ផឹកគ្រឿងស្រវឹងច្រើន ប៉ះពាល់ដល់សុខភាពខ្លាំង សូម្បីតែភ្លាមៗក្រោយស្រវឹង ក៏វាធ្វើឲ្យយើងពិបាកក្នុងខ្លួន ឬមិនស្រួលខ្លួន ដូចជា ឈឺក្បាល វិលមុខ រាក អត់ឃ្លានអាហារ អស់កម្លាំង ឈឺខ្លួន និងអាការៈមួយចំនួនទៀត។
ដាក់ជ្រុលស្រវឹង ហើយអត់ស្រួលខ្លួន នេះជាវិធីដោះស្រាយ
ត្រួតពិនិត្យដោយ ជីព ចិត្ត
អាការៈធ្វើទុក្ខទាំងនេះបណ្ដាលមកពីជាតិអាល់កុល និងជាតិពុល ដែលបានចូលទៅក្នុងខ្លួនយើង ដោយវាបង្កឲ្យខ្សោះជាតិទឹកក្នុងខ្លួន ប្រែប្រួលសរសៃឈាម ប៉ះពាល់ដល់អ័រម៉ូន ថ្លើម និងតម្រងនោម។
ក្រោយស្រវឹងស្រា គ្មានវិធីបំបាត់បញ្ហានេះបានភ្លាមៗនោះទេ ប៉ុន្ដែមានវិធីមួយចំនួន អាចជួយសម្រួលការឈឺខ្លួនប្រាណ ឬបញ្ហាមិនស្រួលខ្លួននានាបាន។ វិធីទាំងនោះ មានដូចជា៖
១. ផឹកទឹកឲ្យបានច្រើន
ផឹកទឹកឲ្យបានច្រើន គឺសំខាន់ណាស់ ក្រោយយើងស្រវឹងស្រា ដោយសារពេលយើងផឹកស្រា ជាតិអាល់កុល បានរារាំងតម្រងនោមមិនឲ្យស្រូបយកជាតិទឹក ដែលបណ្ដាលឲ្យយើងបាត់បង់ជាតិទឹកជាច្រើនក្នុងខ្លួន។
២. ញ៉ាំឲ្យបានគ្រប់គ្រាន់
ក្រោយស្រវឹងស្រា យើងអាចមិនសូវឃ្លានអាហារ តែការញ៉ាំអាហារបានគ្រប់គ្រាន់ គឺជារឿងល្អបំផុត ព្រោះវាជួយឲ្យយើងមានកម្លាំងឡើងវិញ និងជួយបង្ការរោគសញ្ញាជំងឺក្រពះ-ពោះវៀន។
៣. លេបថ្នាំ
ថ្នាំបំបាត់ការឈឺចាប់ អាចជួយសម្រួលបញ្ហាឈឺក្បាល និងការឈឺចាប់ខ្លួនប្រាណរបស់យើង ក្រោយស្រវឹង។ យើងក៏អាចចាក់បញ្ចូលជាតិទឹក IV Fluid ដើម្បីបំបាត់អាការៈមិនស្រួលខ្លួនផងដែរ។
អាការៈក្រោយស្រវឹង ជាធម្មតា មិនបង្កគ្រោះថ្នាក់នោះទេ ប៉ុន្ដែវាបង្កបញ្ហាសុខភាពជាច្រើន ជាពិសេសសម្រាប់អ្នកពុំសូវមានសុខភាពល្អ។ ការរង់ចាំ គឺជាវិធីរួមមួយ ដែលមនុស្សច្រើន តែងធ្វើក្រោយស្រវឹង ព្រោះអាការៈស្រវឹង នឹងបាត់ទៅវិញដោយខ្លួនឯង គ្រាន់តែត្រូវការពេលយូរបន្ដិច បើមិនរកវិធីផ្សេងទៀត ជួយសម្រួលនោះទេ។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយគ្រូពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ត្រួតពិនិត្យដោយ
ជីព ចិត្ត
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម