ការច្រាលអាស៊ីដក្រពះ គឺជាបញ្ហានៃការរំលាយអាហារទូទៅមួយកើតឡើងនៅពេលអាស៊ីដរបស់ក្រពះច្រាលចូលទៅក្នុងបំពង់អាហារវិញ។ បញ្ហាច្រាលអាស៊ីដក្រពះម្ដងម្កាលមិនមែនជារឿងចម្លែកនោះទេ ប៉ុន្តែអ្នកខ្លះអាចកើតមានបញ្ហាញឹកញាប់ ដោយមិនស្រួលខ្លួន ហើមពោះ និងភើស្ទើរតែគ្រប់ពេល នៅពេលញ៉ាំអាហារ។ បើគ្នាយើងមានបញ្ហាច្រាលអាស៊ីដក្រពះគួស្វែងរកជំនួយពីគ្រូពេទ្យ។ ទន្ទឹមនឹងនេះដែរ អ្នកមានបញ្ហានេះ ក៏គួរប្រយ័ត្នប្រយែងចំពោះអាហារដែរ។

ចង់គណនា BMR ចុចទីនេះ !

ចង់ពិនិត្យជំងឺសរសៃឈាមបេះដូង ចុចទីនេះ !

១.អាហារអាចធ្វើឱ្យក្រហាយទ្រូង(ច្រាលអាស៊ីដ)

អាហារមួយចំនួនអាចធ្វើឲ្យក្រហាយទ្រូង ដោយធ្វើឲ្យសាច់ដុំខ្ជឹបបំពង់អាហារមិនសូវធ្វើការ និងពន្យារពេលនៃដំណើរការរំលាយអាហារ នាំឲ្យអាហារនៅក្នុងក្រពះយូរ មិនងាយរំលាយ។ អាហារទាំងនោះមានដូចជា៖

អាហារចៀន
អាហារកែច្នៃ
ភីហ្សា
ដំឡូងបារាំងនិងអាហារកែច្នៃផ្សេងទៀត
ម្សៅម្ទេសនិងម្រេច
សាច់ខ្លាញ់ដូចជា សាច់ក្រកនិងសាច់ជ្រូកបន្ទះ
ឈីស

អាហារបំពង ចៀន- Hello គ្រូពេទ្យ — អាហារបំពង ចៀន

អាហារផ្សេងទៀតដែលអាចបង្កបញ្ហាដូចគ្នារួមមាន៖

ទឹកជ្រលក់ប៉េងប៉ោះ
ផ្លែក្រូច
សូកូឡា
ម្ទេសប្លោក
ភេសជ្ជៈកំប៉ុង

២.អាហារជួយការពារការច្រាលជាតិអាស៊ីដ

ខាងក្រោមនេះជាអាហារបីប្រភេទដែលគ្នាយើងគួរតែញាំដើម្បីជួយបង្ការបញ្ហាច្រាលអាស៊ីដក្រពះ៖

– អាហារមានជាតិសរសៃខ្ពស់

អាហារមានជាតិសរសៃធ្វើឱ្យយើងមានអារម្មណ៍ថាឆ្អែត ដូច្នេះយើងអាចនឹងមិនសូវញាំច្រើន ដែលអាចកាត់បន្ថយដល់ការក្រហាយទ្រូង។ យើងអាចទទួលបានជាតិសរសៃពីអាហារទាំងនេះ៖

ធញ្ញជាតិដូចជា oatmeal និងអង្ករសំរូប
ដំឡូងជ្វា ការ៉ុតនិងឆៃថាវ
បន្លែបៃតងដូចជា ទំពាំងបារាំង ខាត់ណាខៀវ និងសណ្ដែកបៃតង

ដំឡូងជ្វា

– អាហារមានសារធាតុអាល់កាឡាំង

អាហារអាល់កាឡាំងរួមមាន៖

ផ្លែចេក
ផ្លែឪឡឹក
ផ្កាខាត់ណា
សណ្ដែកដី គ្រាប់ស្វាយចន្ទី អាល់ម៉ុន

– អាហារមានជាតិទឹក

ការញ៉ាំអាហារដែលមានជាតិទឹកច្រើនអាចធ្វើឱ្យអាស៊ីដក្រពះថយចុះ។ អាហារសម្បូរជាតិទឹករួមមាន៖

ត្រសក់
សាឡាត់
ឪឡឹក
ទឹកស៊ុបរំងាស់
តែរុក្ខជាតិ

ពេលណាគួរទៅជួបជាមួយពេទ្យ

ប្រសិនបើមានការក្រហាយទ្រូងពីរដងឬច្រើនដងក្នុងមួយសប្ដាហ៍ ហើយបើទោះជាយើងប្ដូររបបអាហារហើយក៏នៅតែមិនបាត់យើងគួរតែពិគ្រោះជាមួយគ្រូពេទ្យពីបញ្ហានេះ។ គ្រូពេទ្យ អាចធ្វើតេស្តដើម្បីវាស់ជាតិអាស៊ីដក្នុងក្រពះនិងមើលថាតើការច្រាលអាស៊ីដញឹកញាប់អាចធ្វើឱ្យខូចបំពង់អាហាររបស់យើងឬទេ។

ជួប​បញ្ហាច្រាលអាស៊ីដ​ក្រពះ គួរដឹងពីអាហារគួរញ៉ាំ មិនគួរញ៉ាំ

១.អាហារ​អាច​ធ្វើ​ឱ្យ​ក្រហាយ​ទ្រូង(ច្រាល​អាស៊ីដ)

២.អាហារ​​ជួយ​ការពារ​ការ​ច្រាលជាតិ​អាស៊ីដ

ពេល​ណា​គួរ​ទៅ​ជួប​ជា​មួយ​ពេទ្យ

ជួបបញ្ហាច្រាលអាស៊ីដក្រពះ គួរដឹងពីអាហារគួរញ៉ាំ មិនគួរញ៉ាំ

១.អាហារអាចធ្វើឱ្យក្រហាយទ្រូង(ច្រាលអាស៊ីដ)

២.អាហារជួយការពារការច្រាលជាតិអាស៊ីដ

ពេលណាគួរទៅជួបជាមួយពេទ្យ