តើអ្នកបារម្ភពីអ្វី?

close
មិនត្រឹមត្រូវ
ពិបាកយល់
ផ្សេងៗ

ឬ​ចម្លង​តំណភ្ជាប់

ឈឺទ្រូងផ្នែកកណ្ដាល ឬខាងឆ្វេង ប្រយ័ត្នជំងឺសរសៃ​ឈាម​បេះដូង

    ឈឺទ្រូងផ្នែកកណ្ដាល ឬខាងឆ្វេង ប្រយ័ត្នជំងឺសរសៃ​ឈាម​បេះដូង

    ជំងឺ​សរសៃ​ឈាម​បេះដូង​កូរ៉ូនែ​ កើត​ឡើង​ពេល​សរសៃឈាម​ធំៗ​ភ្ជាប់​ទៅ​នឹង​បេះ​ដូង​បាន​រក​ការ​ខូច​ខាត ឬ​មាន​ជំងឺ​។ វត្ត​មាន​កូលេស្តេរ៉ូល​ច្រើន​(បង្ក​ជា​កំណក​) នៅ​ក្នុង​សរសៃឈាម​កូរ៉ូនែ និង​ការ​រលាក ជា​មូល​ហេតុ​បង្ក​ឲ្យ​មាន​ជំងឺ​សរសៃឈាម​បេះ​ដូង​​កូរ៉ូនែ​។

    សរសៃឈាម​បេះ​ដូង​​កូរ៉ូនែ​​មាន​តួនាទី​ផ្គត់​ផ្គង់​ឈាម អុកស៊ីសែន និង​សារធាតុចិញ្ចឹម​ទៅ​បេះដូង។ នៅ​ពេល​មាន​ដុំ​កំណក​កើត​ឡើង អាច​ធ្វើ​ឲ្យ​សរសៃឈាម​ចង្អៀត និង​កាត់​បន្ថយ​លំហូរ​ឈាម​ទៅ​កាន់​បេះដូង​។ នៅ​ពេល​ដែល​លំហូរ​ឈាម​ទៅ​កាន់​បេះ​ដូង​បាន​កាត់​បន្ថយ​ អាច​បង្ក​ឲ្យ​មាន​អាការៈ​ឈឺ​ទ្រូង ហត់​ដង្ហក់ ឬ​មាន​ចេញ​រោគ​សញ្ញា​ផ្សេងៗ​ទៀត​។ ក្នុង​ករណី​សរសៃឈាម​ត្រូវ​បាន​ស្ទះ​ទាំង​ស្រុង នោះ​អាច​បង្ក​ឲ្យ​មាន​បញ្ហា​គាំង​បេះដូង​កើត​ឡើង​បាន​។

    ១. រោគ​សញ្ញា​

    បើ​សិន​ជា​សរសៃឈាម​បេះ​ដូង​​កូរ៉ូនែ​រួម​តូច​ចង្អៀត វា​មិន​អាច​នាំ​យក​ឈាម​ផ្ទុក​អុកស៊ីសែន​ទៅ​កាន់​បេះ​ដូង​បាន​គ្រប់​គ្រាន់​ទេ​ ជាពិសេស​នៅ​ពេល​បេះ​ដូង​ប្រឹង​ច្របាច់​​ខ្លាំង ដូច​ជា​ពេល​យើង​ធ្វើ​លំហាត់​ប្រាណ​។ ជា​ដំបូង​ៗ ការ​ថយ​ចុះ​នៃ​លំហូរ​ឈាម​មិន​មាន​ចេញ​រោគ​សញ្ញា​នោះ​ទេ​​។ នៅ​ពេល​ដែល​ដុំ​កំណក​ក្នុង​សរសៃ​ឈាម​ចេះ​តែ​បន្ត​កើន​ឡើង នោះ​យើង​អាច​នឹង​វិវដ្ដ​ទៅ​ជា​ចេញ​រោគ​សញ្ញា​នៃ​ជំងឺ​សរសៃឈាម​បេះដូង​កូរ៉ូនែ​។​ រោគ​សញ្ញា​មាន​ដូច​ជា​៖​

    ​ឈឺ​ទ្រូង៖ យើង​អាច​មាន​អារម្មណ៍​ថា​ថប់​ៗ និង​ណែន​ក្នុង​ទ្រូង ប្រៀប​ដូច​មាន​នរណា​ម្នាក់​កំពុង​ឈរ​នៅ​ក្នុង​ទ្រូង​យើង​ដូច​នោះ​ដែរ​។ ការ​ឈឺ​ទ្រូង​នេះ ច្រើន​កើត​ឡើង​នៅ​ចំ​កណ្ដាល​ទ្រូង ឬ​ផ្នែក​ខាង​ឆ្វេង​នៃ​ទ្រូង​។ បញ្ហា​ឈឺ​ទ្រូង​នេះ​ច្រើន​ភ្ញោច​ឲ្យ​កើត​ឡើង​បាន​ដោយ​សារ​សកម្មភាព​រាង​កាយ​ខ្លាំង​ៗ ឬ​ការ​ប៉ះ​ពាល់​ផ្នែក​អារម្មណ៍​ណាមួយ​កើត​មាន​។ អាការៈ​ឈឺ​ចាប់​នេះ​អាច​នឹង​បាត់​ទៅ​វិញ​នៅ​ប៉ុន្មាន​នាទី​ក្រោយ​ពី​យើង​បញ្ឈប់​សកម្ម​ភាព​រាង​កាយ។ អ្នក​ខ្លះ ពិសេស​ស្រ្តី ការ​ឈឺចាប់​នេះ​អាច​មាន​រយៈពេល​ខ្លី និង​ខ្លាំង ហើយ​អាច​មាន​អារម្មណ៍​ឈឺ​នៅ​ក ខ្នង និង​ដៃ​។​​​​​​

    ហត់​ដង្ហក់៖ នៅ​ពេល​បេះដូង​មិន​អាច​បូម​ឈាម​បាន​គ្រប់​គ្រាន់​ទៅតាម​តម្រូវ​ការ​របស់​រាង​កាយ យើង​អាច​នឹង​មាន​បញ្ហា​ហត់​ដង្ហក់ ឬ​អស់​កម្លាំង​ខ្លាំង​។

    គាំងបេះដូង៖ នៅ​ពេល​សរសៃឈាម​បេះ​ដូង​កូរ៉ូនែ​ត្រូវ​ស្ទះ​ទាំង​ស្រុង​ នោះ​អាច​នឹង​បង្ក​ឲ្យ​មាន​បញ្ហា​គាំង​បេះ​ដូង​កើត​ឡើង​បាន​។ រោគ​សញ្ញា និង​សញ្ញា​ជាទូទៅ​នៃ​បញ្ហា​គាំង​បេះដូង រួម​មាន​សម្ពាធ​បុក​នៅ​នឹង​ទ្រូង និង​ឈឺ​ចាប់​ស្មា ឬ​ដៃ និង​មាន​ពេល​ខ្លះ​ធ្វើ​ឲ្យ​យើង​ហត់​ដង្ហក់ និង​បែក​ញើស​។

    សម្រាប់​មនុស្ស​ស្រី ហាក់​មិន​សូវ​មាន​រោគ​សញ្ញា​គួរ​ឲ្យ​កត់​សម្គាល់​ដូច​បុរស​ទេ។ ពេល​ខ្លះ​រោគ​សញ្ញា​គាំង​បេះដូង​លើ​ស្រ្តី​មាន​ដូច​ជា​ឈឺ​ក ឬ​ថ្គាម​ និង​មាន​រោគ​សញ្ញា​ខ្លះ​ទៀត​ដូចជា​ហត់​ដង្ហក់ អស់កម្លាំង ឬ​ចង្អោរ​។

    ពេល​ខ្លះ​ទៀត បញ្ហា​គាំង​បេះ​ដូង អាច​កើត​ឡើង​ដោយ​មិន​មាន​សញ្ញា ឬ​រោគ​សញ្ញា​អ្វី​នោះ​ទេ​។

    ស្ទះសរសៃឈាមបេះដូង

    ២. ពេល​ណា​គួរ​ទៅ​ជួប​ពេទ្យ​?

    បើ​សិន​ជា​គិត​ថា​យើង​មាន​បញ្ហា​គាំង​បេះដូង ត្រូវ​ស្វែង​រក​ការសង្គ្រោះ​ភ្លាម​ៗ​ និង​មិន​គួរ​បើក​បរ​ទៅ​មន្ទីរ​ពេទ្យ​​ដោយ​ខ្លួន​ឯង​ទេ​ លើក​លែង​តែ​គ្មាន​ជម្រើស​​។

    បើ​សិន​ជា​យើង​មាន​កត្តា​ប្រឈម​កើត​ជំងឺ​សរសៃឈាម​បេះ​ដូងកូរ៉ូនែ ដូច​ជា​សម្ពាធ​ឈាម​ខ្ពស់ កូលេស្តេរ៉ូល​ខ្ពស់ ជា​អ្នក់​ជក់​បារី មាន​ជំងឺ​ទឹក​នោម​ផ្អែម ធាត់​ខ្លាំង និង​មាន​ប្រវត្តិ​គ្រួសារ​កើត​ជំងឺ​បេះដូង គួរ​ពិភាក្សា​ជាមួយ​គ្រូពេទ្យ​។ គ្រូពេទ្យ​អាច​នឹង​ធ្វើ​តេស្ត​រក​​ជំងឺ​សរសៃឈាម​បេះ​ដូង​កូរ៉ូនែ ជាពិសេស​បើ​សិន​ជា​មាន​រោគ​សញ្ញា ឬ​សញ្ញា​សរសៃឈាម​ចង្អៀត​។

    health-tool-icon

    រង្វាស់ចង្វាក់បេះដូង

    លោកអ្នក​អាច​គណនាដឹងពី​ "អត្រាបេះដូងលោតពេលសម្រាក" ធម្មតា និង​អតិបរមា ​ទៅ​តាម​កម្រិត​អាយុ របៀប​ហាត់ប្រាណ​ និង​សកម្មភាព​ផ្សេង​ទៀត​ដែល​អាច​ជះឥទ្ធិពលដល់​ ចង្វាក់បេះដូងលោត។

    ប្រុស

    ស្រី

    អ្នក​ពិនិត្យ​ឲ្យ​អ្នក​ណាដែរ?

    អត្រាបេះដូងលោតពេលសម្រាក របស់អ្នក​ចំនួន​ប៉ុន្មានដែរ? (ដង/នាទី)

    60

    Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

    រូបថត​របស់​អ្នក​និពន្ធbadge
    ដោយ ទូច សុខា កែសម្រួល​ចុងក្រោយ 18/08/2021
    ត្រួតពិនិត្យដោយ វេជ្ជ. ចាន់ ស៊ីណេត
    Next article: