ជំងឺទល់លាមក

ពេលទល់លាមកប្រឹងជុះខ្លាំងពេក ប្រយ័ត្នកើតជំងឺរហែករន្ធទ្វារបាត

ពេលយើងបត់ជើងធំបន្ទាប់ពីខានជុះ ២-៣ថ្ងៃ វាធ្វើឲ្យយើងពិបាកបញ្ចេញកាកសំណល់ក្នុងខ្លួន ទម្រាំចេញមក យើងត្រូវប្រឹងឡើងបែកញើសជោកថ្ងាស។ ជួនកាល ពេលយើងប្រឹងជុះនឹងអាចបង្កជាជំងឺរហែករន្ធទ្វារបាតទៀត ព្រោះខំប្រឹងខ្លាំងពេក។ តាមការផ្សព្វផ្សាយរបស់មន្ទីរពេទ្យ កាល់ម៉ែត បានឲ្យដឹងថា ជំងឺរហែករន្ធទ្វារបាត គឺជាជំងឺដែលមានការដាច់រលាត់បាត មនុស្សមួយចំនួនធំអាចជួបញឹកញាប់ដែរ ចំពោះបញ្ហាជំងឺនៅរន្ធទ្វារបាត ធ្វើឲ្យអ្នកជំងឺមានការឈឺចាប់នៅបាត និងបន្ទោរបង់លាមកមានឈាម។ ជំងឺនេះ អាចជួបប្រទះនៅលើមនុស្សគ្រប់វ័យ និងគ្រប់ភេទ ហើយវាអាចមានលក្ខណៈស្រួចស្រាវ ឬរ៉ាំរ៉ៃ។ ចូលរួម កម្មវិធីពិនិត្យសុខភាពក្រពះពោះវៀនអនឡាញនៅទីនេះ ជំងឺរហែករន្ធទ្វារបាត កើតមានឡើងដោយសារតែការប៉ះទង្គិចនៃដុំលាមកទៅលើស្បែកនៃរន្ធទ្វារបាត ដែលធ្វើឲ្យមានការដាច់រលាត់ ឬដោយការកន្ត្រាក់នៃសាច់ដុំរន្ធទ្វារបាតខ្លាំង។ ជំងឺនេះអាចបង្កពីមួលហេតុដូចជា៖ ១. ទល់លាមក ២. រាករូសរ៉ាំរ៉ៃ ៣. ប្រឹងបន្ទោបង់លាមកខ្លាំង ៤. ក្រោយការសម្រាលកូន ៥. រួមភេទតាមរន្ធទ្វារបាត រោគសញ្ញានៃជំងឺរហែករន្ធទ្វារបាត ឈឺនៅរន្ធទ្វារបាត ពិសេសនៅពេលបត់ជើងធំ មានឈាមជាប់លាមក ឬតក់ក្នុងចានបង្គន់ ជួនកាល មានសាច់នៅបាត ដែលអ្នកជំងឺច្រើនគិតថាជា ជំងឺឫសដូងបាត។ ក្នុងករណីមានមេរោគនៅលើកន្លែងរហែកនោះ វាអាចបណ្ដាលឲ្យកើតមានបូសអន្ទង់នៅរន្ធទ្វារបាត ដែលធ្វើឲ្យជ្រាបសើមដោយខ្ទុះ និងរមាស់នៅបាត។ មុននឹងព្យាបាល គ្រូពេទ្យទាមទារឲ្យដឹងពីមូលហេតុបង្ក និងរយៈពេលនៃជំងឺនេះជាមុនសិន ហើយវិធីសាស្ត្រក្នុងការព្យាបាលមានដូចជា៖ ប្រើថ្នាំបន្ទន់លាមក បើអ្នកជំងឺពិបាកក្នុងការបត់ជើងធំ ប្រើថ្នាំបំបាត់រាក បើអ្នកជំងឺមានការរាករូសខ្លាំង ប្រើថ្នាំ cream លាបទៅលើទ្វារបាត ប្រើថ្នាំបំបាត់ការឈឺចាប់ ត្រាំទឹកក្ដៅឧណ្ហៗអាចជួយកាត់បន្ថយការឈឺចាប់។ ប៉ុន្តែ បើជំងឺរហែករន្ធទ្វារបាត វិវត្តទៅជារ៉ាំរ៉ៃ ឬមានមេរោគក្លាយនៅកន្លែងរហែកនោះ ការព្យាបាលដែលមានប្រសិទ្ធភាពបំផុតនោះគឺការវះកាត់យកផ្នែករហែកចេញ និងសម្អាតនូវមេរោគនៅកន្លែងនោះ។ ការប្រើពពួកថ្នាំផ្សះតែមួយមុខ មិនមានប្រសិទ្ធភាពក្នុងការព្យាបាលទេ។

សូមស្វាគមន៍ !

មានអ្វីថ្មី?

មាតិកា

ហានិភ័យសុខភាព

លំហាត់ប្រាណ

ការពពោះ & ការចិញ្ចឹមកូន

ចំណេះដឹងទូទៅ

ពេលទល់លាមកប្រឹងជុះខ្លាំងពេក ប្រយ័ត្នកើតជំងឺរហែករន្ធទ្វារបាត

ឧស្សាហ៍ទល់លាមក គួរចៀសវាងអាហារទាំង ៥មុខ នេះ

ចេកជាអាវុធមុខពីរ សម្រួលការបន្ទោបង់ផង ធ្វើឲ្យទល់លាមកផង

ផឹកកាហ្វេធ្វើឲ្យងាយឈឺជុះ ពិតអត់?

អ្នកកំពុងជួបបញ្ហាទល់លាមក ហាមធ្វើរឿងទាំងនេះដាច់ខាត

កុំថាមិនអី ទល់លាមកយូរ អាចបង្កឲ្យកើតមហារីក

បើមិនចង់ទល់លាមក កុំញ៉ាំអាហារទាំងនេះច្រើនពេក

ទល់លាមក បើបណ្តោយទុកយូរ បង្កទៅជាជំងឺធ្ងន់ធ្ងរច្រើនមុខ

រឿងពិតពាក់ព័ន្ធទល់លាមក មនុស្សភាគច្រើនអត់ដឹង

គ្រូពេទ្យឯកទេសផ្នែក ជំងឺទល់លាមក របស់យើង

មើលបន្ថែមពីគ្រូពេទ្យឯកទេស

វេជ្ជ. ចាន់ ស៊ីណេត

ចង់ចាកចេញពី Hellokrupet?