ថ្នាំជំនួយដល់ការលេងកីឡាភាគច្រើនប្រើដោយពួកកីឡាករដើម្បីឲ្យលេងកីឡាបានកាន់តែខ្លាំង និងមានប្រៀបលើគូប្រជែងខ្លួន។ តែថ្នាំទាំងនេះក៏មានផលលំបាកចំពោះសុខភាពអ្នកប្រើប្រាស់ផងដែរ។ ខាងក្រោមនេះជាផលលំបាកទាំង៤៖
អ្នកហាត់កីឡាចង់ប្រើថ្នាំជំនួយពេលហាត់ ឬប្រកួតត្រូវដឹងរឿងប្រឈមនេះ
១- ថ្នាំ Anabolic steroids
Anabolic-androgen steroids ឬហៅខ្លីត្រឹម anabolic steroids ជាថ្នាំស្តេរ៉ូអ៊ីដដែលជួយជំរុញការឡើងសាច់ដុំ និងកម្លាំង។ អ័រម៉ូនតេស្តូស្តេរ៉ូនក៏ស្ថិតក្នុងអំបូរនេះដែរ មានមុខងារចម្បងសម្រាប់ការបង្កើនសាច់ដុំ។ លើសពីនេះទៀតវាក៏ជួយឲ្យរាង្គកាយបានធូរស្បើយពីការហាត់ប្រាណកម្រិតធ្ងន់លឿនជាធម្មតា ដោយសារវាកាត់បន្ថយការខូចខាតនៃសាច់ដុំពេលហាត់ប្រាណនោះ។ ផ្ទុយទៅវិញ អ្នកខ្លះក៏នឹងក្លាយជាឆេវឆាវពេលប្រើថ្នាំនេះផងដែរ។
ថ្នាំមួយចំនួនដែលត្រូវបានសំយោគពីក្រុមពួកស្តេរ៉ូអ៊ីដនេះ (designer drugs) ជាពពួកថ្នាំដែលមានគ្រោះថ្នាក់ចំពោះសុខភាព។ វាមិនមានការអនុញ្ញាតឲ្យប្រើប្រាស់ពី FDA របស់អាមេរិកឡើយ។
២- គ្រោះថ្នាក់អាចមានដោយសារថ្នាំAnabolic steroids
ការប្រើប្រាស់ក្នុងកម្រិតខ្ពស់អាចធ្វើឲ្យមានផលរំខានធ្ងន់ធ្ងរដូចជា៖
– ចំពោះបុរស៖ ឡើងដោះ ទំពែក ពងស្វាសរួមតូច អា អសមត្ថភាពផ្លូវឬក្រពេញប្រូស្តាតរីកធំ។
– ចំពោះស្រ្តី៖ សំឡេងធំ ក្លីតូរីសរីកធំ ដុះរោមលើខ្លួនច្រើនជាងមុន ទំពែក ឬបាត់រដូវជាដើម។
ផលរំខានផ្សេងៗរួមមាន៖ ឡើងមុនច្រើន រលាកឬដាច់សរសៃពួរ មុខងារថ្លើមមិនប្រក្រតី ឬមានដុំនៅថ្លើម កើនឡើងខ្លាញ់អាក្រក់ (LDL) ថយចុះខ្លាញ់ល្អ (HDL) ឆេវឆាវ ហឹង្សា និងមានជំងឺផ្លូវចិត្ត។
៣- Androstenedione
វាជាអ័រម៉ូនភេទដែលចេញពីក្រពេញភេទ និងក្រពេញលើតម្រងនោម។ ទាំងមនុស្សប្រុសនិងមនុស្សស្រី អ័រមូននេះនឹងបម្លែងជា តេស្តូស្តេរ៉ូននិងអឺស្រ្តាដ្យ៉ូល។ ពពួកនេះត្រូវបានគ្រប់គ្រងយ៉ាងតឹងតែង គឺថាអាចប្រើបានទាល់តែមានវេជ្ជបញ្ជា។ មានការសិក្សាជាច្រើនបញ្ជាក់ថាការប្រើពពួក androstenedione នេះមិនមានប្រយោជន៍ក្នុងការបង្កើនអ័រម៉ូនភេទប្រុស ឬធ្វើឲ្យសាច់ដុំខ្លាំងជាងមុនឡើយ។
៤- គ្រោះថ្នាក់អាចមានដោយសារ androstenedione
ជាទូទៅ វានឹងធ្វើឲ្យថយចុះពពួកខ្លាញ់ល្អ (HDL) ប្រឈមមុខខ្ពស់នឹងជំងឺគាំងបេះដូង និងដាច់សរសៃឈាមខួរក្បាល។ ចំពោះបុរស មានឡើងមុន ថយចុះមេជីវិតឈ្មោល ពងស្វាសរួមតូច និងឡើងដោះ។ ឯស្រ្តីវិញ មានឡើងមុន សំឡេងធំ និងជ្រុះសក់។
៥- អ័រម៉ូនលូតលាស់ (human growth hormone)
អ័រម៉ូនលូតលាស់ ឬ gonadotropin ជាអ័រម៉ូនជួយឲ្យសាច់ដុំធំ និងខ្លាំងជាងមុន។ តែវាមិនជំរុញ ឬបង្កើនកម្លាំងបែបផ្លូវកាត់នោះឡើយ។ វាអាចប្រើបានទាល់តែមានវេជ្ជបញ្ជានិងមានក្នុងទម្រង់ជាថ្នាំចាក់តែប៉ុណ្ណោះ។
អត្ថបទពាក់ព័ន្ធ៖ មុនសម្រេចចិត្តប្រើប្រាស់ពពួកស្តេរ៉យ នេះជាអ្វីគួរដឹង
៦- គ្រោះថ្នាក់អាចមានដោយសារអ័រម៉ូនលូតលាស់
ផលរំខានអាចមានពីកម្រិតមធ្យមទៅធ្ងន់ដូចជា ឈឺសន្លាក់ ខ្សោយសាច់ដុំ ហើម ស្រវ៉ាំងភ្នែក គាបសរសៃប្រសាទកដៃ(carpal tunnel syndrome) ជាតិស្ករក្នុងឈាមប្រែប្រួល បេះដូងរីក កើនឡើងកូលេសស្តេរ៉ូល ជំងឺទឹកនោមផ្អែម និងលើសឈាម។
៧- កោសិកាដើមឈាមក្រហម (Erythropoietin)
វាត្រូវបានគេប្រើដើម្បីព្យាបាលជំងឺស្លេកស្លាំងក្នុងអ្នកជំងឺតម្រងនោមកម្រិតធ្ងន់ធ្ងរ។ អ័រម៉ូននេះទៅបង្កើនការផលិតគ្រាប់ឈាមក្រហមនិងហេម៉ូក្លូប៊ីនដែលធ្វើឲ្យអុកស៊ីសែនអាចទៅដល់សាច់ដុំកាន់តែច្រើន។ កីឡាករមួយចំនួនធំប្រើ epoetin (ទម្រង់សំយោគនៃ erythropoietin) ដើម្បីហាត់បានយូរ។
៨- គ្រោះថ្នាក់អាចមានដោយសារ erythtopoietin
វាត្រូវបានគេប្រើយ៉ាងច្រើនក្នុងចំណោមកីឡាករជិះកង់ក្នុងកំឡុងទសវត្សរ៍ឆ្នាំ៩០។ អ័រម៉ូននេះត្រូវបានគេចោទថាបណ្តាលឲ្យមនុស្សស្លាប់យ៉ាងតិច១៨នាក់។ ការប្រើប្រាស់មិនត្រឹមត្រូវអាចធ្វើឲ្យមានការប្រឈមខ្ពស់នឹងបញ្ហាកំណកឈាម ដូចជាដាច់ឬស្ទះសរសៃឈាម គាំងបេះដូង និងស្ទះសរសៃឈាមក្នុងសួត។
ទោះបីផលរំខានរយៈពេលវែងមិនទាន់ដឹងនៅឡើយ តែផលរំខានក៏ដូចផលលំបាករយៈពេលខ្លីអាចប៉ះពាល់ដល់ជីវិតបានទោះបីវាមានគុណសម្បត្តិច្រើនក៏ដោយ។ បន្ថែមពីលើនេះ ការប្រើប្រាស់ជំនួយទាំងនេះត្រូវបានហាមឃាត់ដោយអង្គការជាច្រើន ដូចនេះថ្នាំជំនួយដល់ការលេងកីឡាទាំងអស់នេះគួរដកចេញពីទីផ្សារ។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយគ្រូពេទ្យជំនាញ។ Hello Health Group មិនចេញ វេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម