ហើយ ហាត់​ប្រាណ​​ជួយ​ឲ្យ​សុខភាព​ល្អ រស់​បាន​យូរ​។ ជាក់​ស្តែង ទម្លាប់រស់នៅមិន​ហាត់​ប្រាណ ឬ​ហាត់តិចតួចរបស់​ពលរដ្ឋ​អង់គ្លេស នាំ​ឲ្យ​មួយ​ឆ្នាំ​ៗ​មាន​មនុស្ស​ស្លាប់​ដល់​ទៅ ៥ ម៉ឺននាក់ ក្នុង​នោះ​ ១២% សុទ្ធ​តែ​មនុស្ស​មិន​សូវ​ហាត់​ប្រាណ។  ការសិក្សាថ្មី​មួយធ្វើ​ឡើង​ផ្តោត​សំខាន់​​កំណត់​ផលប៉ះពាល់ក្នុង​ទម្លាប់រស់នៅ ការចំណាយ​សេវាសុខាភិបាល​ជាតិ និងកំណើន​អ្នកស្លាប់​នៅ​អង់គ្លេស ខណៈសិក្សា​បន្ទាប់​ផ្តោត​សំខាន់​លើ​ក្រុម​មនុស្ស​ធ្វើ​ការ​ ចាំបាច់​ត្រូវហាត់ប្រាណ ១​ ម៉ោង ដូចជា ដើរ ដើម្បី​ទប់ទល់​នឹង​ផលប៉ះពាល់​​រយៈពេល ១ ​ថ្ងៃ នៅ​ក្នុង​ការិយាល័យ។ អ្នកស្រាវជ្រាវបញ្ជាក់​ថា ៣០​% ក្នុង​ចំណោម​​មនុស្ស​ពេញវ័យនៅ​អង់គ្លេស បាន​ចំណាយពេល​យ៉ាងតិច ៦ ​ម៉ោង/ថ្ងៃ ជាមួយ​ការ​ធ្វើ​សកម្មភាព​តិចតួច​ប៉ុណ្ណោះអំឡុង​ថ្ងៃ​ធ្វើការ និង​កើនឡើងដល់ ៣៧​% នៅ​ថ្ងៃ​ចុងសប្ដាហ៍។ ការសិក្សា​នេះ រួមមាន​ទិន្នន័យ​ពី​ការ​សិក្សា​ជាច្រើន ​ពិនិត្យ​ភាព​ជំពាក់​ជំពិន​រវាង​ការ​អង្គុយ​យូរ និង​ហានិភ័យ​នៃ​ជំងឺផ្សេងៗ។ គំរូ​សិក្សា​ដោយ​សាកលវិទ្យាល័យ Queen’s University បង្ហាញ​ថា ពលរដ្ឋ​អង់គ្លេស​ជាង ៦.៩០០០​នាក់ បាន​ស្លាប់​ក្នុង​មួយ​ឆ្នាំ ពាក់ព័ន្ធ​ជាមួយ​នឹង​ការ​ធ្វើសកម្មភាព​​តិចតួច។ អ្នកស្រាវជ្រាវបន្ថែម​ថា ផលប៉ះពាល់​ក្នុង​ទម្លាប់​រស់​នៅ កាន់​តែ​បង្ក​ការ​ប្រឈម​ខ្ពស់​ជាមួយ​ជំងឺ​ជាច្រើន ដូចជា​ ជំងឺ​បេះដូង ទឹកនោមផ្អែម និង​មហារីក សរុប​ទៅស្មើ​ប្រមាណ​ជិត ១​ ប៊ី​លាន​ដុល្លារក្នុង​ការ​ចំណាយ​សេវា​សុខាភិបាល​ជាតិ​ប្រចាំ​ឆ្នាំ។ ការសិក្សា​​ពីមុនបាន​បង្ហាញ​ថា ការចំណាយពេល​អង្គុយ​នៅ​តុ​ធ្វើការ ដោយគ្មាន​សកម្មភាព​រាងកាយ […]

យើង​ប្រហែល​ធ្លាប់​ឮ ធ្លាប់ដឹង​​ហើយ ជប៉ុន​ស្ថិតក្នុង​ចំណោម​ប្រទេស​មាន​អត្រា​ពលរដ្ឋ​អាយុវែង​ជាងគេលើលោក ពិសេស​ទឹក​ដី​នៃ​កោះ អូគីណាវ៉ា គឺសម្បូរមនុស្សរស់នៅមាន​អាយុ​រហូតដល់លើស ១០០​ឆ្នាំ។ ពលរដ្ឋលើ​កោះ​នេះ ២/៣ នៅធ្វើការ​បាន​ដោយ​ខ្លួន​ឯង ក្នុង​វ័យ ៩៧ ​ឆ្នាំ មាន​ន័យ​ថា អាចនៅផ្ទះផ្ទាល់​ខ្លួន ចម្អិន​អាហារ​ដោយ​ខ្លួនឯង និង​រស់នៅ​ពឹងផ្អែក​លើ​ខ្លួន​ឯងទាំង​ស្រុង។ “Hello គ្រូពេទ្យ” នឹង​បង្ហាញ​ទម្លាប់​រស់នៅ​ជនជាតិ​ជប៉ុន ដែលជាមូលហេតុពិត​ជួយឲ្យ​រស់​បានលើស​ ១០០ ឆ្នាំ។​ យោង​តាម​ការ​ស្រាវ​ជ្រាវ​ចុះ​ផ្សាយ​លើ​បណ្តាញ​ព័ត៌​មាន CNN បាន​ឲ្យដឹង​ថា ទោះបីជាពលរដ្ឋ​រស់នៅ​លើ​កោះ​ អូគី​ណាវ៉ា មិនរត់ហាត់​ប្រាណ​នៅ​ខាងក្រៅ ឬ​ទៅ​កន្លែង​ហាត់ប្រាណ​នានា ក៏​ពួកគេភាគច្រើនប្រមូលផ្ដុំ​គ្នា​នៅតាម​សួនច្បារ ហាត់​ថៃជី ជិះកង់ និង​លេង​កីឡា (Gateball) ជាមួយ​មិត្តភ័ក្តិ។ ចំណែក​របប​អាហារ​របស់​អ្នក​កោះ​អូគីណាវ៉ា គឺជា​មេរៀនដ៏មាន​តម្លៃ​មួយដែល​មនុស្ស​ទូទៅ​គួរ​យក​គំរូ​តាម។ ទស្សនវិទ្យា​ជប៉ុន “Hara Hachi Bu” មានន័យ ឈប់​ញ៉ាំ នៅ​ពេលយើង​ឆ្អែត ៨០ ​ភាគរយ។ ប្រទេស​នេះ ក៏គ្មាន​វប្បធម៌ “បង្ហើយ​បាត​ចាន” នាំឲ្យការ​ញ៉ាំ​អាហារ​ឆ្អែត​ពេក​នោះដែរ។ ជាមួយ​គ្នានេះ ទម្លាប់​​ញ៉ាំ​អាហារ​នៅ​​ជប៉ុន ត្រូវបាន​ដាក់​ក្នុង​ប្រអប់ មាន ៦​ ថត​តូចៗ ហើយរបៀប​ដាក់​​អាហារ​ក្នុង​ថត​តូចៗច្រើន​បែបនេះ ធ្វើ​ឲ្យ​ជនជាតិ​ជប៉ុន […]

ពន្លៃ​ជា​រុក្ខជាតិ​ប្រទាល​ម្យ៉ាង​មាន​ដើម​ខ្ពស់​ប្រហែល ២ម៉ែត្រ មានស្លឹក ផ្កា ​មើម អាច​ដុះ​នៅ​ក្នុង​ព្រៃ ឬ​ចាស់ៗ​តែង​ចំណាំ​ដាំ​តាម​របង​ផ្ទះ។ មើម​ពន្លៃ​មាន​រូបរាង​ស្រដៀងនឹងខ្ញី តែ​ពណ៌​លឿង​ជាងខ្ញី ឯក្លិនវិញប្រហើរ ភាគច្រើន​គេ​យក​មក​ព្យាបាល​បញ្ហា​សរសៃ ធ្វើជា​ថ្នាំ​សម្រាប់​ស្រី​ៗទើប​សម្រាល​កូន​ហើយ​ឲ្យ​ឈាម​ដើរ​ល្អ ឆាប់​រឹង​សរសៃ ស្បែក​ស្អាត​ផូរផង់។​ មិន​ត្រឹម​តែ​មើម​នោះ​ទេ​ដែល​ជួយ​សម្រួល​បញ្ហា​គ្រេច​ថ្លោះ ថែរក្សា​សម្រស់ ស្លឹក ដើម ឫស ផ្កា និង​ផ្លែ របស់​ពន្លៃ​ក៏ប្រើ​ដើម្បី​ព្យាបាល​ជំងឺ​ជា​ច្រើន​មុខ​ នេះ​បើ​តាម​ការ​ចុះ​ផ្សាយ​នៅ​ក្នុង​សៀវភៅ រុក្ខជាតិ​ឱសថ​កម្ពុជា ដែល​ចង​ក្រង​ដោយ​គណៈ​កម្មការ​ស្រាវជ្រាវ​វេជ្ជសាស្ត្រ​បុរាណ។ អត្ថប្រយោជន៍របស់ពន្លៃ មើម៖ ធ្វើ​ឲ្យ​រដូវ​ស្រីៗដើរ​ទៀង ព្យាបាល​ឈាម​ច្រមុះ រលាក​ពោះវៀន រាកមួល ឈឺធ្មេញ ក្អួត​ធ្លាក់​​ឈាម គ្រេចថ្លោះ បូស រោគសើស្បែក ផ្សះដំបៅ។ ស្លឹក៖ ព្យាបាលអាការៈ​ស្រៀវស្រាញ ចុករួយ​ដៃជើង​រាងកាយ។ ផ្កា៖ ព្យាបាល​បញ្ហា​ជាំក្នុង រំលាយដុំឈាម រំលាយឈាមអាក្រក់ ទម្លាក់ឈាមរដូវ។ ដើម៖ ជួយសម្រួលការបត់ជើងធំ ឫស៖ ព្យាបាលក្អួតឈាម ឈាមច្រមុះ។ កម្រិតប្រើ ដាំទឹកផឹកក្នុង ១ថ្ងៃ ២០-៣០ ក្រាម ។ ក្នុង​ករណី​មាន​សំណួរ ឬ​មន្ទិលសង្ស័យ​ជុំវិញ​សុខភាព​អ្នក ជម្រើស​ល្អ​បំផុត សូម​ពិគ្រោះ និង​ប្រឹក្សា​យោបល់​ផ្ទាល់​ជាមួយ​ពេទ្យ​ជំនាញ។ Hello Health Group មិន​ចេញ​វេជ្ជបញ្ជា […]

អ្នកជំនាញ ព្រមាន​ពី​ករណី​មនុស្ស​រាប់​ពាន់​នាក់អាច​នឹង​ស្លាប់ ក្រោយអូស្រ្ដាលីកំពុង​ប្រឈម​មុខ​ខ្លាំង​ជាមួយ​ការ​ផ្ទុះ​ឡើង​ជំងឺ​គ្រុន​ផ្តាសាយ ដោយពលរដ្ឋជិត ២៧.០០០​នាក់ នៅ​ដើមឆ្នាំ ​២០១៩ បាន​ឆ្លង​មេរោគ​ផ្តាសាយ ហើយ​ត្រឹមមីនា មាន​តួលេខ​អ្នក​កើត​ផ្ដាសាយ រហូត​ដល់ ១​០.០០០នាក់។ ។ អង្គការបង្ការការពារជំងឺ​ផ្តាសាយ​ប្រទេស​អូស្ត្រាលី Immunisation Coalition បញ្ជាក់ថា រដូវ​ផ្ដាសាយ​ឆ្នាំ​នេះ គឺធ្ងន់ធ្ងរខ្លាំង​ជាង​ឆ្នាំ​មុនៗ ដោយ​សារ​ពលរដ្ឋ​ជាច្រើនស​ពុំបាន​ទទួល​វ៉ាក់សាំង កាលពី​ឆ្នាំ​កន្លងទៅ។ អង្គការ​នេះ បាន​ព្រមាន​ថា ជំងឺ​ផ្ដាសាយ អាចនឹង​សម្លាប់​មនុស្ស យ៉ាងតិច ៤​ពាន់​នាក់ នៅ​ឆ្នាំ​ ២០១៩ នេះ។ កាលពី​ឆ្នាំ ២០១៨ ជំងឺ​ផ្ដាសាយ ពុំផ្ទុះឡើង​ខ្លាំង​នោះទេ នាំ​ឲ្យ​អាជ្ញាធរ មិន​បាន​បង្កើត​ផែន​ការ​បង្ការ​ឲ្យ​បាន​​គ្រប់គ្រាន់​នៅ​ក្នុង​សហគមន៍​ ​ធ្វើឲ្យ​មនុស្ស​ជាច្រើន​ងាយ​ឆ្លង​ជំងឺ​ផ្ដាយ​។ ពលរដ្ឋអូស្រ្ដាលី​ជាច្រើន បាន​ឆ្លង​មេរោគ​ផ្តាសាយ បន្ទាប់​ពី​ទៅ​កម្សាន្ដ​នៅ​តំបន់ Hemisphere ខាងជើង អំឡុង​ថ្ងៃ​សម្រាក ខណៈ​តំបន់នោះ ត្រជាក់​គ្រប់រដូវ។ ជាមួយ​គ្នានេះដែរ ជំងឺ​ផ្ដាសាយ ចម្លងទៅ​ក្នុង​សហគមន៍​តាមរយៈ​សិស្ស​បឋមសិក្សា ដែល​មាន​ផ្ទុក​វីរុស​នេះ។ ក្នុង​នោះ អត្រា​ជំងឺផ្ដាសាយ កើនឡើង​លើ​សិស្ស​បឋម​សិក្សា ថ្នាក់​ទី១ និង​ទី ២ ហើយតំបន់ New South […]

បច្ចេកវិទ្យា​ទំនើប បច្ចុប្បន្ន​ការ​វេច​ខ្ចប់​ចំណី​អាហារ​កាន់​តែ​ទាន់​សម័យ មិន​ប្រើ​ស្លឹក​ចេក ស្លឹក​ឈូក ដូច​ជំនាន់​មុន​នោះ​ទេ ដោយ​ជំនួស​មក​វិញ​នូវ​ការ​ច្រក​ថង់​ប្លាស្ទិច ប្រអប់ ឬ​ចាន​ស្នោ ដែល​ស្រួល​ប្រើ ស្រាល មិន​ព្រួយ​រឿង​ជ្រាប​ទឹក។ ការ​វេច​ខ្ចប់​បែប​ទំនើប​ត្បិត​ជួយ​សម្រួល​ដល់​ការ​រស់នៅ​ប្រចាំ​ថ្ងៃ​ក៏​ពិត​មែន ប៉ុន្តែ​បើ​និយាយ​ពី​ផល​ប៉ះពាល់​វិញ​ធ្ងន់ធ្ងរ​បំផុត ទាំង​ផ្នែក​បរិស្ថាន និង​សុខភាព​។ នេះ​បើ​តាម​ការ​បញ្ជាក់​របស់​លោកវេជ្ជបណ្ឌិត ចាន់ ស៊ីណេត ឯកទេស​ជំងឺ​ទូទៅ។ ជាទូទៅ​ថង់​ប្លាស្ទិច ចាន ឬ​ប្រអប់​ស្នោ ត្រូវ​បាន​គេ​យក​ទៅ​ដាក់​ចំណី​អាហារ មាន​ទាំង​ត្រជាក់ និង​ក្តៅៗ​ទើប​តែ​ចម្អិន​រួច។ កាលណា​ចំណី​អាហារក្តៅៗ​ដែល​ចម្អិន រួច​មក​ដាក់​ក្នុង​ថង់ ឬ​ប្រអប់​ស្នោ​នោះ វា​នឹង​បញ្ចេញ​សារធាតុគី​មី ម្យ៉ាង​ឈ្មោះ Polyvinyl chloride polyethylene, Polystyrene Biphenol A  Polybrominated Diphenyl ether និង​ Tetrabromobisphenol A ច្រើន​រហូត​ទៅ​ដល់ ៥៥ ដង នៅ​ពេល​យើង​ដាក់​វា​ក្នុង​របស់​ក្តៅ​នឹង​ចេញ​​ទៅ​​ចំណី​អាហារ ដែល​​ជាតិ​​ពុល​​ទាំង​នោះ​​ប៉ះពាល់​ដល់​សុខភាព​ខ្លាំង​ណាស់ អាច​ឲ្យ​យើង​ប្រឈម​នឹង​ជំងឺ​ច្រើន​មុខ ដូចជា មហារីកបំពង់ក ជំងឺ​លើស​ឈាម មហារីក បេះដូង តម្រង​នោម និង​អត់​មាន​កូន ជាដើម។ ចូលរួម​​ថែរក្សា​​បរិស្ថាន បញ្ចៀស​មិន​ឲ្យ​ខូច​សុខភាព ដូច្នេះ​​យើង​កុំ​ដាក់​របស់​ញ៉ាំ​នៅ​ថង់ ឬ​ស្នោឲ្យ​សោះ […]

ដឹងហើយ​ញ៉ាំ​សាច់​ច្រើន​មិនល្អ​ចំពោះ​សុខភាពទេ កុំថាឡើយសាច់​កែ​ច្នៃ មិនថា​ជា​សាច់គោ សាច់ជ្រូក ឬសាច់ក្រក បើញ៉ាំ​លើសពី ២០០​ក្រាម/ថ្ងៃ នាំឲ្យ​ឆាប់​ស្លាប់ នៅ ២០ ​ឆ្នាំ​ខាងមុខ បើធៀបនឹង​អ្នក​ញ៉ាំ​សាច់​ទាំងនេះ តិចជាង ១០០​ ក្រាម/ថ្ងៃ។ ការសិក្សាថ្មី​នៅ​ហ្វាំងឡង់ រកឃើញ​ថា ញ៉ាំ​សាច់ក្រក ៣​ដុំ ឬ​សាច់ភ្លៅជ្រូក ១០​ចំណិត សាច់គោ​អាំង ១ដុំ ឬ​សាច់ជ្រូកបីជាន់ ៦​ចំណិត មាន​ទម្ងន់​ស្មើប្រមាណ ២០០ ​ក្រាម/​ថ្ងៃ នឹងនាំ​ឲ្យ​ឆាប់​ស្លាប់។ អ្នកស្រាវជ្រាវ បញ្ជាក់​ថា ប្រភព​សំខាន់​នៃ​ប្រូតេអ៊ីន គឺ​សាច់ក្រហម ជាប់​ពាក់ព័ន្ធ​នឹង​ការ​កើត​ជំងឺ​បេះដូង និង​មហារីក​ពោះវៀន (Bowel Cancer)។ ការសិក្សានេះ ធ្វើឡើង​ដោយ​សាកលវិទ្យាល័យ​ហ្វាំងឡង់ សាកល្បង​លើ​មនុស្ស ២.៦៤១​នាក់ អាយុពី ៤២-៦០​ ឆ្នាំ។ អត្ថបទ​ពាក់ព័ន្ធ៖ ញ៉ាំ​ត្រី​ឲ្យ​បាន​ ២ ដងក្នុង​មួយសប្តាហ៍ បេះដូងមាន​សុខភាពល្អ អាហារ​ ៥ យ៉ាង ប្រុសៗញ៉ាំ ប៉ូវ​សុខភាព​ឲ្យខ្លាំង ចំណែក​ក្រសួង​សុខាភិបាល​ចក្រភព​អង់គ្លេស ណែនាំ​ឲ្យ​ញ៉ាំ​សាច់ក្រហម តិចជាង ៧០​ក្រាម/​ថ្ងៃ ខណៈវិទ្យាស្ថាន​ស្រាវជ្រាវ​មហារីក​អាមេរិក ណែនាំ​ឲ្យ​ញ៉ាំ​សាច់អតិបរមា ៥១០​ […]

ក្នុង​ចំណោម Losartan ដែល​ទាំង​តម្រូវ​ឲ្យ​ប្រមូលពី​ទីផ្សារ​ប្រទេស​សិង្ហបុរី និងថៃ ព្រោះ​មាន​ជាតិ​គីមី បង្ក​ឲ្យ​កើត​ជំងឺ​មហារីក កាល​ពី​ពេល​ថ្មីៗ​នេះ ពុំ​មាន​លក់​នៅ​ស្រុក​ខ្មែរ​ទេ។ នេះបើតាមសេចក្តីជូនដំណឹងរបស់ក្រសួង​សុខាភិបាល នៃ​ព្រះរាជាណាចក្រ​កម្ពុជា​ នៅថ្ងៃទី ១០ ខែ មេសា ឆ្នាំ ២០១៩ នេះ។ ថ្នាំ​ Losartan ទាំង ៤ ប្រភេទ​ដែលតម្រូវប្រមូលពីទីផ្សារនៅប្រទេសិង្ហបុរី និងថៃ រួមមាន Hypergen, Losagen និង Losartas ផលិត​​ដោយ​ក្រុមហ៊ុន​ផលិតឱសថ​ Hetero Labs របស់​ឥណ្ឌា  ទម្រង់ ៥០មិល្លីក្រាម និង ១០០មិល្លីក្រាម ត្រូវ​បាន​ក្រសួង​សុខាភិបាល ប្រទេស​សិង្ហបុរី  អះអាង​ថា ពិត​ជា​ខុស​កម្រិត​ស្ដង់ដារ (លើស​បរិមាណ​ធាតុផ្សំ) និង​អាច​ឈាន​ដល់​បង្ក​ជា​រោគមហារីក​ពិត​មែន ប្រសិន​បើ​អ្នក​ជំងឺ​(លើសឈាម) នៅ​តែ​បន្ត​ប្រើប្រាស់រយៈវែង និងថ្នាំ Lanzaar ទម្រង់​ ៥០ មិល្លីក្រាម និង ១០០ មិល្លីក្រាម ​ផលិតដោយក្រុមហ៊ុនផលិតឱសថ Berlin Pharma នៅប្រទេសថៃ។ ក្នុង​សេចក្តី​ជូនដំណឹង​នោះ ក្រសួង​បញ្ជាក់​ថា បន្ទាប់​ពី​ទទួល​បាន​ព័ត៌មាន​ខាងលើ ក្រសួង​បាន​តាម​ដាន​យ៉ាង​យក​ចិត្តទុក​ដាក់ ហើយ​ពិនិត្យ​ឃើញ​ថា ប្រភេទថ្នាំ Losartan ទាំងនោះ​ពុំ​មាន​ចុះ​បញ្ចិកា និង​ដាក់​លក់​​នៅ​ព្រះរាជាណាចក្រកម្ពុជា​ឡើយ។ ទោះ​ជា​ប្រភេទ​ថ្នាំ​ទាំងនេះ​ពុំមាន​លក់​នៅ​ស្រុកខ្មែរ​ក្តី […]

ថ្នាំជំនួយ​ផ្លូវ​ភេទ ថ្នាំ​បង្កើន​អារម្មណ៍​ផ្លូវ​ភេទ បង្កើន​ភាព​ស្រើបស្រាល (ថ្នាំ​សម្រើប) ថ្នាំមិន​បាន​ចុះ​បញ្ជិកា ថ្នាំគ្មាន​លិខិត​អនុញ្ញាត​ឲ្យ​នាំ​ចូល ថ្នាំ​ហួស​កាល​បរិច្ឆេទ​ប្រើប្រាស់ និង​ថ្នាំច្រើន​ប្រភេទ​ទៀត ដែល​ច្បាប់​ហាម​ឃាត់ សរុបជិត ៥០០ ប្រភេទ ត្រូវបានសមត្ថកិច្ចរឹបអូស។ យោង​តាម​ហ្វេសប៊ុក​ផេក​ផ្លូវ​ការ​របស់ គណៈកម្មាធិការ​ប្រយុទ្ធប្រឆាំង​ផលិតផល​ក្លែងក្លាយ-Counter Counterfeit Committee បាន​ឲ្យ​ដឹង​ថា ព្រឹក​មិញ​នេះ​គណៈកម្មាធិការ​បាន​បើក​សន្និសីទ​សារព័ត៌មាន ស្ដី​ពី​លទ្ធផល​កិច្ចប្រតិបត្តិការ​ចុះ​ត្រួតពិនិត្យ​ហាង​លក់​ឱសថ​បូរាណ​ចិនមួយ​ចំនួន​ដែល​មាន​ទីតាំង ស្ថិត​នៅ​តាម​បណ្ដោយ​វិថី​ហ្សាដឺហ្គោល ផ្លូវ​លេខ ២១៧ ក្នុង​សង្កាត់​អូឫស្សី​ទី​០៤ ខណ្ឌ ៧មករា រាជធានី​ភ្នំពេញ។ ប្រភពរូប៖ គណៈកម្មាធិការប្រយុទ្ធប្រឆាំងផលិតផលក្លែងក្លាយ ក្នុង​ប្រតិបត្តិការ​នោះ ឯកឧត្ដម​នាយ​ឧត្ដមសេនីយ៍ មៀច សុផាន់ណា រដ្ឋលេខាធិការ​ក្រសួងមហាផ្ទៃ និង​ជា​ប្រធាន​គណៈកម្មាធិការ​ប្រយុទ្ធ​ប្រឆាំង​ផលិតផល​ក្លែងក្លាយ​ បាន​ឲ្យ​ដឹង​ថា ក្រុម​ប្រតិបត្តិការ​ពិសេស ​គ.ប.ផ.ក បាន​ត្រួតពិនិត្យ ​ឆែកឆេរ និងរឹប​អូស​បាន​ឱសថ​ខុស​ច្បាប់​ជាច្រើន​ប្រភេទសរុប​ទាំង ០៣ ទីតាំង រឹបអូស​បានថ្នាំបូរាណ​ចិន គ្មាន​ចុះ​បញ្ជិ​កា ចំនួន ៤៥៤ ប្រភេទ សរុប ៧ ៣២១ ប្រអប់។ ប្រភពរូប៖ គណៈកម្មាធិការប្រយុទ្ធប្រឆាំងផលិតផលក្លែងក្លាយ ក្រោយពី​សមត្ថកិច្ច​ត្រួតពិនិត្យ​​​រួច ដោយ​មាន​ការ​ឯកភាព​ពី​ព្រះរាជអាជ្ញា​នៃ​អយ្យការ​អម​សាលា​ដំបូង​​រាជធានី​ភ្នំពេញផង​នោះ បាន​ឲ្យ​ផ្អាក​អាជីវកម្ម​ទាំង ៣ ទីតាំង​ជា​បណ្ដោះ​អាសន្ន ហើយ​សមត្ថកិច្ច​កំពុង​បន្ត​សំណុំ​រឿង​បញ្ជូន​ទៅ​តុលាការ […]

ជប៉ុន ​ដែល​ត្រូវ​ចាត់​ទុកជា​ប្រទេស​ មាន​ឧស្សាហកម្ម​ភាព​យន្ត​សិច ​ធំបំផុត​មួយ​លើ​ពិភពលោក ​បែរ​ជា​កំពុង​ប្រឈម​មុខ​ជាមួយ​កំណើន ពលរដ្ឋ​គ្មាន​បទ​ពិសោធន៍​រឿង​លើ​គ្រែ​ទៅ​វិញ ដោយ​ការ​សិក្សា​ថ្មី បង្ហាញ​ថា ជនជាតិ​ជប៉ុន ១/១០ ​នាក់ នៅ​វ័យ ៣០​ឆ្នាំ ពុំធ្លាប់​រួមភេទទាល់​តែ​សោះ ខណៈ​តួលេខ​មនុស្ស​ពេញវ័យ គ្មាន​បទពិសោធន៍​រួមភេទ ក៏​កំពុង​កើនឡើង​ផងដែរ។  ការសិក្សា​នេះ យោង​លើ​ទិន្នន័យ​ពី​អង្គភាព​ជាតិ​បង្ក​កំណើត របស់​​ប្រទេសនេះ ធ្វើ​ឡើង​ចន្លោះ​​ឆ្នាំ​ ១៩៨៧-២០១៥ និង​ត្រួត​ពិនិត្យ​ដោយ​ក្រសួង​សុខាភិបាល​ជប៉ុន បង្ហាញ​ថា នៅ​ឆ្នាំ២០១៥ ស្រីៗ​ជន​ជាតិជប៉ុន​ ១១,៩% អាយុ​ពី ៣០-៣៤ ​ឆ្នាំ និង​ប្រុសៗ ១២,៧%  អាយុ​ពី ៣០-៣៤ ​ឆ្នាំ ពុំមាន​បទពិសោធន៍​រួមភេទ​នោះទេ។ ចំណែក​នៅ​ចន្លោះ​អាយុ​ពី ៣៥-៣៩​ឆ្នាំ ស្រីៗ មាន ៨,៩​% និង​ប្រុសៗ មាន ៩,៥ ភាគរយ។ រីឯ​ការសិក្សានៃ​​អ្នកស្រាវជ្រាវ​មក​ពី​សាកលវិទ្យាល័យ​ តូក្យូ ធ្វើ​ឡើង​នៅ​ឆ្នាំ ២០១៥ លើ​មនុស្សពេញ​វ័យ​អាយុ​ចន្លោះ​ពី ១៨-៣៩ ​ឆ្នាំ រកឃើញ​ថា ប្រុសៗ​ប្រមាណ ២៥% និង​ស្រីៗ​ប្រមាណ ២៥% […]

ឈាម​សត្វ​ដែល​ពេញ​និយម​យក​មក​ធ្វើ​​អាហារ មាន ឈាម​ជ្រូក ឈាមមាន់ ឈាមទា ជាដើម។ ឈាម​សត្វ​អាច​យក​ធ្វើ​អាហារ​បាន​ក៏​ពិតមែន តែ​ក៏​មាន​ហានិភ័យ​ចំពោះ​សុខភាពយើង​​ដែរ ប្រសិន​បើ​ឈាម​នោះ​មាន​ផ្ទុក​មេរោគ ឬ​ចម្អិន​មិន​បាន​ឆ្អិន​ល្អ។ លោកវេជ្ជបណ្ឌិត ចាន់ ស៊ីណេត ឯកទេសជំងឺទូទៅ ពន្យល់ថា “ឈាម​ជា​បណ្តុំ​ផ្ទុក​មេរោគ​ជា​ច្រើន​ប្រភេទ ដូច្នេះ​ហើយ​កាល​ណា​យើង​មាន​ជំងឺ​អី​មួយ នោះ​គ្រូពេទ្យតម្រូវ​ឲ្យ​ធ្វើ​តេស្ត​ឈាម​ដើម្បី​រក​មេរោគ​ទាំង​នោះ”។ ដូចគ្នា​នេះ​ដែរ ពេល​យើង​ញ៉ាំ​ឈាម​សត្វ​ដែល​មាន​ផ្ទុក​មេរោគ ដោយ​ចម្អិន​មិន​ឆ្អិន​ល្អ នោះ​មេរោគ​ទាំងនោះ​អាច​ឆ្លង​មក​មនុស្ស​យើង​បាន​យ៉ាង​ងាយ គួបផ្សំ​នឹង​ទីតាំង​សត្វឃាត​មិនមាន​អនាម័យ​ទៀត​នោះ ឈាម​សត្វ​ដែល​យើង​មក​ចម្អិន​ធ្វើ​អាហាររឹត​តែ​មាន​គ្រោះថ្នាក់​ចំពោះ​សុខភាព។ មួយ​វិញ​ទៀត ក្នុង​ករណី​យើង​ញ៉ាំឈាម ឬ​ផឹកឈាម​សត្វ​ច្រើន​ពេក​​ក៏​​អាច​​ឲ្យ​​មាន​​ជំងឺ​ម្យ៉ាង​​ហៅថា Haemochromatosis ដែល​បង្ក​ទៅ​ជា​ខូច​ថ្លើម ចាល់​ជាតិ​ទឹក​ក្នុង​សួត កង្វះ​ជាតិ​ទឹក សម្ពាធ​ឈាម​ចុះ​ទាប និង​ប៉ះពាល់​ដល់​ប្រព័ន្ធ​ប្រសាទ​ដោយសារ​ចាល់​ជាតិ​ដែក​ក្នុង​ខ្លួន​ច្រើន​ពេក។ ទោះ​​ក្នុង​​លក្ខខណ្ឌ​ណា​​ក៏​ដោយ​​លោក​​វេជ្ជបណ្ឌិត ចាន់ ស៊ីណេត មិន​​លើក​​ទឹកចិត្ត​​ឲ្យ​​យើង​​ញ៉ាំ​​ពពួក​​ឈាម​​សត្វ​ និង​គ្រឿងក្នុង​​​សត្វ​​គ្រប់​​ប្រភេទ ព្រោះងាយ​​នឹង​​ឆ្លង​​នូវ​​មេរោគ​​ជា​​ច្រើន​មុ​ខ។ អត្ថបទពាក់ព័ន្ធ៖ ជនជាតិថៃ​ម្នាក់ ត្រូវ​កាត់ជើងចោល ដោយ​សារញ៉ាំ​ឈាម​ជ្រូក ក្នុង​ករណី​មាន​សំណួរ ឬ​មន្ទិលសង្ស័យ​ជុំវិញ​សុខភាព​អ្នក ជម្រើស​ល្អ​បំផុត សូម​ពិគ្រោះ និង​ប្រឹក្សា​យោបល់​ផ្ទាល់​ជាមួយ​ពេទ្យ​ជំនាញ។ Hello Health Group មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕