សៅរ៍ អាទិត្យ មិនទាន់ទេ ឲ្យតែមានអ្នកណាបបួលទៅ សូណា ម្នាក់ៗអត់មានប្រកែកតិច។ ទៅ សូណា យើងច្បាស់ណាស់ គឺចង់បន្ធូរអារម្មណ៍តានតឹងក្រោយការងារមិនខាន។ ចុះមានដឹងអត់? ក្រៅពីបន្ធូរអារម្មណ៍ សូណាជួយសុខភាពអីខ្លះទៀត។ ចាំ “Hello គ្រូពេទ្យ” ប្រាប់!
មាតិកា
មាតិកា
មើលគ្រប់ផ្នែកទាំងអស់
រង្វាស់សុខភាព
ឧបករណ៍សុខភាព
មើលផ្នែករង្វាស់សុខភាពទាំងអស់
តើអ្នកបារម្ភពីអ្វី?
មិនត្រឹមត្រូវ
ពិបាកយល់
ផ្សេងៗ
ទម្លាយអាថ៌កំបាំងសុខភាពម៉េចបានគេចូលចិត្តទៅ សូណា សម្បើមម្ល៉េះ!
១- សូណា
សូណា (Sauna) មានប្រភពមកពីប្រទេសហ្វាំងឡង់ ក្នុងតំបន់អឺរ៉ុបខាងជើង។ គឺជាបន្ទប់បិទជិតមួយ សម្រាប់ផលិតកម្ដៅ តាមរយៈការចាក់ទឹកលើដុំថ្មមានក្ដៅ ធ្វើឲ្យសីតុណ្ហភាពកើនឡើង ជាធម្មតាចាប់ពី ៧០-១០០ អង្សា និងធ្វើឲ្យសំណើមក្នុងបន្ទប់ ធ្លាក់ចុះពី ១០-២០ ភាគរយ។
បច្ចុប្បន្ន ដោយសារបច្ចេកវិទ្យាសម្រួលការរស់នៅកាន់តែទំនើប នាំឲ្យបន្ទប់ សូណា គឺមានច្រើនប្រភេទ ច្រើនសណ្ឋាន។ នៅពេលសីតុណ្ហភាពឡើងដល់ ៤០ អង្សារសេ នឹងបណ្ដាលឲ្យស្បែកបែកញើសខ្លាំង។
២- អត្ថប្រយោជន៍ពីសូណា
– ជួយលាងសម្អាតស្បែក
– បង្កើនចលនាឈាមរត់ក្នុងរាងកាយ
– បើកចរន្តខ្យល់ក្នុងប្រហោងច្រមុះ
– បំបាត់ការឈឺចាប់សាច់ដុំ និងសន្លាក់
– ពង្រឹងប្រព័ន្ធភាពស៊ាំ
– សម្រួលចលនាសន្លាក់
– បន្ធូរភាពតានតឹង
– ជំរុញដំណើរការព្យាបាលបញ្ហាសុខភាពណាមួយកាន់តែមានប្រសិទ្ធភាព។
សូណា អាចជួយកាត់បន្ថយអត្រាស្លាប់ ដោយសារជំងឺសរសៃឈាមបេះដូង ព្រោះពេល សូណា ចង្វាក់បេះដូងលោតដល់ ១៥០ ដងក្នុងមួយនាទី ជួយឲ្យឈាមរត់ទៅគ្រប់ផ្នែកនៃរាងកាយ ស្មើនឹងការហាត់ប្រាណកម្រិតមធ្យម សម្រាប់អ្នកជំងឺសរសៃឈាមបេះដូង។
មួយវិញទៀត ដោយសារ សូណា អាចជួយឲ្យអារម្មណ៍ស្ត្រេសថយចុះ ក៏ជាកត្តាមួយជួយសម្រួលស្ថានភាពសម្រាប់អ្នកជំងឺសរសៃឈាមបេះដូងផងដែរ។
យោងតាមការសិក្សាមួយធ្វើឡើងក្នុងប្រទេសហ្វាំងឡង់ លើបុរស ២៣០០នាក់ មានអាយុចន្លោះ ៤២-៦០ ឆ្នាំ និងមានទម្លាប់ សូណា រយៈពេល ២០ ឆ្នាំ បង្ហាញថា ក្រុមប្រុសៗឧស្សាហ៍ សូណា ចាប់ពី ២-៣ ដងក្នុងមួយសប្តាហ៍ អាចកាត់បន្ថយអត្រាស្លាប់ដោយគាំងបេះដូង ច្រើនជាងប្រុសៗ សូណា ១ សប្តាហ៍ម្តង ដល់ទៅ ២២%។ សម្រាប់អ្នកឧស្សាហ៍ សូណា កាន់តែច្រើន កាន់តែមានសុខភាពបេះដូងល្អ។
៣- ប្រភេទសូណា
ប្រភេទ សូណា គឺអាស្រ័យតាមចំណង់ចំណូលចិត្ត និងតាមតំបន់ផ្សេងៗជុំវិញពិភពលោក ដូចជា សូណាប្រើកម្ដៅដុតអុស ប្រើចរន្តអគ្គិសនី និងបន្ទប់ស្ទីម ជាដើម។
– ប្រភេទដុតអុស៖ ប្រើអុសដើម្បីកម្ដៅបន្ទប់ និងដុំថ្ម សូណា ប្រភេទនេះ ផ្ទៃបន្ទប់ទាំងមូលទទួលបានកម្ដៅ និងសំណើមខ្ពស់បំផុត។
– ប្រភេទប្រើអគ្គិសនី៖ បន្ទប់មានកម្ដៅដូចប្រើអុសដែរ តែម៉ាស៊ីនកម្ដៅភ្ជាប់ទៅនឹងឥដ្ឋ។
– បន្ទប់អាំងហ្វ្រា៖ ប្រភេទ សូណា បែបនេះ ប្រើរលកពន្លឺដើម្បីកម្ដៅរាងកាយមិនមែនបន្ទប់ទេ។ សីតុណ្ហភាពក្នុងបន្ទប់ទាបជាងប្រភេទដទៃទៀត គឺត្រឹម ៦០ អង្សាប៉ុណ្ណោះ។
– បន្ទប់ស្ទីម៖ បន្ទប់ប្រភេទនេះ គឺប្រើចំហាយទឹក មិនប្រើកម្ដៅស្ងួតទេ។ សំណើមខ្ពស់ និងកម្ដៅសំណើម គឺជាកត្តាសំខាន់។
ទោះបី សូណា មានផលល្អដល់សុខភាពក៏ពិតមែន តែអ្នកជំនាញបានណែនាំ មុនសម្រេចចិត្តទៅ សូណា មិនគួរផឹកស្រាហួសកម្រិត ឯស្ត្រីមានផ្ទៃពោះគួរពិគ្រោះយល់ និងស្ថានភាពសុខភាពជាមួយគ្រូពេទ្យជាមុន ហើយបើយើងមានបញ្ហាសុខភាពផ្សេងៗ ត្រូវរង់ចាំដល់ជំងឺជាសះស្បើយជាមុន។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជាមិនធ្វើរោគវិនិច្ឆ័យ ឬព្យាបាលជូនទេ៕
រង្វាស់ចង្វាក់បេះដូង
លោកអ្នកអាចគណនាដឹងពី "អត្រាបេះដូងលោតពេលសម្រាក" ធម្មតា និងអតិបរមា ទៅតាមកម្រិតអាយុ របៀបហាត់ប្រាណ និងសកម្មភាពផ្សេងទៀតដែលអាចជះឥទ្ធិពលដល់ ចង្វាក់បេះដូងលោត។
ប្រុស
ស្រី
អ្នកពិនិត្យឲ្យអ្នកណាដែរ?
អត្រាបេះដូងលោតពេលសម្រាក របស់អ្នកចំនួនប៉ុន្មានដែរ? (ដង/នាទី)
60
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ប្រភព
Sauna: What are the Health Benefits? http://www.medicalnewstoday.com/articles/313109.php. Accessed April 18, 2017.
Why saunas are good for you. http://www.naturalhealthmag.com.au/content/why-saunas-are-good-you. Accessed April 18, 2017.
Next article: