ជំងឺស្ទះសរសៃឈាមបេះដូង ឬគាំងបេះដូងបានឆក់យកជីវិតប្រជាជនកម្ពុជា ១០៩ នាក់ក្នុងចំណោមមនុស្ស ១០០.០០០ នាក់ដែលធ្វើឱ្យប្រទេសយើងជាប់លេខរៀងទី ៩១ នៅលើពិភពលោកក្នុងបណ្តាលប្រទេសដែលមានអត្រាអ្នកស្លាប់ខ្ពស់ដោយសារជំំងឺគាំងបេះដូង នេះបើយោងតាមតួលេខរបស់អង្គការ សុខភាពពិភពលោក (WHO) កាលពីឆ្នាំ ២០២០ ។

ជំងឺស្ទះសរសៃឈាមបេះដូង អាចផ្តាច់យកជីវិតមនុស្សគ្រប់វិនាទី ទាមទារឲ្យព្យាបាលជាបន្ទាន់។ តើជំងឺស្ទះសរសៃឈាមបេះដូងមានរោគសញ្ញាអ្វីខ្លះ? ហើយយើងត្រូវបង្ការដោយវិធីណាខ្លះ?

១- អ្វីទៅជាជំងឺស្ទះសរសៃឈាមបេះដូង

ជំងឺស្ទះសរសៃឈាមបេះដូង ដែលយើងចំណាំហៅថា ជំងឺគាំងបេះដូង ជាជំងឺធ្ងន់ធ្ងរ កើតឡើងដោយសារសរសៃឈាមមួយ ឬច្រើន ដែលមានតួនាទីទៅចិញ្ចឹមបេះដូង ត្រូវស្ទះខ្លាញ់ និងកំណកដុំឈាម។ នេះបើតាមការលើកឡើងរបស់លោកសាស្ត្រាចារ្យវេជ្ជបណ្ឌិត សុខ ជួរ ប្រធានដេប៉ាតឺម៉ង់ជំងឺបេះដូង នៃមន្ទីរពេទ្យកាល់ម៉ែត។

២- រោគសញ្ញាជំងឺស្ទះសរសៃឈាមបេះដូង

– តឹង ចុក ណែន ឈឺចាប់ក្នុងទ្រូង ឬដៃ ហើយរាលដាលទៅក ថ្គាម និងខ្នង

– ចង្អោរ ក្រហាយទ្រូង ឬឈឺពោះ

– ហត់

– បែកញើសខ្លាំង ដោយមិនដឹងមូលហេតុ

– ហត់

– អស់កម្លាំង

– ធេងធោង ឬវិលមុខ។

៣- មូលហេតុនាំឲ្យកើតជំងឺស្ទះសរសៃឈាមបេះដូង

ចំពោះសន្ទុះនៃការកើនឡើងជំងឺស្ទះសរសៃឈាមបេះដូងនេះ ប្រធានដេប៉ាតឺម៉ង់ជំងឺបេះដូង នៃមន្ទីរពេទ្យ កាល់ម៉ែត លោកវេជ្ជបណ្ឌិត សុខ ជួរ បញ្ជាក់ថា បណ្តាលមកពីការផ្លាស់ប្តូរទម្លាប់រស់នៅរបស់ប្រជាពលរដ្ឋ ដែលពីមុនធ្លាប់ធ្វើពលកម្ម ធ្លាប់តែញ៉ាំបន្លែផ្លែឈើ អាហារខ្មែរល្អៗ ឥឡូវមកស្រណុក ញ៉ាំតែ Fast food នាំឲ្យឡើងទម្ងន់ ឡើងជាតិខ្លាញ់ កើតជំងឺបេះដូង។

– អាយុច្រើន

– ជក់បារី

– មានជំងឺលើសឈាម

– មានជំងឺទឹកនោមផ្អែម

– ធាត់ពេក

– មានលើសជាតិខ្លាញ់ច្រើន

– មិនហាត់ប្រាណ

– ស្ត្រេស

– គ្រួសារមានប្រវត្តិមានជំងឺបេះដូង ឬស្ទះសរសៃឈាមបេះដូង។

វេជ្ជបណ្ឌិត សុខ ជួរ ប្រធានដេប៉ាតឺម៉ង់ជំងឺបេះដូង មន្ទីរពេទ្យកាល់ម៉ែត

ចង់គណនា BMI ចុចទីនេះ!

ចង់គណនា BMR ចុចទីនេះ!

ចង់ពិនិត្យជំងឺសរសៃឈាមបេះដូង ចុចទីនេះ!

ចង់ពិនិត្យសញ្ញាព្រមានសរសៃឈាមខួរក្បាល ចុចទីនេះ!

៤- វិធីបង្ការជំងឺស្ទះសរសៃឈាមបេះដូង

– កុំជក់បារី

– ហាត់ប្រាណ

– រក្សាទម្ងន់ឲ្យបានល្អ

– គ្រប់គ្រងជាតិស្ករ

– គ្រប់គ្រងអារម្មណ៍ធុញថប់

– កម្រិតការផឹកគ្រឿងស្រវឹង

– ពិនិត្យសុខភាពឲ្យបានទៀងទាត់

– ញ៉ាំអាហារល្អៗ

– ត្រួតពិនិត្យសម្ពាធឈាម និងកូលេស្តេរូល (កម្រិតជាតិខ្លាញ់ក្នុងចរន្តឈាម)។

ដើម្បីចៀសវាងជំងឺគាំងបេះដូង យើងគួរបញ្ចេញសកម្មភាពរាងកាយ និងប្រកាន់យកទម្លាប់រស់នៅដែលល្អចំពោះសុខភាព។

អត្ថបទគួរអាន៖

ចំណុចសំខាន់

ជំងឺស្ទះសរសៃឈាមបេះដូង ឬជំងឺគាំងបេះដូងកើតឡើងដោយសារសរសៃឈាមចិញ្ចឹមបេះដូងមួយ ឬច្រើនស្ទះដោយខ្លាញ់ និងកំណកដុំឈាម។
សន្ទុះនៃការកើនឡើងជំងឺស្ទះសរសៃឈាមបេះដូងបណ្តាលមកពីការផ្លាស់ប្តូរទម្លាប់រស់នៅរបស់យើងដែលពីមុនធ្លាប់ធ្វើបញ្ចេញសកម្មភាពរាងកាយ ញ៉ាំបន្លែផ្លែឈើ អាហារខ្មែរល្អៗ ឥឡូវមកស្រណុក ញ៉ាំតែ Fast food នាំឲ្យឡើងទម្ងន់ ឡើងជាតិខ្លាញ់ និងកើតជំងឺបេះដូង។

ស្ទះសរសៃឈាមបេះដូង ឬគាំងបេះដូង អាចស្លាប់ភ្លាមៗ អ៊ីចឹងមកដឹងពីមូលហេតុ និងវិធីបង្ការ

១- អ្វី​ទៅ​ជា​ជំងឺ​ស្ទះ​សរសៃ​ឈាម​បេះដូង

២- រោគ​សញ្ញា​ជំងឺ​ស្ទះ​សរសៃ​ឈាម​បេះដូង

៣- មូលហេតុ​នាំ​ឲ្យ​កើត​ជំងឺ​ស្ទះ​សរសៃ​ឈាម​បេះដូង

៤- វិធី​បង្ការ​ជំងឺ​ស្ទះ​សរសៃ​ឈាម​បេះដូង

ចំណុចសំខាន់

១- អ្វីទៅជាជំងឺស្ទះសរសៃឈាមបេះដូង

២- រោគសញ្ញាជំងឺស្ទះសរសៃឈាមបេះដូង

៣- មូលហេតុនាំឲ្យកើតជំងឺស្ទះសរសៃឈាមបេះដូង

៤- វិធីបង្ការជំងឺស្ទះសរសៃឈាមបេះដូង