មិនថាក្មេង ឬចាស់នោះទេ តែមានជំងឺខ្សោយបេះដូងហើយគឺភាគច្រើនប្រឈមបាត់បង់ចំណង់អាហារ លែងសូវស្រេកឃ្លាន ហើយក៏ជាមូលហេតុចម្បងធ្វើឲ្យសុខភាពអ្នកជំងឺឆាប់ទ្រុឌទ្រោម បណ្ដាលឲ្យជំងឺកាន់តែវិវត្ដទៅរកស្ថានភាពធ្ងន់ធ្ងរ។
មាតិកា
ជំងឺខ្សោយបេះដូងបង្កឲ្យអ្នកជំងឺប្រឈមបាត់បង់ចំណង់អាហារ
ជាក់ស្ដែងណាស់ ជំងឺខ្សោយបេះដូងគឺជាស្ថានភាពមួយដែលបេះដូងចុះខ្សោយដោយសារតែសាច់ដុំបេះដូងមិនអាចប្របាច់ឈាម និង បញ្ជូនអុកស៊ីសែនទៅសរីរាង្គដទៃទៀតបានគ្រប់គ្រាន់ ដែលបណ្ដាលឲ្យអ្នកជំងឺមានអាការៈខ្សោយ អស់កម្លាំង ថប់ៗដង្ហើម និង បាត់បង់ចំណង់អាហារជាដើម។
ចង់គណនារង្វាស់ចង្វាក់បេះដូង ចុចទីនេះ!
ចង់ពិនិត្យសុខភាពប្រព័ន្ធរំលាយអាហារ ចុចទីនេះ!
រោគសញ្ញាសំខាន់ៗនៃជំងឺខ្សោយបេះដូង
- ចង្អោរ
- ហត់ ថប់ដង្ហើម
- ឈឺទ្រូង
- អស់កម្លាំង
- ឡើងទម្ងន់គ្មានមូលហេតុ
- បេះដូងលោតមិនប្រក្រតី
- ចេះតែចង់ជុះនោមនៅពេលយប់
- ក្អកមានឈាម និងកណ្តាសញឹកញាប់
- ហើមពោះ ហើមជើង កជើង និងបាតជើង
មូលហេតុជំងឺខ្សោយបេះដូងបង្កឲ្យអ្នកជំងឺបាត់បង់ចំណង់អាហារ
បាត់បង់ចំណង់អាហារគឺជាផលវិបាកមួយនៃជំងឺខ្សោយបេះដូង ព្រោះថានៅពេលបេះដូងចុះខ្សោយមុខងារនោះមិនអាចបញ្ជូនឈាម និង អុកស៊ីសែនទៅកាន់សរីរាង្គបានគ្រប់គ្រាន់ទេ ពេលនោះសារធាតុរាវក្នុងរាងកាយ នឹងចាប់ផ្ដើមកើនឡើងក្នុងសរសៃឈាម ពិសេសនៅពេលដែលជំងឺនេះបានវិវត្ដប៉ះពាល់ទៅដល់មុខងារតម្រងនោម និង សួត។
តម្រងនោមមានមុខងារច្រោះឈាម បញ្ចេញកាកសំណល់ សារធាតុរាវក្នុងទម្រង់ជាទឹកនោម ចំណែកសួតមានមុខងារប្លាស់ប្តូរឧស្មន័ដែលបានស្រូបចូល ដើម្បីផលិតអុកស៊ីសែនបញ្ជូនក្នុងឈាមទៅចិញ្ចឹមសរីរាង្គ ។ ពេលសរីរាង្គទាំងពីររងផលប៉ះពាល់ពីជំងឺខ្សោយបេះដូង គឺមិនអាចទទួលឈាមបានគ្រប់គ្រាន់ ក៏មិនអាចបំពេញមុខងារ ផលិតអុកស៊ីសែន និង ច្រោះកាកសំណល់បានល្អនោះដែរ។ ហេតុនេះក៏ធ្វើឲ្យចាល់ជាតិទឹកកើនឡើង ប៉ះពាល់ទៅដល់ផ្នែកផ្សេងៗ ដូចជា ហើមជើង ប្រអប់ជើង ក្នុងនោះក៏ប៉ះពាល់ប្រព័ន្ធរំលាយអាហារ ដែលធ្វើឲ្យអ្នកជំងឺបាត់បង់ចំណង់អាហារ លែងឃ្លាន ញ៉ាំឆាប់ឆ្អែត និង ចង្អោរម្ដងៗ ប៉ុន្ដែងាយឡើងគីឡូ។
មូលហេតុសំខាន់ៗដែលបណ្ដាលឲ្យកើតជំងឺខ្សោយបេះដូង
- កត្ដាលើសសម្ពាធឈាម
- ជំងឺស្ទះសរសៃឈាមបេះដូង
- ជំងឺខូចប្រឺសបេះដូង
- ជំងឺបេះដូងពីកំណើត
- ជំងឺសាច់ដុំបេះដូង
- ជំងឺវិបត្តិចង្វាក់បេះដូង
- មានជំងឺទឹកនោមផ្អែម
ការពារ និង ព្យាបាលជំងឺខ្សោយបេះដូង
មន្ទីរពេទ្យកាល់ម៉ែត្របានណែនាំអំពីចំណុចសំខាន់ៗក្នុងការការពារ និងព្យាបាលជំងឺខ្សោយបេះដូងដូចជា៖
- កុំបរិភោគអាហារសម្បូរជាតិប្រៃ
- ឈប់ជក់បារី
- រក្សាទំងន់ឲ្យសមស្រប
- កាត់បន្ថយ ឬបញ្ឈប់ការញ៉ាំគ្រឿងស្រវឹង
- កាត់បន្ថយការបរិភោគអាហារសម្បូរខ្លាញ់
- ញ៉ាំបន្លែ ផ្លែឈើ ឲ្យបានច្រើន
- ហាត់ប្រាណឲ្យបានទៀងទាត់
- កាត់បន្ថយភាពតានតឹង
- គ្រប់គ្រងសម្ពាធឈាមឲ្យបានត្រឹមត្រូវ ប្រសិនបើមានជំងឺលើសឈាម
- ត្រូវញ៉ាំថ្នាំឲ្យបានទៀងទាត់ និងតាមដានឲ្យបានត្រឹមត្រូវ ជាមួយគ្រូពេទ្យឯកទេស។
អត្ថបទគួរអាន៖
- ទម្លាប់មិនល្អទាំង៦ បំផ្លាញសុខភាពបេះដូងដោយមិនដឹងខ្លួន
- ខ្វះឈាមទៅចិញ្ចឹមបេះដូង អាចចេញរោគសញ្ញាទាំងនេះ
- ផ្លែឈើទាំង៨មុខនេះ ល្អសម្រាប់សុខភាពបេះដូង
- ឈឺទ្រូងផ្នែកកណ្ដាល ឬខាងឆ្វេង ប្រយ័ត្នជំងឺសរសៃឈាមបេះដូង
- គ្រឿងផ្សំក្នុងអាហារ ៣មុខ អាចធ្វើឲ្យបេះដូងលោតខុសធម្មតា
- ធ្វើការពីផ្ទះ មុខកុំព្យូទ័រយូរម៉ោង អាចប្រឈមជំងឺបេះដូង
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
5 warning signs of early heart failure https://www.health.harvard.edu/heart-health/5-warning-signs-of-early-heart-failure
Acute Heart Failure https://my.clevelandclinic.org/health/diseases/21686-acute-heart-failure#:~:text=Acute%20heart%20failure%20is%20a,condition%20requires%20emergency%20medical%20care.
Eating and Digestive Symptoms https://medlineplus.gov/ency/patientinstructions/000365.htm#:~:text=Eating%20and%20Digestive%20Symptoms&text=Symptoms%20of%20fatigue%2C%20shortness%20of,of%20the%20natural%20disease%20process.
Heart failure https://www.mayoclinic.org/diseases-conditions/heart-failure/symptoms-causes/syc-20373142
LOSS OF APPETITE https://www.heartfailurematters.org/understanding-heart-failure/loss-of-appetite/#:~:text=Fluid%20accumulation%20caused%20by%20heart,you%20may%20feel%20less%20hungry.
កំណែប្រែបច្ចុប្បន្ន
22/05/2023
អត្ថបទដោយ អឿ អ៊ុយ
ត្រួតពិនិត្យដោយ វេជ្ជ. ចាន់ ស៊ីណេត
បច្ចុប្បន្នភាពដោយ៖ នូ សោភ័ណ្ឌ
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម