ពេលចូលសង្គម ជួបជុំកាន់តែញឹកញាប់ ផឹកកាន់តែច្រើន។ ផឹកល្មមៗ ហើយយូរៗម្ដង មិនអីទេ ប៉ុន្តែការផឹកស្រាញឹក អាចធ្វើឲ្យយើងគ្រោះថ្នាក់ដល់សុខភាព។
ចង់ចាកចេញពី Hellokrupet?
ប្រាកដហើយថា អ្នកចង់ចាកចេញ?
យើងគួរធ្វើម៉េចខ្លះ ដើម្បីកែលម្អបញ្ហានេះ?
អត្ថបទនេះមានកំហុស ព័ត៌មាន ឬតួលេខមិនត្រឹមត្រូវ
បើមានកំហុសឆ្គងណាមួយ សូមប្រាប់ពួកយើងដើម្បីកែតម្រូវ
អត្ថបទនេះមានព័ត៌មានមិនគ្រប់គ្រាន់
បើមានកំហុសឆ្គងណាមួយ សូមប្រាប់ពួកយើងដើម្បីកែតម្រូវ
ហមមម... ខ្ញុំមានចម្ងល់ពីបញ្ហាសុខភាពខ្លះចង់សាកសួរ
ថ្វីត្បិតតែ Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនក៏ពិតមែន ប៉ុន្តែពួកយើងពិតជាស្វាគមន៍រាល់មតិកែលម្អិតទាំងអស់របស់លោកអ្នកដែលតែងតែតាមដាន Hello គ្រូពេទ្យ ជាប្រចាំ។ សូមវាយបញ្ចូលមតិយោបល់របស់លោកអ្នកក្នុងប្រអប់ខាងក្រោម។
របៀបដោះសា កុំឲ្យញៀនផឹក ដោយសារកម្មវិធីញឹកញាប់
១- កាត់បន្ថយការផឹកស្រាមិនមែនមានន័យថាយើងមិនចូលសង្គមនោះទេ
ការផឹកស្រាដើម្បីចូលសង្គម ពេលខ្លះអាចក្លាយជាការផឹកច្រើន។ ការផឹកច្រើន មិនដូចនឹងការញៀនស្រាទេ ប៉ុន្តែវាជាដំណាក់កាលដំបូងធ្វើឲ្យឈានទៅញៀនស្រា។
ពេលដឹងថាយើងមានបញ្ហាដោយសារផឹកស្រា យើងប្រហែលជាពិបាកទទួលយក។ ប៉ុន្តែជាការសំខាន់ដែលត្រូវដឹងពីសញ្ញា និងធ្វើការសម្រេចចិត្តថាត្រូវកាត់បន្ថយការផឹកស្រាដោយរបៀបម៉េច។ យើងអាចសប្បាយជាមួយសកម្មភាពសង្គម ឬសម្រាកនៅផ្ទះដោយមិនចាំបាច់ផឹកស្រាឡើយ។ ត្រូវអប់រំខ្លួនឯងពីការញៀនស្រា និងត្រូវផឹកក្នុងកម្រិតមធ្យមដើម្បីថែទាំសុខភាពឲ្យបានប្រសើរ។
បន្ថយផឹកស្រា មិនមែនមានន័យថាលះបង់ជីវិតឈប់ចូលសង្គមឡើយ។ ខាងក្រោមនេះជាគន្លឹះខ្លះអាចសាកល្បង ពេលយើងចេញក្រៅលើកក្រោយ៖
អត្ថបទពាក់ព័ន្ធ៖ WHO ព្រមានពីគ្រោះថ្នាក់នៃការផឹកគ្រឿងស្រវឹង
បង្កើតវិន័យកំណត់ការផឹក
ត្រូវរក្សាគោលដៅរបស់យើងនៅក្នុងចិត្ត បើចង់បន្ថយផឹកស្រា។ វិធីខ្លះអាចជួយយើងគេចផុតពីការផឹកស្រាច្រើន៖
– មិនត្រូវផឹកមុនពេលកម្មវិធីជប់លៀង ឬពិធីជួបជុំក្នុងសង្គមដទៃទៀត៖
- មនុស្សស្រី៖ មិនត្រូវផឹកច្រើនជាង ៣ ដបក្នុងមួយថ្ងៃឡើយ ហើយមិនត្រូវផឹកច្រើនជាង ៧ ដបក្នុងមួយសប្ដាហ៍
- មនុស្សប្រុស៖ មិនត្រូវផឹកច្រើនជាង ៤ ដបក្នុងមួយថ្ងៃឡើយ ហើយមិនត្រូវផឹកច្រើនជាង ១៤ ដបក្នុងមួយសប្ដាហ៍ឡើយ
- ត្រូវផឹកជាមួយអ្នកដទៃ មិនត្រូវផឹកតែឯងឡើយ
- ត្រូវផឹកត្រឹមចំនួនដែលខ្លួនឯងកំណត់
- មិនត្រូវផឹកដើម្បីបន្ថយស្ត្រេសឡើយ
- ផឹកទឹកឲ្យច្រើនជាងស្រា ៤ ដង។
ជាតិអាល់កុល ជាសារធាតុបញ្ចុះនោម វានឹងធ្វើឲ្យយើងបាត់បង់ជាតិទឹក។ រាងកាយអាចបញ្ចេញជាតិទឹកច្រើនជាងធម្មតា ៤ ដង ពេលយើងផឹកស្រា។ ផឹកទឹកនឹងធ្វើឲ្យការផឹកស្រារបស់យើងថយល្បឿន។ ការបន្ថែមជាតិទឹក អាចជួយយើងកុំឲ្យមានអាការៈធេងធោង (Hangover) នៅព្រឹកបន្ទាប់។
កុំផឹកពោះទទេ
គួរផឹកស្រាមួយ ឬពីរកែវ ជាមួយអាហារពេលល្ងាច ឬផឹកស្រាបៀមួយកំប៉ុងជាមួយនឹងសាច់អាំង។
- ការផឹកស្រាពេលពោះទទេ ធ្វើឲ្យមានអាការៈធេងធោងច្រើននៅពេលព្រឹក។ ញ៉ាំអាហារដែលល្អសម្រាប់សុខភាព មុន ឬអំឡុងពេលផឹកស្រា ធ្វើឲ្យរាងកាយស្រូបយកជាតិអាល់កុលយឺត ធ្វើឲ្យរាងកាយមានពេលសម្រាប់ការធ្វើមេតាបូលីស (ដុតបម្លែងថាមពល)។ ខ្លាញ់ និងជាតិកាបូអ៊ីដ្រាតកំផ្លិច គឺល្អបំផុត។
- ពេលញ៉ាំអាហារចប់ គួរញ៉ាំទឹកបន្តិច។ មិនត្រូវបន្តផឹកស្រាថែមទៀតឡើយ ពេលឈប់ញ៉ាំអាហារ។ បើយើងនៅក្នុងហាងមានភ្ញៀវច្រើន គួរជាពេលដែលយើងឈប់ញ៉ាំហើយ។
អត្ថបទពាក់ព័ន្ធ៖ ផឹកស្រាលាយកូកាអ៊ីន អាចបណ្ដាលឲ្យដាច់សរសៃឈាមខួរក្បាលភ្លាមៗ
២- ចៀសវាងផឹកស្រា និងរកជំនួយ បើញៀនស្រា
អ្នកញៀនស្រា ជាទូទៅយល់ថាជាការពិបាកក្នុងការឈប់។ សូមធ្វើតាមគន្លឹះណែនាំខាងលើដើម្បីបន្ថយផឹក។ បើការផឹកក្លាយទៅជាបញ្ហា ធ្វើឲ្យមនុស្សម្នាក់មិនអាចគ្រប់គ្រងបាន ដូចនេះជាការល្អត្រូវរកសមាជិកគ្រួសារ ឬមិត្តភក្ដិ គ្រូ ឬនរណាម្នាក់ ដើម្បីជួយ។
អត្ថបទពាក់ព័ន្ធ៖
- មូលហេតុ ក្មេងៗមិនគួរផឹកគ្រឿងស្រវឹង
- ៥ សំណួរ-ចម្លើយ ស្រីៗចង់ដឹងបំផុត ពាក់ព័ន្ធរឿងផឹកស្រាពេលពពោះ
- ដាក់ជ្រុលស្រវឹង ហើយអត់ស្រួលខ្លួន នេះជាវិធីដោះស្រាយ
ក្នុងករណីមានសំនួរឬមន្ទិលសង្ស័យជុំវិញសុខភាពអ្នក ជម្រើសល្អបំផុតសូមពិគ្រោះ និងប្រឹក្សាយោបល់ផ្ទាល់ជាមួយគ្រូពេទ្យជំនាញ។ Hello Health Group មិនចេញវេជ្ជបញ្ជា ធ្វើរោគវិនិច្ឆ័យឬ ធ្វើព្យាបាលជូនទេ៕
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ប្រភព
Tips for cutting down when out. https://www.drinkaware.co.uk/make-a-change/how-to-cut-down/cutting-down-when-out-and-about/tips-for-cutting-down-when-out. Accessed November 12, 2015.
How to Hold Your Liquor. http://www.webmd.com/balance/features/how-to-hold-your-liquor. Accessed November 12, 2015.
Handling urges to drink. Plan ahead to stay in control. http://rethinkingdrinking.niaaa.nih.gov/tools/Interactive-worksheets-and-more/Stay-in-control/Coping-With-Urges-To-drink.aspx#form1. Accessed November 12, 2015.
Choosing not to drink, just because. http://articles.chicagotribune.com/2010-12-29/health/sc-health-1229-alcohol-20101229_1_alcoholic-drinks-social-anxiety-alcohol-prevention. Accessed November 12, 2015.
