តើអ្នកបារម្ភពីអ្វី?

close
មិនត្រឹមត្រូវ
ពិបាកយល់
ផ្សេងៗ

ឬ​ចម្លង​តំណភ្ជាប់

null

គ្រាប់ផ្លែឈើ មានប្រយោជន៍ច្រើនដល់សុខភាពបេះដូង

    គ្រាប់ផ្លែឈើ មានប្រយោជន៍ច្រើនដល់សុខភាពបេះដូង

    ការ​សិក្សា​បាន​រក​ឃើញ​ថា​ ការ​ញ៉ាំ​គ្រាប់​ផ្លែ​​ឈើ​បាន​ពីរ​បី​ដង​ក្នុង​មួយ​សប្ដាហ៍ បាន​ជួយ​កាត់​បន្ថយ​អត្រា​នៃ​ការ​ស្លាប់​ដោយ​សារ​ជំងឺ​បេះ​ដូង​។

    ​​គ្រាប់​ផ្លែ​ឈើ​មាន​ផ្ទុក​អាស៊ីដ​ខ្លាញ់​មិន​ឆ្អែត និង​សារ​ធាតុ​ចិញ្ចឹម​ផ្សេង​ៗ​ទៀត​ជា​ច្រើន​។ គ្រាប់​ផ្លែ​ឈើ​ត្រូវ​បាន​គេ​ចាត់​ទុក​ថា​ជា​អាហារ​សម្រន់​ល្អបំផុត​មួយ ធូរ​ថ្លៃ ងាយ​រក ងាយ​ទុក​ដាក់ និង​ងាយ​យក​តាម​ខ្លួន​។

    ការ​សិក្សា​មួយ​បាន​ធ្វើ​លើ​មនុស្ស​ស្រី​ចំនួន​៣៩ ០០០​នាក់ ដោយ​តម្រូវ​ឲ្យ​អ្នក​ទាំង​នោះ​ឆ្លើយ​សំណួរ​ទាក់ទង​នឹង​របប​អាហារ​។ ក្នុង​​រយៈពេល​១៩​ឆ្នាំ នៃ​ការ​តាម​ដាន មាន​ស្រ្តី​ជិត​១ ០០០​នាក់​បាន​ស្លាប់ ដោយ​សារ​ជំងឺ​បេះ​ដូង​។

    ការ​សិក្សា​នេះ​បាន​រាប់​បញ្ជូល​ទាំង​សន្ទស្សន៍​ម៉ាស់​រាង​កាយ សកម្មភាព​រាង​កាយ ការ​ជក់បារី និង​កត្តា​មួយ​ចំនួន​ទៀត​ ដែល​មាន​ឥទ្ធិពល​លើ​ជំងឺ​បេះ​ដូង។ ការ​សិក្សា​បាន​រក​ឃើញ​ថា​ ស្រ្តី​ដែល​បាន​ញ៉ាំ​គ្រាប់​ផ្លែ​ឈើ​យ៉ាង​តិច​ពីរ​ដង​ក្នុង​មួយ​សប្ដាហ៍ ដោយ​​ម្ដង​ប្រហែល​៣២​ក្រាម មាន​អត្រា​ស្លាប់​ដោយ​សារ​ជំងឺ​បេះ​ដូង​២៧​%​ទាប​ជាង​អ្នក​មិន​ញ៉ាំ​គ្រាប់​ផ្លែ​ឈើ​។

    ញ៉ាំគ្រាប់ស្វាយចន្ទី

    គ្រាប់​ផ្លែ​ឈើ ជួយ​កាត់​បន្ថយ​កម្រិត​កូលេស្តេរ៉ូល និង​ខ្លាញ់​មិន​ល្អ ដែល​អ្វី​ទាំង​នេះ​អាច​ធ្វើ​ឲ្យ​មានការ​កក​ស្ទះ​ក្នុង​សរសៃឈាម​អាក់​ទែ​។ មួយ​វិញ​ទៀត គ្រាប់​ផ្លែ​ឈើ​ក៏​ជួយ​កាត់​បន្ថយ​កម្រិត​ការ​រលាក​ ដែល​អាច​មាន​ទំនាក់ទំនង​នឹង​ជំងឺ​បេះ​ដូង។ ក្រៅពី​នេះ ក៏​បាន​ជួយ​កាត់​ប​ន្ថយ​ការ​វិវត្ត​ទៅ​ជា​ដុំ​កំណក​​ឈាម ដែល​ដុំ​កំណក​ឈាម​នេះ​អាច​ធ្វើ​ឲ្យ​បញ្ហា​គាំង​បេះដូង និង​អាច​បាត់​បង់​ជីវិត​។

    ថ្វី​បើ​គ្រាប់​ផ្លែ​ឈើភាគ​​មាន​ផ្ទុក​ខ្លាញ់ ដែល​ភាគ​ច្រើន​ជា​ខ្លាញ់​ល្អ តែ​វា​ក៏​មាន​ផ្ទុក​កាឡូរី​ច្រើន​ដែរ​។ ដូច​នេះ យើង​គួរ​ញ៉ាំ​គ្រាប់​ផ្លែ​ឈើ​ក្នុង​កម្រិត​សម​ល្មម​បាន​ហើយ។

    health-tool-icon

    រង្វាស់ចង្វាក់បេះដូង

    លោកអ្នក​អាច​គណនាដឹងពី​ "អត្រាបេះដូងលោតពេលសម្រាក" ធម្មតា និង​អតិបរមា ​ទៅ​តាម​កម្រិត​អាយុ របៀប​ហាត់ប្រាណ​ និង​សកម្មភាព​ផ្សេង​ទៀត​ដែល​អាច​ជះឥទ្ធិពលដល់​ ចង្វាក់បេះដូងលោត។

    ប្រុស

    ស្រី

    អ្នក​ពិនិត្យ​ឲ្យ​អ្នក​ណាដែរ?

    អត្រាបេះដូងលោតពេលសម្រាក របស់អ្នក​ចំនួន​ប៉ុន្មានដែរ? (ដង/នាទី)

    60

    Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

    ប្រភព

    https://www.health.harvard.edu/heart-health/why-nuts-may-be-good-for-your-heart

    https://www.mayoclinic.org/diseases-conditions/heart-disease/in-depth/nuts/art-20046635#:~:text=Eating%20nuts%20as%20part%20of,it’s%20important%20to%20limit%20portions.

    រូបថត​របស់​អ្នក​និពន្ធbadge
    ដោយ ទូច សុខា កែសម្រួល​ចុងក្រោយ 31/03/2021
    ត្រួតពិនិត្យដោយ វេជ្ជ. ចាន់ ស៊ីណេត